ശൈ​ഖ്​ മു​ഹ​മ്മ​ദ് ബി​ന്‍ സാ​യി​ദി​ന്‍റെ പേ​രി​ൽ ജീ​വ​കാ​രു​ണ്യ സം​രം​ഭം

അ​ബൂ​ദ​ബി: ആ​ഗോ​ള​ത​ല​ത്തി​ൽ ജീ​വ​കാ​രു​ണ്യ പ്ര​വ​ര്‍ത്ത​ന​ങ്ങ​ള്‍ കൂ​ടു​ത​ൽ സ​ജീ​വ​മാ​ക്കു​ന്ന​തി​നാ​യി യു.​എ.​ഇ​യി​ല്‍ പ്ര​സി​ഡ​ന്‍റ്​ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​ന്‍റെ പേ​രി​ൽ ജീ​വ​കാ​രു​ണ്യ സം​രം​ഭ​ത്തി​ന്​ തു​ട​ക്ക​മി​ട്ടു. മു​ഹ​മ്മ​ദ് ബി​ന്‍ സാ​യി​ദ് ഫൗ​ണ്ടേ​ഷ​ന്‍ ഫോ​ര്‍ ഹ്യൂ​മാ​നി​റ്റി എ​ന്ന പേ​രി​ലാ​ണ്​ പു​തി​യ സം​രം​ഭം. ദു​ര്‍ബ​ല വി​ഭാ​ഗ​ങ്ങ​ളി​ലേ​ക്കു​ള്ള സ​ഹാ​യം വ​ർ​ധി​പ്പി​ക്കു​ക​യാ​ണ്​ ല​ക്ഷ്യം.

സാ​യി​ദ് മാ​നു​ഷി​ക ദി​ന​ത്തോ​ട​നു​ബ​ന്ധി​ച്ച് യു.​എ.​ഇ വൈ​സ് പ്ര​സി​ഡ​ന്‍റും ഉ​പ പ്ര​ധാ​ന​മ​ന്ത്രി​യും പ്ര​സി​ഡ​ന്‍ഷ്യ​ല്‍ കോ​ര്‍ട്ട് ചെ​യ​ര്‍മാ​നു​മാ​യ ശൈ​ഖ് മ​ന്‍സൂ​ര്‍ ബി​ന്‍ സാ​യി​ദ് ആ​ല്‍ ന​ഹ്​​യാ​ന്‍റെ ഉ​ത്ത​ര​വ് പ്ര​കാ​ര​മാ​ണ് മു​ഹ​മ്മ​ദ് ബി​ന്‍ സാ​യി​ദ് ഫൗ​ണ്ടേ​ഷ​ന്‍ ഫോ​ര്‍ ഹ്യൂ​മാ​നി​റ്റി സ്ഥാ​പി​ച്ച​ത്. സാ​മൂ​ഹി​ക, സാ​മ്പ​ത്തി​ക വെ​ല്ലു​വി​ളി​ക​ള്‍ നേ​രി​ടു​ന്ന​വ​രെ സ​ഹാ​യി​ക്കാ​ന്‍ ഒ​ട്ടേ​റെ സം​രം​ഭ​ങ്ങ​ള്‍ ഇ​തു​വ​ഴി ന​ട​പ്പാ​ക്കും.

വ്യ​ക്തി​ക​ളെ​യും സ​മൂ​ഹ​ത്തെ​യും ശാ​ക്തീ​ക​രി​ക്കാ​നു​ത​കു​ന്ന നൂ​ത​ന ആ​ശ​യ​ങ്ങ​ളി​ല്‍ ഫൗ​ണ്ടേ​ഷ​ന്‍ നി​ക്ഷേ​പം ന​ട​ത്തു​ക​യും ആ​ഗോ​ള ആ​രോ​ഗ്യ​ത്തി​ലും സ​മ​ഗ്ര വി​ക​സ​ന​ത്തി​ലും ശ്ര​ദ്ധ കേ​ന്ദ്രീ​ക​രി​ക്കു​ക​യും ചെ​യ്യും.

ഖ​സ​ര്‍ അ​ല്‍ ശാ​തി​യി​ല്‍ വ​ച്ച് ഫൗ​ണ്ടേ​ഷ​ന്‍റെ ല​ക്ഷ്യ​ങ്ങ​ള്‍ യു.​എ.​ഇ പ്ര​സി​ഡ​ന്‍റ്​ ശൈ​ഖ് മു​ഹ​മ്മ​ദ് ബി​ന്‍ സാ​യി​ദ് ആ​ല്‍ ന​ഹ്​​യാ​ന്‍ അ​വ​ലോ​ക​നം ചെ​യ്തു. പ്ര​സി​ഡ​ന്‍ഷ്യ​ല്‍ കോ​ര്‍ട്ട് ഫോ​ര്‍ ഡെ​വ​ല​പ്‌​മെ​ന്റ് ആ​ന്‍ഡ് ഫാ​ല​ന്‍ ഹീ​റോ​സ് അ​ഫ​യേ​ഴ്സ് ഡെ​പ്യൂ​ട്ടി ചെ​യ​ര്‍മാ​നും ഇ​ന്‍റ​ര്‍നാ​ഷ​ന​ല്‍ ഹ്യു​മാ​നി​റ്റേ​റി​യ​ന്‍ ആ​ന്‍ഡ് ഫി​ലാ​ന്ത്രോ​പി​ക് കൗ​ണ്‍സി​ലി​ന്‍റെ​യും ഇ​ർ​ദ്​ സാ​യി​ദ് ഫി​ലാ​ന്ത്രോ​പി​സ്റ്റി​ന്‍റെ​യും ചെ​യ​ര്‍മാ​നു​മാ​യ ശൈ​ഖ് ദി​യാ​ബ് ബി​ന്‍ മു​ഹ​മ്മ​ദ് ബി​ന്‍ സാ​യി​ദ് ആ​ല്‍ ന​ഹ്​​യാ​നു​മാ​യി അ​ദ്ദേ​ഹം കൂ​ടി​ക്കാ​ഴ്ച ന​ട​ത്തി.