കാത്തിരിക്കൂ, ദുബൈയിൽ വനത്തിലൂടെ സൈക്കിളോടിക്കാം

ദുബൈ: മരങ്ങൾ നിറഞ്ഞ വനാന്തരീക്ഷത്തിൽ മണലിലൂടെ സൈക്കി​ൾ ഓടിക്കുന്നത്​ ഇഷ്​ടമാണോ​? എങ്കിൽ, കാത്തിരിക്കൂ. ദുബൈയിൽ ഈ സൗകര്യം വൈകാതെ സജ്ജമാകും.

മുഷ്​രിഫ്​ ദേശീയ പാർക്കിലാണ്​ 50 കിലോമീറ്റർ നീളത്തിൽ സൈക്ലിങ്ങിന്​ മണൽപാതയാരുങ്ങുന്നത്​. നഗരഹൃദയത്തിൽ ഇതിന്​ മുൻകൈയെടുക്കുന്നത്​ ദുബൈ മുനിസിപ്പാലിറ്റിയാണ്​. 70,000 മരങ്ങളുള്ള പാർക്കിൽ ചുറ്റിവളഞ്ഞാണ്​ ട്രാക്ക്​ കടന്നുപോവുക.

ലോകത്ത്​ മികച്ച ജീവിതസൗകര്യമുള്ള പട്ടണമായി ദുബൈയെ മാറ്റുകയെന്ന യു.എ.ഇ വൈസ്​ പ്രസിഡൻറും ​പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂമി​െൻറ ലക്ഷ്യത്തി​ന്​ അനുസൃതമായാണ്​ പദ്ധതി നടപ്പാക്കുന്നത്​. ദുബൈ കിരീടാവകാശിയും എക്​സിക്യൂട്ടിവ്​ കൗൺസിൽ ചെയർമാനുമായ ശൈഖ്​ ഹംദാൻ ബിൻ മുഹമ്മദ്​ ബിൻ റാശിദ്​ ആൽ മക്​തൂമി​െൻറ​ നഗരത്തെ സൈക്കി​ൾ സൗഹൃദമാക്കുക എന്ന ലക്ഷ്യത്തിനനുസരിച്ചുമാണ്​ പദ്ധതി.

എമിറേറ്റിലെ സൈക്ലിങ്​ ട്രാക്ക്​ 2026 ഓടെ 739 കിലോമീറ്ററാക്കുന്ന പദ്ധതിയാണിത്​. ദിവസം മൂവായിരത്തിലേറെ സൈക്ലിസ്​റ്റുകളെ ഉൾക്കൊള്ളാൻ ​ട്രാക്കിന്​ ശേഷിയുണ്ടാകുമെന്ന്​ മുനിസിപ്പാലിറ്റി ഡയറക്​ടർ ജനറൽ ദാവൂദ്​ അൽ ഹജ്​രി പറഞ്ഞു. പാർക്കി​െൻറ പ്രധാന കവാടത്തിൽനിന്ന്​ ആരംഭിക്കുന്ന ട്രാക്ക്​, അതേസ്​ഥലത്ത്​​ തന്നെയാണ്​ അവസാനിക്കുക. ട്രാക്കിന്​ മൂന്ന്​ മീറ്റർ വീതിയും വേഗത്തിൽ തിരിച്ചെത്താനുള്ള പാതകളും മൂന്ന്​ വിശ്രമകേന്ദ്രങ്ങളും റിപ്പയർ ഷോപ്പുകളും ഉണ്ട്​.

സൈക്ലിങ്ങിൽ തുടക്കക്കാരായവർക്കും ആസ്വാദ്യകരമായിരിക്കും ഇവിടത്തെ അനുഭവമെന്ന്​ ​ദാവൂദ്​ അൽ ഹജ്​രി പറഞ്ഞു. അമച്വർ, പ്രഫഷനൽ താരങ്ങൾക്ക്​ മാത്രമല്ല, സാധാരണ പൗരന്മാർക്കും താമസക്കാർക്കും ഉപയോഗിക്കാനാണ്​ ഇത്​ നിർമിക്കുന്നത്​. ആദ്യഘട്ടത്തിൽ ​ട്രാക്കിൽ മൂന്ന്​ ക്രോസിങ്​ ബ്രിഡ്​ജുകൾ ഉണ്ടാകും. എന്നാൽ, പൂർത്തിയാകുന്നതോടെ ഇത്​ പത്തെണ്ണമാകും.

ദുബൈ സിറ്റി സെൻററിൽനിന്ന്​ 20 കിലോമീറ്ററും വിമാനത്താവളത്തിൽനിന്ന്​ 10 കിലോമീറ്ററും അകലെ സ്​ഥതി ചെയ്യുന്ന മുഷ്​രിഫ്​ പാർക്ക്​, രാജ്യത്തെ ഏറ്റവും പഴക്കമുള്ളതും പ്രശസ്​തവുമാണ്​. 5.25 സ്​ക്വയർ കിലോമീറ്റർ കാട്​ തദ്ദേശീയ ജീവികളും പച്ചപ്പും നിറഞ്ഞയിടമാണ്.