ലൈ​സ​ൻ​സി​ല്ല: നാ​ല് റി​ക്രൂ​ട്ടി​ങ്​​ സ്ഥാ​പ​ന​ങ്ങ​ൾ പൂ​ട്ടി​ച്ചു

ദു​ബൈ: യു.​എ.​ഇ​യി​ൽ ലൈ​സ​ൻ​സി​ല്ലാ​തെ പ്ര​വ​ർ​ത്തി​ച്ചു​വ​ന്ന വീ​ട്ടു​ജോ​ലി​ക്കാ​രെ റി​ക്രൂ​ട്ട്​ ചെ​യ്യു​ന്ന നാ​ലു​ സ്ഥാ​പ​ന​ങ്ങ​​ൾ അ​ധി​കൃ​ത​ർ അ​ട​ച്ചു​പൂ​ട്ടി. അ​ൽ ഐ​ൻ ആ​സ്ഥാ​ന​മാ​യി പ്ര​വ​ർ​ത്തി​ച്ചി​രു​ന്ന സ്ഥാ​പ​ന​ങ്ങ​ൾ​ക്കെ​തി​രെ​യാ​ണ്​ മാ​ന​വ വി​ഭ​വ​ശേ​ഷി, സ്വ​ദേ​ശി​വ​ത്​​ക​ര​ണ മ​ന്ത്രാ​ല​യം ന​ട​പ​ടി​യെ​ടു​ത്ത​ത്. സ്ഥാ​പ​ന​ങ്ങ​ളു​ടെ വാ​തി​ലു​ക​ളി​ൽ അ​ട​ച്ചു​പൂ​ട്ട​ൽ മു​ദ്ര പ​തി​ച്ച ഉ​ദ്യോ​ഗ​സ്ഥ​ർ ഉ​ട​മ​ക​ൾ​ക്ക്​ 50,000 ദി​ർ​ഹം വീ​തം പി​ഴ​യും ചു​മ​ത്തി.

നി​യ​മ ന​ട​പ​ടി​ക​ൾ​​ക്കാ​യി ഈ ​സ്ഥാ​പ​ന​ങ്ങ​ളെ പ​ബ്ലി​ക്​ പ്രോ​സി​ക്യൂ​ഷ​ന്​ കൈ​മാ​റു​ക​യും ചെ​യ്യും. നി​യ​മ​വി​രു​ദ്ധ​മാ​യി പ്ര​വ​ർ​ത്തി​ച്ച ഈ ​സ്ഥാ​പ​ന​ങ്ങ​ൾ വീ​ട്ടു​ജോ​ലി​ക്കാ​രാ​യി നി​യ​മി​ച്ച തൊ​ഴി​ലാ​ളി​ക​ൾ​ക്ക്​ താ​ൽ​ക്കാ​ലി​ക താ​മ​സ​മാ​ണ്​ അ​നു​വ​ദി​ച്ചി​രു​ന്ന​തെ​ന്ന്​ പ​രി​ശോ​ധ​ന​യി​ൽ ക​ണ്ടെ​ത്തി​യി​രു​ന്നു. ​

ഈ ​തൊ​ഴി​ലാ​ളി​ക​ളെ തൊ​ഴി​ൽ മ​ന്ത്രാ​ല​യ​ത്തി​ന്‍റെ അം​ഗീ​കാ​ര​മു​ള്ള മ​റ്റ്​ റി​ക്രൂ​ട്ട്​​മെ​ന്‍റ്​ സ്ഥാ​പ​ന​ങ്ങ​ളി​ലേ​ക്ക്​ മാ​റ്റും. റി​ക്രൂ​ട്ടി​ങ്​ ഏ​ജ​ൻ​സി​ക​ളി​ലെ നി​യ​മ​വി​രു​ദ്ധ ന​ട​പ​ടി​ക​ൾ ക​ണ്ടെ​ത്താ​ൻ മൂ​ന്നാ​ഴ്​​ച മു​മ്പ്​​ തൊ​ഴി​ൽ മ​ന്ത്രാ​ല​യം ഫെ​ഡ​റ​ൽ അ​തോ​റി​റ്റി ഫോ​ർ ഐ​ഡ​ന്‍റി​റ്റി, സി​റ്റി​സ​ൺ​ഷി​പ്, ക​സ്റ്റം​സ്​ ആ​ൻ​ഡ്​ പോ​ർ​ട്ട്​ സെ​ക്യൂ​രി​റ്റി, ഡി​പ്പാ​ർ​ട്മെ​ന്‍റ്​ ഓ​ഫ്​ ഇ​ക്ക​ണോ​മി​ക്​ ഡെ​വ​ല​പ്​​മെ​ന്‍റ്​ എ​ന്നി​വ​യു​ടെ സ​ഹ​ക​ര​ണ​ത്തോ​ടെ പ​രി​ശോ​ധ​ന ക്യാ​മ്പു​ക​ൾ സം​ഘ​ടി​പ്പി​ച്ചി​രു​ന്നു.

ഈ ​പ​രി​ശോ​ധ​ന​യി​ൽ നാ​ലു സ്ഥാ​പ​ന​ങ്ങ​ളും വി​വി​ധ തൊ​ഴി​ൽ നി​യ​മ​ങ്ങ​ൾ ലം​ഘി​ച്ച​താ​യി ക​ണ്ടെ​ത്തി​യ സാ​ഹ​ച​ര്യ​ത്തി​ലാ​ണ്​ നി​യ​മ​ന​ട​പ​ടി​ക​ൾ സ്വീ​ക​രി​ച്ച​ത്. ഒ​രു വ​ർ​ഷ​ത്തി​നി​ടെ രാ​ജ്യ​ത്ത്​ നി​യ​മ​പ​ര​മ​ല്ലാ​തെ പ്ര​വ​ർ​ത്തി​ച്ച 45 തൊ​ഴി​ലാ​ളി റി​ക്രൂ​ട്ട്​​മെ​ന്‍റ്​ സ്ഥാ​പ​ന​ങ്ങ​ൾ​ക്കെ​തി​രെ ന​ട​പ​ടി​യെ​ടു​ത്ത​താ​യും മ​ന്ത്രാ​ല​യം അ​റി​യി​ച്ചു. ​

ലൈ​സ​ൻ​സി​ല്ലാ​തെ പ്ര​വ​ർ​ത്തി​ക്കു​ന്ന സ്ഥാ​പ​ന​ങ്ങ​ളു​മാ​യി ഇ​ട​പെ​ടു​ന്ന​തി​നെ​തി​രെ മു​ന്ന​റി​യി​പ്പു ന​ൽ​കി​യ മ​ന്ത്രാ​ല​യം, ഇ​ത്ത​രം സം​ഭ​വ​ങ്ങ​ൾ 600590000 ന​മ്പ​റി​ൽ അ​റി​യി​ക്ക​ണ​മെ​ന്നും ആ​വ​ശ്യ​പ്പെ​ട്ടു.