സൈ​ക്കി​ളി​ൽ ഒ​മാ​ൻ സ​ന്ദ​ർ​ശനം

ജോ​ലി തി​ര​ക്കി​നി​ട​യി​ൽ ആ​രോ​ഗ്യ​ത്തെ മാ​ക്കാ​തി​രി​ക്കാ​നും ചെ​റി​യ വി​ശ്ര​മ​ത്തി​നും കൂ​ടി​യാ​ണ്​ സൈ​ക്കി​ൾ സ​വാ​രി തു​ട​ങ്ങി​യ​ത്. പി​ന്നീ​ടാ​ണ് ഇ​തി​നോ​ട് വ​ല്ലാ​ത്ത മു​ഹ​ബ്ബ​ത്ത് കൂ​ടി വ​ന്ന​ത്. അ​ത് ജീ​വി​ത​ത്തി​ൽ ത​ന്നെ വ​ഴി​ത്തി​രി​വാ​കു​മെ​ന്ന്​ പ്ര​തീ​ക്ഷി​ച്ച​തേ​യി​ല്ല.

കേ​ര​ള​ത്തി​ലെ​യും യു.​എ.​ഇ​യി​ലെ​യും വി​വി​ധ സ്ഥ​ല​ങ്ങ​ളി​ൽ എ​ന്‍റെ സൈ​ക്ക്​​ൾ ഓ​ടി​യെ​ത്തി​യി​ട്ടു​ണ്ടെ​ങ്കി​ലും മ​റ്റൊ​രു വി​ദേ​ശ രാ​ജ്യ​ത്തേ​ക്ക്​ പോ​ക​ണ​മെ​ന്ന ചി​ന്ത മ​ന​സി​ൽ ക​യ​റി​ക്കൂ​ടി​യി​ട്ട്​ നാ​ളു​ക​ളാ​യി. ആ​ദ്യം മ​ന​സ്സി​ൽ സൗ​ദി അ​റേ​ബ്യ​യ​യാ​യി​രു​ന്നു. ഉം​റ നി​ർ​വ​ഹി​ച്ചു മ​ട​ങ്ങി വ​രാ​മ​ല്ലോ എ​ന്നാ​യി​രു​ന്നു ല​ക്ഷ്യം. പ​ക്ഷെ ഇ​പ്പോ​ഴ​ത്തേ സാ​ഹ​ച​ര്യ​ത്തി​ൽ സൗ​ദി​യി​ൽ പോ​യി വ​രു​ന്ന​ത്തി​ൽ നി​യ​മ​പ​ര​മാ​യി ഒ​രു​പാ​ട് ബു​ദ്ധി​മു​ട്ട് ഉ​ള്ള​ത് കൊ​ണ്ട് ആ ​പ​ദ്ധ​തി ഉ​പേ​ക്ഷി​ക്കു​ക​യും ഒ​മാ​ൻ തി​ര​ഞ്ഞെ​ടു​ക്ക​യും ചെ​യ്തു. ഈ ​വി​വ​രം കേ​ര​ള റൈ​ഡേ​ഴ്​​സ്​ ഗ്രൂ​പ്പി​ലെ സു​ഹൃ​ത്ത്​ ഇ​ബ്രാ​ഹിം കു​ട്ടി​യോ​ട്​ പ​റ​ഞ്ഞ​തോ​ടെ അ​ദ്ദേ​ഹ​വും റെ​ഡി​യാ​ണെ​ന്ന്​ പ​റ​ഞ്ഞു.

യാ​​ത്ര തു​ട​ങ്ങു​ന്നു:

ക​ഴി​ഞ്ഞ18​നാ​ണ്​ യാ​ത്ര ആ​രം​ഭി​ച്ച​ത്. റാ​സ​ൽ​ഖൈ​മ​യി​ൽ നി​ന്ന് ഷ​ഹാ​മി​ലെ അ​ൽ​ജീ​റ ബോ​ർ​ഡ​റി​ൽ എ​ത്തി അ​വി​ടെ​യു​ള്ള യു.​എ.​ഇ എ​മി​ഗ്രേ​ഷ​നി​ൽ പോ​യി പാ​സ്പോ​ർ​ട്ട്‌ അ​പ്രൂ​വ​ൽ ല​ഭി​ക്കു​ന്ന​ത്തി​നാ​യി കൊ​ടു​ത്തു. ഒ​രാ​ൾ​ക്ക് 35ദി​ർ​ഹ​മാ​ണ് എ​ക്സി​റ്റ് ചെ​യ്യു​ന്ന​തി​ന് ആ​വ​ശ്യ​മു​ള്ള​ത്. ആ ​തു​ക അ​ട​ച്ചു ക​ഴി​ഞ്ഞ​പ്പോ​ൾ അ​വ​ർ ചോ​ദി​ച്ചു എ​ങ്ങ​നെ​യാ​ണ് പോ​കു​ന്ന​തെ​ന്നും വാ​ഹ​ന​ത്തി​ന് ഇ​ൻ​ഷു​റ​ൻ​സ് എ​ടു​ത്തി​ട്ടു​ണ്ടോ എ​ന്നു​മെ​ല്ലാം. അ​പ്പോ​ഴാ​ണ്​ ഞ​ങ്ങ​ൾ സൈ​ക്കി​ൾ യാ​ത്ര​യു​ടെ വി​വ​രം വെ​ളി​​പ്പെ​ടു​ത്തു​ന്ന​ത്. അ​ത്​ ബു​ദ്ധി​മു​ട്ടാ​കു​മെ​ന്നും വ​ലി​യ കാ​റ്റു​ണ്ടാ​കു​മെ​ന്നും ആ​രും സൈ​ക്കി​ളി​ൽ പോ​കാ​റി​ല്ലെ​ന്നു​മാ​യി​രു​ന്നു അ​വ​രു​ടെ സ്​​നേ​ഹ​ത്തോ​ടെ​യു​ള്ള ഉ​പ​ദേ​ശം. കു​ഴ​പ്പ​മി​ല്ല എ​ന്ന് മ​റു​പ​ടി കൊ​ടു​ത്ത​പ്പോ​ൾ നി​ങ്ങ​ൾ​ക്ക് ധൈ​ര്യ​മു​ണ്ട​ങ്കി​ൽ പൊ​യ്ക്കോ​ളൂ എ​ന്ന് പ​റ​ഞ്ഞു പെ​ർ​മി​റ്റ്‌ ത​ന്നു. ഒ​മാ​നി​ൽ പെ​ർ​മി​റ്റ്‌ കി​ട്ടാ​ൻ സാ​ധ്യ​ത​കു​റ​വാ​ണെ​ന്നും അ​ങ്ങ​നെ സം​ഭ​വി​ച്ചാ​ൽ തി​രി​ച്ചു വ​ര​ണം എ​ന്ന് പ​റ​ഞ്ഞാ​ണ്​ ഞ​ങ്ങ​ളെ യാ​ത്ര​യാ​ക്കി​യ​ത്. പ​ക്ഷെ, ഒ​മാ​ൻ എ​മി​ഗ്രേ​ഷ​നി​ലും ഇ​തേ വാ​ക്കു​ക​ളാ​ണ്​ കേ​ട്ട​ത്. നി​ങ്ങ​ൾ​ക്ക് താ​ല്പ​ര്യം ഉ​ണ്ട​ങ്കി​ൽ പോ​യി​ക്കൊ​ള്ളൂ എ​ന്ന് പ​റ​ഞ്ഞ്​ ഒ​മാ​നി​ൽ ഓ​ൺ അ​റൈ​വ​ൽ വി​സ ത​ന്നു. അ​തി​ന് ചെ​ല​വാ​യ​ത് വെ​റും 45 ദി​ർ​ഹം മാ​ത്രം.

ബോ​ർ​ഡ​ർ ക​ട​ന്ന്​ ക​സ​ബി​ലേ​ക്ക്​:

ജ​ബ​ൽ​ജൈ​സി​ൽ ഒ​റ്റ ദി​വ​സം മൂ​ന്ന്​ ത​വ​ണ ക​യ​റി​യ​തി​ന്‍റെ ആ​ത്​​മ​വി​ശ്വാ​സ​ത്തി​ലാ​ണ്​ ഒ​മാ​ൻ മ​ല​നി​ര​ക​ൾ ല​ക്ഷ്യ​മി​ട്ടു​ള്ള യാ​ത്ര തു​ട​ർ​ന്ന​ത്. ക​സ​ബ്​ ആ​യി​രു​ന്നു ആ​ദ്യ ല​ക്ഷ്യം. 50 കി​ലോ​മീ​റ്റ​ർ മാ​ത്ര​മാ​ണ്​ ദൂ​രം. ഒ​മാ​നി​ൽ പ്ര​വേ​ശി​ച്ച​ത് മു​ത​ൽ ത​ന്നെ സ്ഥ​ല​ങ്ങ​ളു​ടെ മാ​റ്റം പെ​ട്ട​ന്ന് മ​ന​സി​ലാ​കും. ഒ​രു​ഭാ​ഗം വ​ലി​യ മ​ല​നി​ര​ക​ളും മ​റു​ഭാ​ഗ​ത്ത് ആ​കാ​ശ​വും ഭൂ​മി​യും തി​രി​ച്ച​റി​യാ​ൻ ക​ഴി​യാ​ത്ത വി​തം കൂ​ട്ടി​മു​ട്ടി​യി​രി​ക്കു​ന്ന സു​ന്ദ​ര​മാ​യ നീ​ല ക​ട​ലും. വ​ഴി​യി​ൽ ചെ​റി​യ ചെ​റി​യ അ​ങ്ങാ​ടി​ക​ളും ബീ​ച്ചു​ക​ളും പ​ള്ളി​ക​ളും കാ​ണാം. കു​റ​ച്ച് ദൂ​രം മ​ു​ന്നോ​ട്ടു പോ​യ​പ്പോ​ൾ ഒ​രു ചെ​റി​യ ക​യ​റ്റം വ​ന്നു. അ​പ്പോ​ൾ ഞ​ങ്ങ​ൾ​ക്ക് മ​ന​സി​ലാ​യി മു​ൻ​പ് അ​വ​ർ പ​റ​ഞ്ഞ സ്ഥ​ലം എ​ത്താ​റാ​യി എ​ന്ന്. പി​ന്നീ​ട് വ​ന്ന വ​ഴി​ക​ൾ വ​ള​രെ​ബു​ദ്ധി​മു​ട്ടേ​റി​യ​താ​യി​രു​ന്നു. പ​ക്ഷെ, മ​നോ​ഹ​ര​മാ​യ കാ​ഴ്ച​ക​ൾ ഞ​ങ്ങ​ളു​ടെ മ​ടു​പ്പ്​ ഇ​ല്ലാ​താ​ക്കി. കു​റ​ച്ച്​ മു​ന്നോ​ട്ടു​പോ​യ​പ്പോ​ൾ ചെ​റി​യ ബീ​ച്ച് ക​ണ്ടു. അ​തി​ന്​ ശേ​ഷം ജ​ബ​ൽ അ​ൽ അ​റ​ഫ് എ​ന്ന ബോ​ർ​ഡും സ്ഥാ​പി​ച്ചി​രി​ക്കു​ന്നു. അ​റ​ഫ്​ മ​ല​യു​ടെ തു​ട​ക്ക​മാ​ണ​ത്. കു​ത്ത​നെ​യു​ള്ള ക​യ​റ്റ​മാ​യ​തി​നാ​ൽ വ​ള​രെ ബു​ദ്ധി​മു​ട്ടി. കു​റ​ച്ച്​ നേ​രം വി​ശ്ര​മി​ച്ചു. കു​റ​ച്ചു​ദൂ​രം സൈ​ക്കി​ൾ ത​ള്ളി​ക്ക​യ​റ്റി. 15 ത​വ​ണ ജ​ബ​ൽ ജൈ​സ് ക​യ​റി ഉ​ണ്ടെ​ങ്കി​ലും അ​തി​നേ​ക്കാ​ൾ ബു​ദ്ധി​മു​ട്ട് ആ​യാ​ണ് അ​റ​ഫ മ​ല തോ​ന്നി​യ​ത്. മു​ക​ളി​ലെ​ത്തി​യ​പ്പോ​ൾ ക​ണ്ട കാ​ഴ്ച വി​സ്മ​യി​പ്പി​ക്കു​ന്ന​താ​യി​രു​ന്നു. താ​ഴെ തി​ര​മാ​ല​ക​ൾ നൃ​ത്തം​വെ​ക്കു​ന്ന നീ​ല​ക​ട​ൽ. പി​ന്നീ​ട്​ കു​ത്ത​നെ​യു​ള്ള ഇ​റ​ക്ക​മാ​യി​രു​ന്നു.

മു​ത്തി​ൽ എ​ന്ന സ്ഥ​ല​ത്ത് എ​ത്തി​യ​പ്പോ​ൾ അ​വി​ടെ ഒ​രു ക​ഫ്റ്റീ​രി​യ ക​ണ്ടു. ക​ർ​ണാ​ട​ക മ​ടി​ക്കേ​രി​ക്കാ​ര​ൻ ജം​ഷീ​റി​ന്‍റെ ക​ട​യാ​ണ​ത്. നി​ര​വ​ധി മ​ല​യാ​ളി​ക​ൾ അ​വി​ടെ​യു​ണ്ട്. കു​ടി​ക്കാ​ൻ വെ​ള്ള​വും ഭ​ക്ഷ​ണ​വും ജം​ഷീ​ർ ത​ന്നു. അ​വി​ടെ താ​മ​സി​ക്കാം എ​ന്ന ജം​ഷീ​റി​ന്‍റെ നി​ർ​ബ​ന്ധം സ്​​നേ​ഹ​പൂ​ർ​വം നി​ര​സി​ച്ച്​ ഞ​ങ്ങ​ൾ ക​സ​ബി​ൽ എ​ത്തി. പാ​ല​ക്കാ​ട് ഉ​ള്ള ബാ​ദു​ഷ​യാ​യി​രു​ന്നു ഇ​വി​ടെ സ​ഹാ​യി. മ​ല്ലു ട്രാ​വ​ല​ർ ഒ​മാ​നി​ൽ വ​ന്ന​പ്പോ​ൾ അ​വ​ർ​ക്ക് സ​ഹാ​യം ചെ​യ്തു കൊ​ടു​ത്ത വ്യ​ക്തി​യാ​ണ് ബാ​ദു​ഷ​യും രാ​ജീ​വും. ഈ​ത്ത​പ്പ​ന തോ​ട്ട​ത്തി​ന്​ ന​ടു​വി​ൽ മ​നോ​ഹ​ര​മാ​യ വി​ല്ല ത​ന്നെ ഞ​ങ്ങ​ൾ​ക്ക് താ​മ​സി​ക്കാ​ൻ ഇ​വ​ർ ഒ​രു​ക്കി. രാ​ത്രി​യി​ൽ ന​ഗ​രം ചു​റ്റാ​ൻ ഇ​റ​ങ്ങി. ആ​ദ്യ​മാ​യാ​ണ്​ മ​ല​യാ​ളി​ക​ൾ സൈ​ക്ക്​​ളു​മാ​യി യു.​എ.​ഇ​യി​ൽ നി​ന്ന്​ ഇ​വി​ടെ എ​ത്തു​ന്ന​തെ​ന്നാ​യി​രു​ന്നു അ​വി​ടെ ക​ണ്ട മ​ല​യാ​ളി​ക​ൾ പ​റ​ഞ്ഞ​ത്.

ര​ണ്ടാം ദി​നം ന​ജ​ദ്​ മ​ല​യി​ൽ:

അ​ടു​ത്ത ദി​വ​സം അ​വി​ടെ ഖോ​ർ ന​ജ​ദ്​ മ​ല​യി​ലേ​ക്കാ​യി​രു​ന്നു യാ​ത്ര. മ​നോ​ഹ​ര​മാ​യ ഓ​ഫ്‌ റോ​ഡ് റൈ​ഡ് യാ​ത്ര​യാ​ണി​ത്. 25 കി​ലോ​മീ​റ്റ​റാ​ണ്​ യാ​ത്ര. കു​ത്ത​നെ​യു​ള്ള ക​യ​റ്റം താ​ണ്ടി മ​ല​യു​ടെ മു​ക​ളി​ൽ എ​ത്തി. ഇ​വി​ടെ I LOVE OMAN എ​ന്ന് എ​ഴു​തി വ​ച്ചി​രി​ക്കു​ന്നു. ഇ​വി​ടെ നി​ന്ന്​ നി​ര​വ​ധി ചി​ത്ര​ങ്ങ​ളെ​ടു​ത്തു. ക​സ​ബ ടൗ​ണി​ൽ തി​രി​ച്ചെ​ത്തി​യ ശേ​ഷ​മാ​യി​രു​ന്നു ഭ​ക്ഷ​ണം. ഇ​വി​ടെ വി​ല വ​ള​രെ കു​റ​വാ​ണ്. ഇ​നി​യും ഒ​രു​പാ​ട് സ്ഥ​ല​ങ്ങ​ൾ കാ​ണാം എ​ന്ന് ഉ​ണ്ടാ​യി​രു​ന്നു. എ​നി​ക്ക് നാ​ട്ടി​ലേ​ക്ക് പോ​കാ​നു​ള്ള​ത് കൊ​ണ്ടും ഇ​ബ്രാ​ഹി​മി​ന് ഞാ​യ​റാ​ഴ്ച ജോ​ലി​യി​ൽ പ്ര​വേ​ശി​ക്കേ​ണ്ട​ത് കൊ​ണ്ടും ഞ​ങ്ങ​ൾ മ​ട​ക്ക​യാ​ത്ര തു​ട​ർ​ന്നു.

എ​ങ്ങി​നെ പോ​കാം:

യു.​എ.​ഇ​യി​ലെ മ​ല​യാ​ളി​ക​ൾ​ക്ക് വ​ള​രെ ചെ​ല​വ് കു​റ​വി​ൽ പോ​യി ക​ണ്ടു​വ​രാ​ൻ ക​ഴി​യു​ന്ന സ്ഥ​ലം ആ​ണ് ഒ​മാ​നി​ലെ ക​സ​ബ്. ഞ​ങ്ങ​ൾ​ക്ക് ആ​കെ വ​ന്ന ചി​ല​വ് 220 ദി​ർ​ഹം ആ​ണ്. ഭ​ക്ഷ​ണ​തി​ത്തി​നും താ​മ​സ​ത്തി​നും ചി​ല​വ് കു​റ​വ് ആ​ണ്. ഒ​രു​പാ​ട് മ​ല​യാ​ളി​ക​ൾ ഉ​ള്ള സ്ഥ​ല​മാ​യ​തി​നാ​ൽ എ​ല്ലാ​വ​ർ​ക്കും ഏ​തു ആ​വ​ശ്യ​ത്തി​നും സ​ഹാ​യി​ക്കാ​ൻ ആ​രെ​ങ്കി​ലും ഉ​ണ്ടാ​വും എ​ന്ന പ്ര​തീ​ക്ഷ​യി​ൽ പോ​യി​വ​രാ​ൻ ക​ഴി​യും. വി​സ​യെ​ല്ലാം ബോ​ർ​ഡ​റി​ൽ ത​ന്നെ ല​ഭി​ക്കും. ഓ​ൺ​ലൈ​നാ​യും എ​ടു​ക്കാം. ശ്ര​ദ്ധി​ക്കേ​ണ്ട പ്ര​ധാ​ന​കാ​ര്യം യു.​എ.​ഇ​യി​ൽ മി​ക​ച്ച പ്രൊ​ഫൈ​ൽ വി​സ ഉ​ള്ള​വ​ർ​ക്ക് മാ​ത്രം ആ​ണ് ഒ​മാ​നി​ലെ​ക്ക് ഓ​ൺ അ​റൈ​വ​ൽ വി​സ ല​ഭി​ക്കു​ക​യു​ള്ളൂ.

കെ.​വി. മു​ർ​ഷി​ദ്​

+971 50 520 0167