ദുബൈയിൽ അജ്ഞാത മൃതദേഹം; തിരിച്ചറിയാൻ സഹായിക്കണമെന്ന്​ പൊലീസ്​

ദുബൈ: കടലിൽ നിന്ന്​ കണ്ടെടുത്ത അജ്​ഞാത മൃതദേഹം തിരിച്ചറിയാൻ ദുബൈ പൊലീസ്​ പൊതുജനങ്ങളുടെ സഹായം തേടുന്നു. ഏഷ്യൻ വംശജനാണ്​. 40 വയസ്​ തോന്നിക്കും. പാം ജുമൈറക്കും ബുർജ്​ അൽ അറബിനും സമീപത്തെ കടലിൽ നിന്നാണ്​ മൃതദേഹം കിട്ടിയത്​.

നീല ഷർട്ടും കറുത്ത പാന്‍റ്​സുമായിരുന്നു വേഷം. മൃതദേഹം പൊലീസ്​ മോർച്ചറിയിൽ. എന്തെങ്കിലൂം വിവരം ലഭിക്കുന്നവർ കോൾ സെന്‍ററുമായി (04-901) നമ്പറിൽ ബന്ധപ്പെടണം.