വളന്‍റിയർ മീറ്റും യാത്രയയപ്പ് സംഗമവും

ദുബൈ: നീണ്ട 48 വർഷത്തെ പ്രവാസ ജീവിതം അവസാനിപ്പിച്ച് നാട്ടിലേക്ക് പോകുന്ന പട്ടാക്കൽ കുഞ്ഞാപ്പു ഹാജിക്ക് മാറാക്കര പഞ്ചായത്ത് ദുബൈ കെ.എം.സി.സി കമ്മിറ്റി യാത്രയയപ്പ് നൽകി. ജദ്ദാഫ് സാബിൽ ക്രൂയിസറിൽ നടന്ന പരിപാടിയിൽ പ്രസിഡന്‍റ്​ ബാപ്പു ചേലകുത്ത് അധ്യക്ഷത വഹിച്ചു. മലപ്പുറം ജില്ല കെ.എം.സി.സി ട്രഷറർ സി.വി. അഷ്‌റഫ്‌ ഉദ്ഘാടനം ചെയ്തു.

ചടങ്ങിൽ മാറാക്കര സോക്കർ ഫെസ്റ്റിൽ വളന്‍റിയർ വിങ് സേവനം ചെയ്തവർക്ക് സർട്ടിഫിക്കറ്റ് വിതരണം ചെയ്തു. ഫക്രുദ്ദീൻ മാറാക്കര, ഷെരീഫ് പി.വി കരേക്കാട്, സമീർ കാലടി, ജലീൽ കൊന്നക്കൽ, ജാഫർ പതിയിൽ, പി. സൈദലവി, ഷരീഫ് മുത്തു, ബദറു കല്പക, മുബഷിർ, സി. ഷമീം, സി.പി. അയ്യൂബ് തുടങ്ങിയവർ സംസാരിച്ചു. ജനറൽ സെക്രട്ടറി അഷറഫ് ബാബു കാലൊടി സ്വാഗതവും ട്രഷറർ എ.പി. ഷിഹാബ് നന്ദിയും പറഞ്ഞു.