കൊടുംചൂടിൽ തെളിനീരാകാൻ യു.എ.ഇ​

ദു​ബൈ: കാ​ലാ​വ​സ്ഥ വ്യ​തി​യാ​ന​ത്തി​ന്‍റെ അ​ന​ന്ത​ര​ഫ​ല​മാ​യി ആ​ഗോ​ള ത​ല​ത്തി​ൽ അ​നു​ഭ​വ​പ്പെ​ടു​ന്ന അ​തി​ക​ഠി​ന​മാ​യ ചൂ​ടി​ൽ നി​ന്ന്​ ആ​ശ്വാ​സ​മേ​കാ​ൻ പു​തു സം​രം​ഭം അ​വ​ത​രി​പ്പി​ച്ച്​ യു.​എ.​ഇ. രാ​ജ്യ​ത്തെ സ​ർ​ക്കാ​ർ പി​ന്തു​ണ​യോ​ടെ പ്രാ​ദേ​ശി​ക, രാ​ജ്യാ​ന്ത​ര ത​ല​ത്തി​ൽ പ്ര​വ​ർ​ത്തി​ക്കു​ന്ന സ​ന്ന​ദ്ധ സം​ഘ​ട​ന​യാ​യ എ​മി​റേ​റ്റ്​​സ്​ റെ​ഡ്​ ക്ര​സ​ന്‍റ്​ (ഇ.​ആ​ർ.​സി) ആ​ണ്​ ‘ദി ​വാ​ട്ട​ർ എ​യ്​​ഡ്​ ഇ​നീ​ഷ്യേ​റ്റീ​വ്​’ എ​ന്ന പേ​രി​ൽ പു​തി​യ ക്യാ​മ്പ​യ്​​ൻ പ്ര​ഖ്യാ​പി​ച്ച​ത്.

അ​ധഃ​സ്ഥി​ത​രാ​യ കു​ടും​ബ​ങ്ങ​ൾ, ബ്ലൂ ​കോ​ള​ർ തൊ​ഴി​ലാ​ളി​ക​ൾ, ക​ന​ത്ത ചൂ​ടി​ലും പ്ര​യാ​സ​ക​ര​മാ​യ തൊ​ഴി​ലെ​ടു​ക്കേ​ണ്ടി വ​രു​ന്ന​വ​ർ എ​ന്നി​വ​രെ​യാ​ണ്​ ക്യാ​മ്പ​യ്​​ൻ ല​ക്ഷ്യ​മി​ടു​ന്ന​ത്. പ്രാ​ദേ​ശി​ക ത​ല​ത്തി​ൽ ന​ട​ക്കു​ന്ന ക്യാ​മ്പ​യ്​​നി​ലൂ​ടെ ഇ​ത്ത​ര​ക്കാ​ർ​ക്ക് ചൂ​ടി​ൽ നി​ന്ന്​ സം​ര​ക്ഷ​ണം ന​ൽ​കു​ന്ന​തി​നാ​യി കു​ട​ക​ൾ, ത​ണു​പ്പി​ച്ച വെ​ള്ളം സൂ​ക്ഷി​ക്കാ​നു​ള്ള ക​ണ്ടെ​യ്​​നറുകൾ, മ​റ്റ്​ ആ​രോ​ഗ്യ കി​റ്റു​ക​ൾ എ​ന്നി​വ ഉ​ൾ​പ്പെ​ടെ വി​ത​ര​ണം ചെ​യ്യും. കി​ണ​റു​ക​ൾ കു​ഴി​ക്കു​ക, ജ​ല​സം​ഭ​ര​ണി​ക​ൾ നി​ർ​മി​ക്കു​ക, അ​ന്ത​രീ​ക്ഷ​ത്തി​ൽ നി​ന്ന്​ ജ​ലം ഉ​ത്​​പാ​ദി​പ്പി​ക്കു​ന്ന യ​ന്ത്ര​ങ്ങ​ൾ എ​ത്തി​ച്ചു ന​ൽ​കു​ക എ​ന്നി​വ ഉ​ൾ​പ്പെ​ടെ​യു​ള്ള പ്ര​വ​ർ​ത്ത​ന​ങ്ങ​ളി​ലാ​ണ്​ രാ​ജ്യാ​ന്താ​ര ത​ല​ത്തി​ൽ ന​ട​ക്കു​ന്ന ക്യാ​മ്പ​യ്​​ൻ ശ്ര​ദ്ധ​കേ​ന്ദ്രീ​ക​രി​ക്കു​ന്ന​ത്. മ​നു​ഷ്യ​ന്‍റെ ജീ​വ​നും ആ​രോ​ഗ്യ​വും, അ​ന്ത​സ്സും സം​ര​ക്ഷി​ക്കു​ന്ന​തി​നും പ്ര​കൃ​തി ദു​ര​ന്ത​ങ്ങ​ളി​ൽ നി​ന്ന് അ​വ​ർ​ക്ക്​ സം​ര​ക്ഷ​ണം ന​ൽ​കു​ന്ന​തി​നു​മാ​ണ്​ കാ​മ്പ​യ്​​ൻ സ്ഥാ​പി​ച്ച​തെ​ന്ന് എ​മി​റേ​റ്റ്​​സ്​ റെ​ഡ്​ ക്ര​സ​ന്‍റ്​ പ്ര​സ്താ​വ​ന​യി​ൽ വ്യ​ക്​​ത​മാ​ക്കി. കൂ​ടു​ത​ൽ പ​ങ്കാ​ളി​ക​ളെ ആ​ക​ർ​ഷി​ക്കു​ക വ​ഴി പ്രാ​ദേ​ശി​ക​മാ​യും അ​ന്താ​രാ​ഷ്ട്ര ത​ല​ത്തി​ലും ഗു​ണ​ഭോ​ക്​​താ​ക്ക​ളു​ടെ എ​ണ്ണം വി​പു​ല​പ്പെ​ടു​ത്തി കാ​മ്പ​യ്​​നി​ന്‍റെ ല​ക്ഷ്യം നേ​ടു​ന്ന​തി​നാ​വ​ശ്യ​മാ​യ ന​ട​പ​ടി​ക​ളും ഒ​രു​ക്ക​ങ്ങ​ളും പൂ​ർ​ത്തി​യാ​യ​താ​യും റെ​ഡ്​ ക്ര​സ​ന്‍റ്​ അ​റി​യി​ച്ചു. ജ​ല​ദൗ​ർ​ല​ഭ്യം അ​നു​ഭ​വ​പ്പെ​ടു​ന്ന രാ​ജ്യ​ങ്ങ​ളി​ലെ ജ​ന​ങ്ങ​ൾ​ക്ക്​ അ​ധി​ക​മാ​യി ജ​ല​സ്രോ​ത​സ്സു​ക​ൾ അ​നു​വ​ദി​ക്കു​ന്ന​തി​ൽ കൂ​ടു​ത​ൽ ഗു​ണ​ക​ര​മാ​യ മാ​റ്റ​മാ​ണ്​ ക്യാ​മ്പ​യ്​​ൻ പ്ര​തീ​ക്ഷി​ക്കു​ന്ന​തെ​ന്നും അ​ത്ത​രം സു​പ്ര​ധാ​ന​മാ​യ പ​ദ്ധ​തി​ക​ളി​ലേ​ക്ക്​ സം​ഭാ​വ​ന ന​ൽ​കാ​ൻ സേ​വ​ന ദാ​താ​ക്ക​ളോ​ട്​ റെ​ഡ്​ ക്ര​സ​ന്‍റ്​ അ​ഭ്യ​ർ​ഥി​ക്കു​ക​യും ചെ​യ്തു.