സു​ഡാ​ന്​ വീ​ണ്ടും യു.​എ.​ഇ​യു​ടെ സ​ഹാ​യ​ഹ​സ്തം

ദു​ബൈ: ആ​ഭ്യ​ന്ത​ര സം​ഘ​ർ​ഷം രൂ​ക്ഷ​മാ​യി തു​ട​രു​ന്ന സു​ഡാ​ന്​ വീ​ണ്ടും സ​ഹാ​യ​ഹ​സ്തം നീ​ട്ടി യു.​എ.​ഇ. 50 ട​ൺ മ​രു​ന്നും അ​നു​ബ​ന്ധ ഉ​പ​ക​ര​ണ​ങ്ങ​ളു​മാ​യി ദു​ബൈ​യി​ൽ​നി​ന്ന്​ പു​റ​പ്പെ​ട്ട ച​ര​ക്ക്​ വി​മാ​നം ശ​നി​യാ​ഴ്ച സു​ഡാ​ൻ ന​ഗ​ര​മാ​യ പോ​ർ​ട്ട്​ സു​ഡാ​​നി​ലെ​ത്തി. ആ​ന്‍റി​ബ​യോ​ട്ടി​ക്​ ഉ​ൾ​പ്പെ​ടെ​യു​ള്ള മ​രു​ന്നു​ക​ൾ, ശ​സ്​​ത്ര​ക്രി​യ ടേ​പ്പു​ക​ൾ, മു​റി​വു​ക​ൾ കെ​ട്ടാ​നു​ള്ള പ​രു​ത്തി​ത്തു​ണി​ക​ൾ, മു​റി​വു​ക​ളി​ൽ നി​ന്ന്​ ന​ശി​ച്ച കോ​ശ​ങ്ങ​ൾ നീ​ക്കം ചെ​യ്യാ​നു​ള്ള കി​റ്റു​ക​ൾ എ​ന്നി​വ​യാ​ണ്​ എ​ത്തി​ച്ച​ത്​.

1,65,000 പേ​ർ​ക്കു​ള്ള വൈ​ദ്യ​സ​ഹാ​യ​മാ​ണ്​ പോ​ർ​ട്ട്​ സു​ഡാ​നി​ൽ എ​ത്തി​ച്ചി​രി​ക്കു​ന്ന​ത്​. 13 ആ​രോ​ഗ്യ​കേ​ന്ദ്ര​ങ്ങ​ളും ഇ​വ​ർ​ക്കാ​യി ഒ​രു​ക്കു​മെ​ന്ന്​ ലോ​കാ​രോ​ഗ്യ സം​ഘ​ട​ന (ഡ​ബ്ല്യൂ.​എ​ച്ച്.​ഒ) വ്യ​ക്​​ത​മാ​ക്കി. സം​ഘ​ർ​ഷ സാ​ധ്യ​ത കു​റ​ഞ്ഞ ന​ഗ​ര​മെ​ന്ന നി​ല​യി​ലാ​ണ്​ ച​ര​ക്കു​ക​ൾ പോ​ർ​ട്ട്​ സു​ഡാ​നി​ൽ എ​ത്തി​ച്ചി​രി​ക്കു​ന്ന​ത്. വി​മാ​ന​മാ​ർ​ഗ​മോ ചെ​ങ്ക​ട​ൽ മു​റി​ച്ചു​ക​ട​ന്നോ ഇ​വി​ടേ​ക്ക്​ സ​ഹാ​യം എ​ത്തി​ക്കാ​നാ​വും. എ​ന്നാ​ൽ, സു​ര​ക്ഷ അ​നു​മ​തി​ക​ൾ വി​ല​യി​രു​ത്തി​യ ശേ​ഷ​മാ​യി​രി​ക്കും ഉ​പ​ക​ര​ണ​ങ്ങ​ൾ വി​ത​ര​ണം ചെ​യ്യു​ക​യെ​ന്ന്​​ ഡ​ബ്ല്യൂ.​എ​ച്ച്.​ഒ ഉ​ദ്യോ​ഗ​സ്ഥ​ർ പ​റ​ഞ്ഞു.

ഏ​പ്രി​ൽ മ​ധ്യ​ത്തോ​ടെ​യാ​ണ്​ സു​ഡാ​നി​ൽ ആ​ഭ്യ​ന്ത​ര സം​ഘ​ർ​ഷം ആ​രം​ഭി​ച്ച​ത്. സു​ഡാ​ൻ സൈ​ന്യ​വും അ​ർ​ധ​സൈ​നി​ക വി​ഭാ​ഗ​വും ത​മ്മി​ലാ​ണ്​ ര​ക്​​ത​രൂ​ഷി​ത​മാ​യ ഏ​റ്റു​മു​ട്ട​ൽ ന​ട​ക്കു​ന്ന​ത്.

സം​ഘ​ർ​ഷം ആ​രം​ഭി​ച്ച​ശേ​ഷം ഇ​ത്​ മൂ​ന്നാം ത​വ​ണ​യാ​ണ്​ യു.​എ.​ഇ മാ​നു​ഷി​ക സ​ഹാ​യ​ങ്ങ​ൾ സു​ഡാ​ന്​ കൈ​മാ​റു​ന്ന​ത്. ആ​ദ്യ ഘ​ട്ട​ത്തി​ൽ 30 ട​ൺ മ​രു​ന്നും അ​ടി​യ​ന്ത​ര വൈ​ദ്യ​സ​ഹാ​യ ഉ​പ​ക​ര​ണ​ങ്ങ​ളും യു.​എ.​ഇ സു​ഡാ​ന്​ കൈ​മാ​റി​യി​രു​ന്നു.

അ​തേ​സ​മ​യം, ഏ​ഴ്​ രാ​ജ്യ​ങ്ങ​ളി​ൽ​നി​ന്നു​ള്ള പൗ​ര​ൻ​മാ​രും മാ​ധ്യ​മ​പ്ര​വ​ർ​ത്ത​ക​രും അ​ട​ക്കം 176 പേ​രു​മാ​യി യു.​എ.​ഇ വി​മാ​നം ശ​നി​യാ​ഴ്ച ദു​ബൈ​യി​ൽ എ​ത്തി. ര​ക്ഷാ ദൗ​ത്യ​ത്തി​ന്‍റെ ഭാ​ഗ​മാ​യാ​ണ്​ ഇ​വ​രെ ദു​ബൈ​യി​ലെ​ത്തി​ച്ച​ത്.