വിസ തട്ടിപ്പിൽ കുടുങ്ങിയ 13പേർക്ക്​ നാട്ടിലേക്ക്​ മടങ്ങാൻ വഴി തെളിഞ്ഞു

ഉമ്മുൽഖുവൈൻ: വിസ തട്ടിപ്പിൽപെട്ട് ഉമ്മൽഖുവൈനിൽ ദുരിതത്തിലായ 13പേർക്ക്​ സ്വദേശത്തേക്ക് മടങ്ങാൻ വഴിയൊരുങ്ങുന്നു. ലക്ഷങ്ങൾ വാങ്ങിയാണ്​ ​െതാഴിൽ വിസ​ വാഗ്​ദാനം ചെയ്​ത്​ ഉത്തരേന്ത്യൻ സംസ്​ഥാനങ്ങളിൽ നിന്ന്​ വിസിറ്റ്​ വിസയിൽ നാൽപതോളം പേരെ തട്ടിപ്പ്​ ഏജൻറുമാർ ഇവിടെയെത്തിച്ചത്​. പലർക്കും പ്രാഥമിക വിദ്യാഭ്യാസം പോലുമില്ല. രണ്ടു മാസത്തോളം കെട്ടിട നിർമാണ കമ്പനിയിൽ ജോലി ചെയ്യിപ്പിച്ച ശേഷം ശമ്പളമോ വിസയോ താമസമോ പോലും ഇല്ലാത്ത അവസ്ഥയിൽ തള്ളിയിട്ട്​ ഏജൻറുമാർ മുങ്ങുകയും ചെയ്​തു.

എന്തു ചെയ്യണമെന്നറിയാതെ പലരും പല വഴിയിലേക്കിറങ്ങിപ്പോയി. അവശേഷിച്ച 13 പേർ ഉമ്മുൽഖുവൈനിലെ ​അടിസ്​ഥാന സൗകര്യങ്ങൾ പോലുമില്ലാത്ത കെട്ടിടത്തിൽ അഭയം തേടുകയായിരുന്നു. റമദാനിൽ ഏറ്റവും അർഹരായ ജനങ്ങൾക്ക്​ ഇഫ്​താർ ഒരുക്കി നൽകാനായി ലേബർ ക്യാമ്പുകളിൽ എത്തിയ യുനൈറ്റഡ്​ ഫ്രണ്ട്​സ്​ ഒാഫ്​ കേരള പ്രവർത്തകരാണ്​ വഞ്ചിക്കപ്പെട്ട്​ കഴിഞ്ഞു കൂടുന്ന ഇൗ മനുഷ്യരുടെ വേദന പുറംലോകത്തറിയിച്ചത്​.

വിഷയം ഇന്ത്യൻ കോൺസുലേറ്റി​​െൻറ ശ്രദ്ധയിൽ പെടുത്തിയപ്പോൾ അനുഭാവപൂർവമായ സമീപനമാണ്​ ലഭിച്ചതെന്ന്​ യു. എഫ്​.കെ കോ ഒാർഡിനേറ്റർ റസീൻ റഷീദ്​, ജനറൽ സെക്രട്ടറി ഹരി നോർത്ത്​ കോട്ടച്ചെരി എന്നിവർ പറഞ്ഞു. വഞ്ചിക്കപ്പെട്ട തൊഴിലാളികളുടെ പിഴ തുകയും ടിക്കറ്റ്​ ചെലവും കോൺസുലേറ്റ്​ വഹിക്കും. ഇമ​ിഗ്രേഷൻ ഉദ്യോഗസ്​ഥരും ഏറെ പിന്തുണ​ച്ചതോടെ പെരുന്നാൾ അവധി കഴിഞ്ഞാലുടൻ ഇൗ സാധുക്കൾക്ക്​ വൈകാതെ നാട്ടിലേക്ക്​ മടങ്ങാൻ കഴിയും.