ദുബൈയിൽ സർക്കാർ ജീവനക്കാർക്ക്​ വർക്​ ഫ്രം ഹോം; ചില സ്കൂളുകളിൽ ഓൺലൈൻ പഠനം

ദുബൈ: മഴ തുടരുന്ന സാഹചര്യത്തിൽ എമിറേറ്റിലെ സർക്കാർ ജീവനക്കാർക്ക്​ വെള്ളിയാഴ്ച വർക്​ ഫ്രം ഹോം പ്രഖ്യാപിച്ചു. ദുബൈ കിരീടാവകാശിയും എക്​സിക്യൂട്ടിവ്​ കൗൺസിൽ ചെയർമാനുമായ ശൈഖ്​ ഹംദാൻ ബിൻ മുഹമ്മദ്​ ബിൻ റാശിദ്​ ആൽ മക്​തൂമാണ്​ ഇത്​ സംബന്ധിച്ച നിർദേശം നൽകിയത്​.

ജോലി സാന്നിധ്യം അത്യാവശ്യമായ ജോലികൾ ഒഴികെ മറ്റു ജീവനക്കാർക്കെല്ലാം ഉത്തരവ്​ ബാധകമാണ്​. ദുബൈയിലെ വിവിധ സ്കൂളുകൾ ക്ലാസുകൾ ഓൺലൈനിലാക്കാനും തീരുമാനിച്ചിട്ടുണ്ട്​.