ദു​ബൈ​യി​ൽ മാ​ലി​ന്യ​ത്തി​ൽ​നി​ന്ന്​ വൈ​ദ്യു​തി പ​ദ്ധ​തി

ദു​ബൈ: മാ​ലി​ന്യ​ത്തി​ൽ​നി​ന്ന്​ വേ​ർ​തി​രി​ച്ചെ​ടു​ക്കു​ന്ന ബ​യോ​ഗ്യാ​സി​ൽ​നി​ന്ന് വൈ​ദ്യു​തി ഉ​ൽ​പാ​ദി​പ്പി​ക്കാ​ൻ ദു​ബൈ​യി​ൽ പ​ദ്ധ​തി. ദു​ബൈ മു​നി​സി​പ്പാ​ലി​റ്റി​യും ദു​ബൈ ഇ​ല​ക്​​ട്രി​സി​റ്റി വാ​ട്ട​ർ അ​തോ​റി​റ്റി (ദീ​വ)​യു​മാ​ണ്​ പ​ദ്ധ​തി​ക്കാ​യി ധാ​ര​ണ​പ​​ത്ര​ത്തി​ൽ ഒ​പ്പു​വെ​ച്ച​ത്. മു​ഹൈ​സ്‌​ന-5​ലെ മാ​ലി​ന്യ കേ​ന്ദ്ര​ത്തി​ൽ നി​ന്നാ​ണ്​ വൈ​ദ്യു​തി ഉ​ൽ​പാ​ദി​പ്പി​ക്കു​ക. ദു​ബൈ എ​ക്സ്​​പോ സി​റ്റി​യി​ൽ ന​ട​ക്കു​ന്ന കോ​പ്​ 28 ഉ​ച്ച​കോ​ടി​യി​ലാ​ണ്​ ഇ​തു​സം​ബ​ന്ധി​ച്ച ധാ​ര​ണ​പ​ത്ര​ത്തി​ൽ ര​ണ്ട്​ സ​ർ​ക്കാ​ർ വ​കു​പ്പു​ക​ളും ഒ​പ്പു​വെ​ച്ച​ത്. യു.​എ.​ഇ​യു​ടെ നെ​റ്റ്​ സീ​റോ 2050 പ​ദ്ധ​തി​യി​ലേ​ക്ക്​ സം​ഭാ​വ​ന ചെ​യ്യു​ന്ന പ​ദ്ധ​തി വ​ഴി, ഓ​രോ വ​ർ​ഷ​വും മൂ​ന്നു​ല​ക്ഷം ട​ൺ കാ​ർ​ബ​ൺ പു​റ​ന്ത​ള്ള​ൽ കു​റ​ക്കാ​ൻ ക​ഴി​യു​മെ​ന്ന്​ ദു​ബൈ മു​നി​സി​പ്പാ​ലി​റ്റി ഡ​യ​റ​ക്ട​ർ ജ​ന​റ​ൽ ദാ​വൂ​ദ്​ അ​ൽ ഹ​ജ്​​രി വെ​ളി​പ്പെ​ടു​ത്തി.

മാ​ലി​ന്യ സം​സ്‌​ക​ര​ണ​ത്തി​നും പാ​രി​സ്ഥി​തി​ക ആ​ഘാ​തം കു​റ​ക്കു​ന്ന​തി​നും നൂ​ത​ന​മാ​യ രീ​തി​ക​ൾ ന​ട​പ്പി​ലാ​ക്കു​ന്ന​തി​ന്‍റെ ഭാ​ഗ​മാ​യാ​ണ്​ പ​ദ്ധ​തി വി​ക​സി​പ്പി​ച്ച​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. 2050ഓ​ടെ 100 ശ​ത​മാ​നം ഊ​ർ​ജ​വും പു​ന​രു​പ​യോ​ഗ​പ്ര​ദ​മാ​യ സ്രോ​ത​സ്സു​ക​ളി​ൽ നി​ന്നാ​ക്കു​ക​യെ​ന്ന ല​ക്ഷ്യം കൈ​വ​രി​ക്കാ​നാ​ണ്​ പ​ദ്ധ​തി​യെ​ന്ന്​ ദീ​വ സി.​ഇ.​ഒ​യും മാ​നേ​ജി​ങ്​ ഡ​യ​റ​ക്ട​റു​മാ​യ സ​ഈ​ദ്​ മു​ഹ​മ്മ​ദ്​ ആ​ൽ താ​യ​ർ പ​റ​ഞ്ഞു. പാ​രി​സ്ഥി​തി​ക വെ​ല്ലു​വി​ളി​ക​ൾ​ക്ക് പ്രാ​യോ​ഗി​ക പ​രി​ഹാ​രം കാ​ണു​ന്ന​തി​ന്​ അ​ടു​ത്ത ര​ണ്ട് ദ​ശ​ക​ങ്ങ​ളി​ൽ ദീ​ർ​ഘ​കാ​ല പ​ദ്ധ​തി​ക​ൾ ന​ട​പ്പി​ലാ​ക്കു​മെ​ന്നും അ​ദ്ദേ​ഹം വ്യ​ക്​​ത​മാ​ക്കി. ദു​ബൈ മു​നി​സി​പ്പാ​ലി​റ്റി​യു​ടെ കോ​പ്​ 28ലെ ​പ​ങ്കാ​ളി​ത്ത​ത്തി​ന്‍റെ ഭാ​ഗ​മാ​യാ​ണ്​ ധാ​ര​ണ​പ​ത്രം ഒ​പ്പു​വെ​ച്ചി​ട്ടു​ള്ള​ത്. മു​നി​സി​പ്പാ​ലി​റ്റി​യും ദീ​വ​യും ന​ട​പ്പി​ലാ​ക്കു​ന്ന വി​വി​ധ പ​രി​സ്ഥി​തി സൗ​ഹൃ​ദ പ​ദ്ധ​തി​ക​ൾ കോ​പ്​ 28 വേ​ദി​യി​ൽ ഗ്രീ​ൻ സോ​ണി​ൽ എ​ന​ർ​ജി ട്രാ​ൻ​സി​ഷ​ൻ ഹ​ബി​ൽ പ്ര​ദ​ർ​ശി​പ്പി​ച്ചി​ട്ടു​ണ്ട്. വി​വി​ധ രാ​ജ്യ​ക്കാ​രാ​യ നൂ​റു​ക​ണ​ക്കി​നാ​ളു​ക​ളാ​ണ്​ പ​വി​ലി​യ​നു​ക​ൾ സ​ന്ദ​ർ​ശി​ക്കു​ന്ന​ത്.