പെരുന്നാൾ സമ്മാനമായി വിസാനയം മാറ്റം

ദുബൈ: നൂറു ശതമാനം വിദേശ നിക്ഷേപവും  മികച്ച പ്രഫഷനലുകൾക്കും വിദ്യാർഥികൾക്കും ദീർഘകാല വിസയും അനുവദിച്ചത്​ റമദാൻ കൈനീട്ടമായിരുന്നുവെങ്കിൽ തൊഴിൽ ദാതാക്കൾക്കും തൊഴിലന്വേഷകർക്കും പെരുന്നാൾ സമ്മാനമായി മാറുന്നതാണ്​ തൊഴിൽ വിസകൾ സംബന്ധിച്ച്​ യു.എ.ഇ മ​ന്ത്രിസഭ കൈക്കൊണ്ട അതി പുരോഗമനാത്​മകമായ നയം മാറ്റം.ഒാരോ തൊഴിലാളിയുടെയും പേരിലെ 3000 ദിർഹം വീതമുള്ള ബാങ്ക്​ ഗ്യാരണ്ടി ഒഴിവാക്കുന്നത്​ തൊഴിലുടമകൾക്ക്​ വലിയ ആശ്വാസമാണേകുക. അതിനൊപ്പം ഇൗ തുക വിപണിയിൽ തിരിച്ചെത്തുന്നത്​ രാജ്യത്തി​​​െൻറ വ്യവസായ^ തൊഴിൽ^ഉപഭോക്​തൃ മേഖലയിൽ വലിയ ഉണർവ്​ പകരും. 

ബാങ്ക്​ ഗ്യാരണ്ടി ഒഴിവാക്കു​േമ്പാഴും തൊഴിലാളികളുടെ സുരക്ഷ ഉറപ്പാക്കാനും അവകാശങ്ങൾ സംരക്ഷിക്കാനും ഉതകുംവിധം ഇൻഷുറൻസ്​ ഏർപ്പെടുത്താൻ മന്ത്രിസഭാ യോഗം തീരുമാനിച്ചിട്ടുണ്ട്​. തൊഴിൽ അന്വേഷകർക്ക്​ കൂടുതൽ കാലം രാജ്യത്ത്​ തുടരാൻ അനുമതി നൽകുന്ന തീരുമാനവും അനധികൃതമായി എത്തിയവർക്ക്​ മടങ്ങാൻ ഒരുക്കുന്ന സൗകര്യവും ജോലി ചെയ്യാനും താമസിക്കാനും ലോകത്തെ ഏറ്റവും മികച്ച രാജ്യം എന്ന യു.എ.ഇയുടെ സ്​ഥാനം കൂടുതൽ ശക്​തിപ്പെടുത്താൻ വഴിയൊരുക്കും. വിസിറ്റ്​ വിസയിൽ എത്തി ​നല്ല ജോലി ക​െണ്ടത്താനാകു​േമ്പാഴേക്കും കാലാവധി കഴിഞ്ഞ്​ മടങ്ങേണ്ടി വരുന്ന അവസ്​ഥക്ക്​ ഇതോടെ പരിഹാരമാകും. അനധികൃതമായി തങ്ങുന്നവർ സ്വയം വെളിപ്പെടുത്തി മുന്നോട്ടു വരുന്ന പക്ഷം പിഴകൾ ഒഴിവാക്കി നൽകുന്നു എന്നത്​ ഏറെ പേർക്ക്​ ഗുണകരമാവും. പ്രവാസി സമൂഹവും വ്യവസായ മേഖലാ നേതാക്കളും സർക്കാർ തീരുമാനത്തെ ആഹ്ലാദപൂർവമാണ്​ വരവേറ്റത്​.

ശാരീരിക വ്യതിയാനമുള്ള ജനങ്ങളെ നിശ്​ചയദാർഢ്യ വിഭാഗക്കാർ എന്നു വിശേഷിപ്പിക്കാൻ ഉത്തരവിട്ട ഭരണാധികാരികൾക്ക്​ അവരുടെ ക്ഷേമം ഉറപ്പാക്കുന്നതിലും നിശ്​ചയദാർഢ്യമുണ്ടെന്ന്​ ബോധ്യപ്പെടുത്തുന്നതാണ്​ തൊഴിൽ മേഖലകളിൽ കൂടുതൽ അവസരങ്ങൾ ഒരുക്കാനുള്ള തീരുമാനം. യു.എ.ഇയുടെ വികസനത്തിലും മുന്നേറ്റത്തിലും ഏവരെയും ഉൾക്കൊള്ളിക്കാൻ ഇതു സഹായകമാവും.