യു.​എ.​ഇ​യി​ൽ പുനരുപയോഗം ചെയ്യുന്നതിനായി മാലിന്യം​ നിക്ഷേപിക്കാവുന്ന സ്ഥലങ്ങൾ

ദു​ബൈ: അ​ഞ്ച്​ വ​ർ​ഷം മു​മ്പ​ത്തെ ക​ണ​ക്ക്​ നോ​ക്കി​യാ​ൽ യു.​എ.​ഇ​യി​ലെ ഒ​രു താ​മ​സ​ക്കാ​ര​ൻ ഒ​രു ദി​വ​സം ഉ​ണ്ടാ​ക്കു​ന്ന​ത്​ 2.7 കി​ലോ​ മാ​ലി​ന്യ​മാ​ണ്. യൂ​റോ​പ്യ​ൻ രാ​ജ്യ​ങ്ങ​ളെ അ​പേ​ക്ഷി​ച്ച്​ ഇ​ര​ട്ടി​യോ​ളം വ​രും. 1.2 കി​ലോ​യാ​ണ്​ യൂ​റോ​പ്പി​ലെ പ്ര​തി​ദി​ന ക​ണ​ക്ക്. ഈ ​സാ​ഹ​ച​ര്യ​ത്തി​ലാ​ണ്​ മാ​ലി​ന്യ​ങ്ങ​ൾ റീ ​സൈ​ക്കി​​ൾ ചെ​യ്യു​ക എ​ന്ന ല​ക്ഷ്യ​വു​മാ​യി യു.​എ.​ഇ സ​ർ​ക്കാ​ർ​ത​ന്നെ മു​ന്നി​ട്ടി​റ​ങ്ങി​യ​ത്. ഈ ​വ​ർ​ഷം അ​വ​സാ​ന​ത്തോ​ടെ ഒ​റ്റ​ത്ത​വ​ണ ഉ​പ​യോ​ഗി​ക്കു​ന്ന പ്ലാ​സ്​​റ്റി​ക്​ ബാ​ഗു​ക​ൾ നി​രോ​ധി​ക്കു​മെ​ന്ന്​ അ​ബൂ​ദ​ബി സ​ർ​ക്കാ​ർ പ്ര​ഖ്യാ​പി​ച്ച​തും ഈ ​പ​ശ്ചാ​ത്ത​ല​ത്തി​ലാ​ണ്. 75 ശ​ത​മാ​നം മാ​ലി​ന്യ​ങ്ങ​ളും പു​ന​രു​പ​യോ​ഗം ചെ​യ്യാ​ൻ പാ​ക​ത്തി​ലാ​ക്കു​ക എ​ന്ന​താ​ണ്​ സ​ർ​ക്കാ​ർ ല​ക്ഷ്യ​മി​ടു​ന്ന​ത്. ഇ​തി​നാ​യി ഓ​രോ എ​മി​റേ​റ്റു​ക​ളും വ്യ​ത്യ​സ്​​ത മാ​ർ​ഗം സ്വീ​ക​രി​ച്ചി​ട്ടു​ണ്ട്. ന​മ്മു​ടെ താ​മ​സ​സ്​​ഥ​ല​ങ്ങ​ളി​ലെ മാ​ലി​ന്യ​ങ്ങ​ൾ ഇ​ത്ത​ര​ത്തി​ൽ വേ​ർ​തി​രി​ച്ച്​ നി​ക്ഷേ​പി​ച്ചാ​ൽ യു.​എ.​ഇ​യു​ടെ ല​ക്ഷ്യ​ത്തി​ൽ, പ​രി​സ്ഥി​തി​സം​ര​ക്ഷ​ണ​ത്തി​ൽ ന​മു​ക്കും പ​ങ്കാ​ളി​ക​ളാ​കാം.

ദു​ബൈ​യി​ൽ റീ​സൈ​ക്ലി​ങ്​ സ്​​റ്റേ​ഷ​നു​ക​ൾ

ദു​ബൈ​യി​ൽ ഓ​രോ ദി​വ​സ​വും താ​മ​സ​സ്​​ഥ​ല​ങ്ങ​ളി​ലും ഫ്ലാ​റ്റു​ക​ളി​ലു​മെ​ത്തി മു​നി​സി​പ്പാ​ലി​റ്റി മാ​ലി​ന്യം ശേ​ഖ​രി​ക്കു​ന്നു​ണ്ട്. ഇ​തി​ന്​ പു​റ​മെ, ദു​ബൈ​യു​ടെ വി​വി​ധ ഭാ​ഗ​ങ്ങ​ളി​ലാ​യി 13 സ്​​ഥ​ല​ങ്ങ​ളി​ൽ റീ​സൈ​ക്ലി​ങ്​ സ്​​റ്റേ​ഷ​നു​ക​ൾ സ്​​ഥാ​പി​ച്ചി​ട്ടു​ണ്ട്. ക​ഴി​യു​ന്ന​വ​ർ ഈ ​റീ​സൈ​ക്ലി​ങ്​ സ്​​റ്റേ​ഷ​നു​ക​ളി​ൽ മാ​ലി​ന്യം വേ​ർ​തി​രി​ച്ച്​ എ​ത്തി​ക്കു​ന്ന​താ​യി​രി​ക്കും ന​ല്ല​ത്. https://www.dm.gov.ae/building_and_locations/recycling-centres എ​ന്ന ലി​ങ്ക്​ വ​ഴി നി​ങ്ങ​ളു​ടെ ഏ​റ്റ​വും അ​ടു​ത്ത റീ​സൈ​ക്ലി​ങ്​ സ്​​റ്റേ​ഷ​ൻ ക​ണ്ടെ​ത്താ​നാ​കും. ഹ​ത്ത​യി​ലെ​ത്തു​ന്ന വി​നോ​ദ​സ​ഞ്ചാ​രി​ക​ളു​ടെ മാ​ലി​ന്യം ശേ​ഖ​രി​ക്കു​ന്ന​തി​നാ​യി ഇ​വി​ടെ​യും റീ​സൈ​ക്ലി​ങ്​ സ്റ്റേ​ഷ​നു​ണ്ട്.

റീ​സൈ​ക്ലി​ങ്​ സെൻറ​റു​ക​ളി​ൽ 18 ത​രം മാ​ലി​ന്യ​ങ്ങ​ൾ വേ​ർ​തി​രി​ച്ച്​ നി​ക്ഷേ​പി​ക്കാ​ൻ സൗ​ക​ര്യ​മു​ണ്ട്. പേ​പ്പ​ർ, കാ​ർ​ഡ്​​ബോ​ർ​ഡ്, പ്ലാ​സ്​​റ്റി​ക്, മെ​റ്റ​ൽ, ഗ്ലാ​സ്, വ​സ്​​ത്രം, റ​ബ​ർ, ലെ​ത​ർ, ത​ടി, ഇ​ല​ക്​​ട്രോ​ണി​ക്​ വേ​സ്​​റ്റ്, ബാ​റ്റ​റി തു​ട​ങ്ങി​യ​വ വേ​ർ​തി​രി​ച്ച്​ നി​ക്ഷേ​പി​ക്കാം. ഇ​തി​ന്​ പു​റ​മെ, മാ​ളു​ക​ളി​ലും റോ​ഡ​രി​കു​ക​ളി​ലും വി​നോ​ദ​സ​ഞ്ചാ​ര​കേ​ന്ദ്ര​ങ്ങ​ളി​ലു​മെ​ല്ലാം പ്ലാ​സ്​​​റ്റി​ക്​ വേ​സ്​​റ്റു​ക​ളും പേ​പ്പ​ർ വേ​സ്​​റ്റു​ക​ളു​മെ​ല്ലാം വേ​ർ​തി​രി​ച്ച്​ നി​ക്ഷേ​പി​ക്കാ​ൻ ബി​ന്നു​ക​ൾ വെ​ച്ചി​ട്ടു​ണ്ട്. എ​ന്നാ​ൽ, പ​ല​രും ഇ​വ ശ്ര​ദ്ധി​ക്കാ​തെ എ​ല്ലാ വേ​സ്​​റ്റു​ക​ളും ഒ​രി​ട​ത്ത്​ ത​ട്ടു​ന്ന​താ​ണ്​ പ​തി​വ്. ഇ​ത്​ ഒ​ഴി​വാ​ക്കി ഓ​രോ ബി​ന്നു​ക​ളി​ലും വേ​ർ​തി​രി​ച്ച്​ മാ​ലി​ന്യം നി​ക്ഷേ​പി​ക്കാ​ൻ ശ്ര​ദ്ധി​ക്ക​ണം.

ഒ​രു​പ​ക്ഷേ, നി​ങ്ങ​ളി​ടു​ന്ന ഒ​രു മാ​ലി​ന്യ​മാ​കാം ആ ​ബി​ന്നി​ലെ മ​റ്റ്​ മാ​ലി​ന്യ​ങ്ങ​ളെ പൂ​ർ​ണ​മാ​യും ന​ശി​പ്പി​ക്കു​ന്ന​ത്. മ​റ്റ്​ മാ​ലി​ന്യ​ങ്ങ​ൾ​ക്കി​ട​യി​ൽ ഒ​രു പ്ലാ​സ്​​റ്റി​​ക്​ ബോ​ട്ടി​ലോ കാ​നോ നി​ക്ഷേ​പി​ച്ചി​ട്ടു​ണ്ടെ​ങ്കി​ൽ ആ ​ബി​ന്നി​ലെ മാ​ലി​ന്യ​ങ്ങ​ൾ റീ ​സൈ​ക്കി​ൾ ചെ​യ്യാ​ൻ ക​ഴി​യി​ല്ല. ഇ​ത്​ മാ​ലി​ന്യ നി​ക്ഷേ​പ​കേ​ന്ദ്ര​ത്തി​ൽ കൊ​ണ്ടു​പോ​യി ത​ള്ളേ​ണ്ടി​വ​രും. ഈ ​മാ​ലി​ന്യ​ങ്ങ​ൾ റീ ​സൈ​ക്ലി​ങ്​ ​സെൻറ​റു​ക​ളി​ൽ എ​ത്തി​ക്കാ​ൻ നി​ങ്ങ​ൾ​ക്ക്​ സ​മ​യ​മി​ല്ലെ​ങ്കി​ൽ മ​റ്റൊ​രു മാ​ർ​ഗം കൂ​ടി​യു​ണ്ട്. ഗ്രീ​ൻ ട്ര​ക്​ എ​ന്ന സ്​​ഥാ​പ​നം വ​ഴി മാ​സം 120 ദി​ർ​ഹം കൊ​ടു​ത്താ​ൽ അ​വ​ർ വീ​ട്ടു​പ​ടി​ക്ക​ലെ​ത്തി മാ​ലി​ന്യം ശേ​ഖ​രി​ച്ച്​ റീ​സൈ​ക്ലി​ങ്​ സെൻറ​റു​ക​ളി​ൽ എ​ത്തി​ക്കും. greentruck.ae എ​ന്ന വെ​ബ്​​സൈ​റ്റ്​ സ​ന്ദ​ർ​ശി​ച്ച്​ സ​ബ്​​സ്​​ക്രൈ​ബ്​ ചെ​യ്​​താ​ൽ ഇ​വ​രു​ടെ സേ​വ​നം ല​ഭി​ക്കും.

അ​ബൂ​ദ​ബി​യി​ൽ തൗ​ദീ​ർ

ക​ഴി​ഞ്ഞ​വ​ർ​ഷം അ​ബൂ​ദ​ബി​യി​ൽ സ​ർ​ക്കാ​ർ വ​കു​പ്പു​ക​ളും സ്വ​കാ​ര്യ സ്​​ഥാ​പ​ന​ങ്ങ​ളും താ​മ​സ​ക്കാ​രും ചേ​ർ​ന്ന്​ ഉ​ൽ​​പാ​ദി​പ്പി​ച്ച​ത്​ 1.1 കോ​ടി ട​ൺ മാ​ലി​ന്യ​മാ​ണ്. ഇ​തി​ൽ 36 ശ​ത​മാ​നം പു​ന​രു​പ​യോ​ഗി​ക്കാ​വു​ന്ന രീ​തി​യി​ലേ​ക്ക്​ മാ​റ്റു​ക​യോ പ​രി​സ്​​ഥി​തി​ക്ക്​ അ​നു​യോ​ജ്യ​മാ​ക്കി മാ​റ്റു​ക​യോ ചെ​യ്​​തി​ട്ടു​ണ്ട്. അ​ബൂ​ദ​ബി​യു​ടെ വേ​സ്​​റ്റ്​ മാ​നേ​ജ്​​മെൻറ്​ സെൻറ​റാ​യ തൗ​ദീ​റാ​ണ്​ ഇ​വി​ടെ പ​രി​സ്​​ഥി​തി​സം​ര​ക്ഷ​ണ​ സേ​വ​ന​ങ്ങ​ൾ ഒ​രു​ക്കു​ന്ന​ത്. ഇ​വ​രു​ടെ കീ​ഴി​ൽ അ​ബൂ​ദ​ബി​യി​ൽ 15 റീ​സൈ​ക്ലി​ങ്​ കേ​ന്ദ്ര​ങ്ങ​ളു​ണ്ട്. ഖാ​ലി​ദി​യ പാ​ർ​ക്കി​ൽ അ​ട​ക്കം വി​വി​ധ നി​റ​ങ്ങ​ളി​ൽ ഇ​വ കാ​ണാം. ഗ്ലാ​സ്, പേ​പ്പ​ർ, കാ​ൻ, ബോ​ട്ടി​​ൽ, മൊ​ബൈ​ൽ ഫോ​ൺ, ത​ടി, കാ​ർ​ഡ്​ ബോ​ർ​ഡ്, ബാ​റ്റ​റി, മെ​ല്ല, കോ​ട്ട​ൺ തു​ട​ങ്ങി​യ​വ​യെ​ല്ലാം വേ​ർ​തി​രി​ച്ച്​ നി​ക്ഷേ​പി​ക്കാം.

ഇ​വി​ടെ എ​ത്തി​ക്കാ​ൻ ക​ഴി​യാ​ത്ത​വ​ർ​ക്കാ​യി റീ ​കാ​പ്പ്​ (Recapp) എ​ന്ന പേ​രി​ൽ സേ​വ​നം ന​ൽ​കു​ന്നു​ണ്ട്. ഈ ​ആ​പ്പ്​ ഡൗ​ൺ​ലോ​ഡ്​ ചെ​യ്ത്​ ഇ​വ​രു​ടെ സേ​വ​നം തേ​ടാം. സൗ​ജ​ന്യ​മാ​യി ഇ​വ​ർ താ​മ​സ​സ്​​ഥ​ല​ങ്ങ​ളി​ലെ​ത്തി മാ​ലി​ന്യം ശേ​ഖ​രി​ക്കും. എ​ന്നാ​ൽ, നി​ല​വി​ൽ അ​വ​ർ പേ​പ്പ​ർ, കാ​ർ​ഡ്​​ബോ​ർ​ഡ്, ഗ്ലാ​സ്​ എ​ന്നി​വ സ്വീ​ക​രി​ക്കു​ന്നി​ല്ല. ക​ഴി​ഞ്ഞ ന​വം​ബ​റി​ൽ പ്ര​വ​ർ​ത്ത​നം തു​ട​ങ്ങി​യ​ശേ​ഷം 2000 കി​ലോ പ്ലാ​സ്​​റ്റി​ക്​ ബോ​ട്ടി​ലു​ക​ളും മെ​റ്റ​ൽ കാ​നു​ക​ളു​മാ​ണ്​ ഇ​വ​ർ ശേ​ഖ​രി​ച്ച​ത്. റീ​സൈ​ക്കി​ൾ ചെ​യ്യാ​വു​ന്ന മാ​ലി​ന്യ​ത്തി‍െൻറ അ​ള​വ​നു​സ​രി​ച്ച്​ ആ​പ്പി​ൽ പോ​യ​ൻ​റു​ക​ൾ ന​ൽ​കും. നി​ശ്ചി​ത പോ​യ​ൻ​റ്​ നേ​ടു​ന്ന​വ​ർ​ക്ക്​ സ​മ്മാ​ന​ങ്ങ​ളും ന​ൽ​കു​ന്നു​ണ്ട്. ഈ ​സേ​വ​നം ദു​ബൈ​യി​ലേ​ക്കും വ്യാ​പി​പ്പി​ക്കാ​ൻ പ​ദ്ധ​തി​യു​ണ്ട്.

ഷാ​ർ​ജ​യി​ൽ എ​ണ്ണ​യും പു​ന​രു​പ​യോ​ഗം ചെ​യ്യാം

മാ​ലി​ന്യ​നീ​ക്ക​വും പു​ന​രു​പ​യോ​ഗ​വും ഏ​റ്റ​വും ന​ന്നാ​യി ചെ​യ്യു​ന്ന എ​മി​റേ​റ്റു​ക​ളി​ൽ ഒ​ന്നാ​ണ്​ ഷാ​ർ​ജ. സ​ർ​ക്കാ​ർ- സ്വ​കാ​ര്യ സം​യു​ക്​​ത ഏ​ജ​ൻ​സി​യാ​യും പ​രി​സ്​​ഥി​തി മാ​നേ​ജ്​​മെൻറ്​ സ്​​ഥാ​പ​ന​വു​മാ​യ ബീ​അ​യാ​ണ്​ ഇ​തി​ന്​ മു​ൻ​കൈ​യെ​ടു​ക്കു​ന്ന​ത്. എ​മി​റേ​റ്റി​ലെ മു​നി​സി​പ്പ​ൽ മാ​ലി​ന്യ​ങ്ങ​ളി​ൽ 84 ശ​ത​മാ​ന​വും ശേ​ഖ​രി​ക്കു​ക​യും ഇ​തി​ൽ ന​ല്ലൊ​രു​ഭാ​ഗം പു​ന​രു​പ​യോ​ഗം ചെ​യ്യാ​വു​ന്ന രീ​തി​യി​ലേ​ക്ക്​ മാ​റ്റു​ക​യും ചെ​യ്യു​ന്നു​ണ്ട്. താ​മ​സ​ക്കാ​ർ​ക്ക്​ നേ​രി​ട്ട റീ​സൈ​ക്ലി​ങ്​ സെൻറ​റു​ക​ളി​ൽ എ​ത്തി​ക്കാം. സ്​​മാ​ർ​ട്ട്​ സി​സ്​​റ്റ​ത്തി​ലൂ​ടെ​യാ​ണ്​ പ്ര​വ​ർ​ത്ത​നം. ബി​ന്നു​ക​ൾ നി​റ​ഞ്ഞാ​ൽ ഉ​ട​ൻ ക​ൺ​ട്രോ​ൾ റൂ​മി​ൽ വി​വ​ര​മെ​ത്തും.

സൗ​രോ​ർ​ജ​ത്തി​ലാ​ണ്​ പ്ര​വ​ർ​ത്ത​നം. ഷാ​ർ​ജ​ക്ക്​ പു​റ​മെ ദു​ബൈ എ​യ​ർ​പോ​ർ​ട്ട്, ദു​ബൈ മ​റീ​ന വാ​ക്, മ​റീ​ന മാ​ൾ, മ​സ്​​ദ​ർ സി​റ്റി, അ​ബൂ​ദ​ബി മാ​ൾ എ​ന്നി​വി​ട​ങ്ങ​ളി​ലും ബീ​അ​യു​ടെ റീ​സൈ​ക്ലി​ങ്​ പൊ​യ​ൻ​റു​ക​ൾ കാ​ണാം. ഉ​പ​യോ​ഗി​ച്ച പാ​ച​ക എ​ണ്ണ റീ​സൈ​ക്ലി​ങ് ചെ​യ്യു​ന്ന നൂ​ത​ന സം​വി​ധാ​ന​വും ബീ​അ​യു​ടെ നേ​തൃ​ത്വ​ത്തി​ൽ ക​ഴി​ഞ്ഞ ദി​വ​സം തു​ട​ങ്ങി. വീ​ടു​ക​ളി​ൽ സാ​ധാ​ര​ണ​യാ​യി ഉ​പ​യോ​ഗി​ക്കു​ന്ന പാ​ച​ക എ​ണ്ണ മാ​ലി​ന്യ​ച്ചാ​ലു​ക​ളി​ൽ ഒ​ഴി​ക്കാ​റു​ണ്ട്. ഇ​ത് പ്ലം​ബി​ങ് സം​വി​ധാ​ന​ങ്ങ​ളെ ത​ട​സ്സ​പ്പെ​ടു​ത്തു​ന്ന​തി​നാ​ൽ മു​നി​സി​പ്പാ​ലി​റ്റി​ക​ൾ​ക്കും മ​ലി​ന​ജ​ല സം​സ്ക​ര​ണ ക​മ്പ​നി​ക​ൾ​ക്കും വ​ലി​യ ബു​ദ്ധി​മു​ട്ടു​ക​ൾ സൃ​ഷ്​​ടി​ക്കാ​റു​ണ്ട്. പു​തി​യ സേ​വ​ന​ത്തി​ലൂ​ടെ, ഉ​പ​യോ​ഗി​ച്ച പാ​ച​ക എ​ണ്ണ​യെ ബ​യോ​ഡീ​സ​ലാ​ക്കി മാ​റ്റും.

ന​ഗ​ര​സ​ഭ​യു​ടെ വാ​ഹ​ന​ങ്ങ​ൾ​ക്ക് ഇ​ന്ധ​ന​മാ​യി ഈ ​ഡീ​സ​ലാ​ണ് ന​ൽ​കു​ക. ഉ​പ​യോ​ഗി​ച്ച പാ​ച​ക എ​ണ്ണ സം​സ്‌​ക​രി​ക്കു​ന്ന​തി​നു​ള്ള സാ​ധാ​ര​ണ​രീ​തി പ​രി​സ്ഥി​തി​യെ ദോ​ഷ​ക​ര​മാ​യി ബാ​ധി​ക്കു​ന്ന​ത്​ ത​ട​യാ​ൻ​കൂ​ടി ല​ക്ഷ്യ​മി​ട്ടാ​ണ്​ ന​ട​പ​ടി. ക​മ്പ​നി ന​ൽ​കു​ന്ന പ്ര​ത്യേ​ക കു​പ്പി​ക​ളി​ൽ ആ​ളു​ക​ൾ​ക്ക് എ​ണ്ണ നി​ക്ഷേ​പി​ച്ച്​ ക​ല​ക്ഷ​​ൻ മെ​ഷീ​നി​ൽ നി​ക്ഷേ​പി​ക്കാം. 826333 എ​ന്ന ന​മ്പ​റി​ൽ വി​ളി​ച്ചാ​ൽ കു​പ്പി ല​ഭി​ക്കും. ഷാ​ർ​ജ​യി​ലെ ഓ​രോ മേ​ഖ​ല​യി​ലും മെ​ഷീ​ൻ സ്​​ഥാ​പി​ക്കും. എ​ണ്ണ നി​റ​ച്ച ഒ​രു കു​പ്പി മെ​ഷീ​നി​ലേ​ക്ക്​ നി​ക്ഷേ​പി​ക്കു​മ്പോ​ൾ അ​ടു​ത്ത കാ​ലി​ക്കു​പ്പി ല​ഭി​ക്കും. ഈ ​കു​പ്പി​യി​ൽ എ​ണ്ണ നി​റ​ച്ച്​ വീ​ണ്ടും നി​ക്ഷേ​പി​ക്കാ​ൻ ക​ഴി​യും. കു​പ്പി​ക​ളും പൂ​ർ​ണ​മാ​യും പു​ന​രു​പ​യോ​ഗം ചെ​യ്യാ​വു​ന്ന​താ​ണ്.

ഇ–​വേ​സ്റ്റു​ക​ൾ എ​ന്തു​ചെ​യ്യും

മൊ​ബൈ​ൽ ഫോ​ൺ, ക​മ്പ്യൂ​ട്ട​ർ ഉ​ൾ​പ്പെ​ടെ ഇ–​വേ​സ്റ്റു​ക​ൾ ശേ​ഖ​രി​ക്കു​ന്ന​വ​രു​ണ്ട്. മ​ദീ​ന​ത്ത്​ റീ​സൈ​ക്കി​ളാ​ണ്​ (madenatrecycling.ae) ഇ​തി​ൽ പ്ര​മു​ഖ​ർ. മൊ​ബൈ​ലി​നും ക​മ്പ്യൂ​ട്ട​റു​ക​ൾ​ക്കും പു​റ​മെ വാ​ഷി​ങ്​ മെ​ഷീ​ൻ, ബാ​റ്റ​റി, വ​യ​റു​ക​ൾ, ലാ​മ്പ്​, ബ​ൾ​ബ്​ തു​ട​ങ്ങി​യ​വ​യെ​ല്ലാം ഇ​വ​ർ ഏ​റ്റെ​ടു​ക്കു​കു​യും പു​ന​രു​പ​യോ​ഗം ചെ​യ്യാ​വു​ന്ന രീ​തി​യി​ലേ​ക്ക്​ മാ​റ്റു​ക​യും ചെ​യ്യും. +971 4 3271778 എ​ന്ന ന​മ്പ​റി​ൽ വി​ളി​ച്ചാ​ൽ ഇ​വ​രു​ടെ സേ​വ​നം ല​ഭി​ക്കും. എ​ൻ​വ​​യ​ർ സെ​ർ​വും ഈ ​സേ​വ​നം ന​ട​പ്പാ​ക്കു​ന്ന സ്ഥാ​പ​ന​മാ​ണ്. enviroserve.org എ​ന്ന വെ​ബ്​​സൈ​റ്റ്​ വ​ഴി ഇ​വ​രു​ടെ സേ​വ​നം തേ​ടാം. 2019ൽ ​ഇ​വ​ർ ലോ​ക​ത്തി​ലെ ഏ​റ്റ​വും വ​ലി​യ ഇ​-​വേ​സ്റ്റ്​ റീ​സൈ​ക്ലി​ങ്​ സം​വി​ധാ​നം ഇ​ൻ​ഡ​സ്​​ട്രി​യ​ൽ പാ​ർ​ക്കി​ൽ തു​റ​ന്നി​രു​ന്നു.