ഷാർജ എക്​സ്​പോ സെൻററിൽ വിൻറർ ക്ലിയറൻസ്​ സെയിൽ തുടങ്ങി

ഷാർജ: ഷാർജ എക്​സ്​പോ സെൻററിൽ വിൻറർ ക്ലിയറൻസ്​ സെയിൽ തുടങ്ങി. ഫാഷൻ, ഇലക്​ട്രോണിക്​സ്​, സ്​പോർട്​സ്​, ലൈഫ്​ സ്​റ്റൈൽ തുടങ്ങിയവയുടെ വിപുലമായ ശേഖരമാണ്​ ക്ലിയറൻസ്​ സെയിലിൽ ഒരുക്കിയിരിക്കുന്നതെന്ന്​ സംഘാടകർ അറിയിച്ചു. പ്രമുഖ ബ്രാൻഡുകളുടെ ഉൽപന്നങ്ങളാണ്​ വിൽപനക്കുള്ളത്​. കുറഞ്ഞ നിരക്കിൽ ബ്രാൻഡഡ്​ ഉൽപന്നങ്ങൾ വാങ്ങാനുള്ള അവസരം കൂടിയാണ്​ ഒരുങ്ങിയിരിക്കുന്നത്​. സ്​പ്ലാഷ്​, ടോംസ്​, സ്​കെച്ചേഴ്​സ്​, ഡ്യൂൺ, ​നയൻ വെസ്​റ്റ്​, നാച്വറലൈസർ, വി ടെക്​, പൊളൈസ്​, ബേബി ഷോപ്പ്​, ഹഷ്​ പപ്പീസ്​, ബ്രാൻഡ്​ ബസാർ തുടങ്ങിയ ബ്രാൻഡുകൾ ഇവിടെ വിൽപനക്കുണ്ട്​. ക്രിസ്​മസ്-പുതുവത്സര വിപണി ലക്ഷ്യമിട്ടാണ്​ ക്ലിയറൻസ്​ സെയിൽ. അവധി ദിനങ്ങളായതിനാൽ മികച്ച പ്രതികരണമുണ്ടാകുമെന്നാണ്​ പ്രതീക്ഷ. ജനുവരി ഒന്നിന്​ സമാപിക്കും. രാവിലെ 11 മുതൽ രാത്രി 11 വരെ തുറന്നിരിക്കും. ​പ്രവേശന ഫീസ്​ അഞ്ച്​ ദിർഹം.