നി​യ​മ​ലം​ഘ​നം: ആ​റു മാ​സ​ത്തി​നി​ടെ പി​ഴ​യി​ട്ട​ത്​ 256 പ്രോ​പ്പ​ർ​ട്ടി ബ്രോ​ക്കേ​ഴ്​​സി​ന്​

ദു​ബൈ: പ​ര​സ്യം ന​ൽ​കു​ന്ന​തു​മാ​യി ബ​ന്ധ​പ്പെ​ട്ട വ്യ​വ​സ്ഥ​ക​ളും മാ​ന​ദ​ണ്ഡ​ങ്ങ​ളും ലം​ഘി​ച്ച 256 പ്രോ​പ്പ​ർ​ട്ടി ബ്രോ​ക്കേ​ഴ്​​സി​ന്​ ദു​ബൈ​യി​ൽ അ​ധി​കൃ​ത​ർ പി​ഴ ചു​മ​ത്തി. ഈ ​വ​ർ​ഷം ആ​ദ്യ പ​കു​തി​യി​ലെ ക​ണ​ക്കു​ക​ളാ​ണ്​ ദു​ബൈ ലാ​ൻ​ഡ്​ ഡി​പ്പാ​ർ​ട്​​മെ​ന്‍റ്​ ബു​ധ​നാ​ഴ്ച പു​റ​ത്തു​വി​ട്ട​ത്. ആ​ദ്യ പ​കു​തി​യി​ൽ നി​യ​മ​ലം​ഘ​ന​ത്തി​നെ​തി​രെ 1200ല​ധി​കം മു​ന്ന​റി​യി​പ്പു​ക​ളും അ​ധി​കൃ​ത​ർ​ പു​റ​പ്പെ​ടു​വി​ച്ചി​രു​ന്നു. പ​ര​സ്യ​വു​മാ​യി ബ​ന്ധ​പ്പെ​ട്ടു​ള്ള നി​യ​മ​ലം​ഘ​ന​ങ്ങ​ൾ ക​ണ്ടെ​ത്താ​ൻ ആ​റു മാ​സ​ത്തി​നി​ടെ 450 ഫീ​ൽ​ഡ്​ പ​രി​ശോ​ധ​ന​ക​ളും 1530 ഓ​ഫി​സ്​ പ​രി​ശോ​ധ​ന​ക​ളു​മാ​ണ്​ ന​ട​ത്തി​യ​ത്. ഉ​പ​ഭോ​ക്താ​ക്ക​ളു​ടെ​യും നി​ക്ഷേ​പ​ക​രു​ടെ​യും അ​വ​കാ​ശ​ങ്ങ​ൾ സം​ര​ക്ഷി​ക്കു​ന്ന​തി​നും വി​പ​ണി​യു​ടെ സു​താ​ര്യ​ത​യും സ​മ​ഗ്ര​ത​യും വ​ർ​ധി​പ്പി​ക്കു​ന്ന​തി​നു​മാ​യി റി​യ​ൽ എ​സ്റ്റേ​റ്റ് ക​ൺ​ട്രോ​ൾ ഡി​പ്പാ​ർ​ട്മെ​ന്‍റ്​ ന​ട​ത്തു​ന്ന പ​തി​വ് നി​രീ​ക്ഷ​ണ​ത്തി​ന്‍റെ ഭാ​ഗ​മാ​ണ് ഈ ​പ്ര​വ​ർ​ത്ത​ന​ങ്ങ​ളെ​ന്ന്​ റി​യ​ൽ എ​സ്റ്റേ​റ്റ് റെ​ഗു​ലേ​റ്റ​റി ഏ​ജ​ൻ​സി​യി​ലെ റി​യ​ൽ എ​സ്റ്റേ​റ്റ് ക​ൺ​ട്രോ​ൾ ഡി​പ്പാ​ർ​ട്മെ​ന്‍റ്​ ഡ​യ​റ​ക്ട​ർ അ​ലി അ​ബ്ദു​ല്ല അ​ൽ അ​ലി പ​റ​ഞ്ഞു.

പ​ര​സ്യ​വു​മാ​യി ബ​ന്ധ​പ്പെ​ട്ട നി​ബ​ന്ധ​ന​ക​ളും വ്യ​വ​സ്ഥ​ക​ളും അ​റി​യു​ന്ന​തി​ന്​ പ്ര​ത്യേ​ക ക്യു.​ആ​ർ കോ​ഡ്​ അ​തോ​റി​റ്റി പു​റ​ത്തി​റ​ക്കി​യി​ട്ടു​ണ്ട്. ഇ​ത്​ സ്കാ​ൻ ചെ​യ്താ​ൽ അം​ഗീ​കാ​ര​മു​ള്ള പ​ര​സ്യ​ങ്ങ​ളു​ടെ വി​വ​ര​ങ്ങ​ൾ ബ്രോ​ക്കേ​ഴ്​​സി​ന്​ അ​റി​യാ​നാ​കും. മേ​ഖ​ല​യി​ൽ നി​രീ​ക്ഷ​ണ​വും പ​രി​ശോ​ധ​ന സം​വി​ധാ​ന​ങ്ങ​ളും വി​ക​സി​പ്പി​ക്കു​ന്ന​തി​നാ​യി പ്ര​വ​ർ​ത്ത​നം തു​ട​രു​മെ​ന്നും വി​പ​ണി​യു​ടെ സു​സ്ഥി​ര​ത​യും വി​ക​സ​ന​വും നി​ല​നി​ർ​ത്തു​ന്ന​തി​ന്​ എ​ല്ലാ സ്ഥാ​പ​ന​ങ്ങ​ളും ദു​ബൈ റി​യ​ൽ എ​സ്റ്റേ​റ്റ്​ ക​ൺ​ട്രോ​ൾ ഡി​പ്പാ​ർ​ട്​​മെ​ന്‍റ്​ പു​റ​പ്പെ​ടു​വി​ക്കു​ന്ന നി​യ​മ​ങ്ങ​ൾ പാ​ലി​ച്ച്​ മു​ന്നോ​ട്ടു​പോ​ക​ണ​മെ​ന്നും അ​ധി​കൃ​ത​ർ അ​ഭ്യ​ർ​ഥി​ച്ചു.