വി​സ്മ​യ കാ​ഴ്ച്ച​ക​ളു​ടെ XPOSURE

പ്ര​കൃ​തി​യു​ടെ ഹൃ​ദ​യ​താ​ള​ങ്ങ​ളെ കാ​മ​റ​ക​ളി​ലേ​ക്ക് ആ​വാ​ഹി​ച്ചെ​ടു​ത്ത് ലോ​ക​ത്തി​ന് മു​ന്നി​ലേ​ക്ക് നി​വ​ർ​ത്തി​വെ​ച്ച് ഇ​നി വ​രു​ന്ന ത​ല​മു​റ​ക്ക് വ​ന​ങ്ങ​ൾ ബാ​ക്കി ഉ​ണ്ടാ​കു​മോ എ​ന്ന നെ​ഞ്ചു​ത​ക​രു​ന്ന ചോ​ദ്യം ചോ​ദി​ക്കു​ന്ന സാ​ഹ​സി​ക​രാ​യ ഫോ​ട്ടോ​ഗ്രാ​ഫ​ർ​മാ​ർ അ​ണി​നി​ര​ക്കു​ന്ന എ​ക്സ്പോ​ഷ​ർ പ്ര​ദ​ർ​ശ​ന​ങ്ങ​ൾ​ക്ക് 28 മു​ത​ൽ ഷാ​ർ​ജ എ​ക്സ്പോ സെ​ൻ​റ​റി​ൽ തു​ട​ക്ക​മാ​കും.

മാ​ർ​ച്ച് അ​ഞ്ചു​വ​രെ നീ​ളു​ന്ന പ്ര​ദ​ർ​ശ​ന​ത്തി​ൽ നി​ര​വ​ധി പ​രി​പാ​ടി​ക​ളാ​ണ് കോ​ർ​ത്തി​ണ​ക്കി​യി​രി​ക്കു​ന്ന​ത്. മീ​ഡി​യാ ബ്യൂ​റോ നേ​തൃ​ത്വം ന​ൽ​കു​ന്ന എ​ക്സ്പോ​ഷ​റി​ന്‍റെ എ​ട്ടാം പ​തി​പ്പാ​ണി​ത്.

കാ​ട് വീ​ട് പോ​ലെ​യാ​ണ് ജോ​ക്കിം ഷ്മൈ​സ​റി​ന്. ഭ​യ​ത്തി​ന്‍റെ നെ​ഞ്ചി​ടി​പ്പി​ല്ലാ​തെ മൃ​ഗ​ങ്ങ​ൾ​ക്കി​ട​യി​ലേ​ക്ക് ഈ ​ഫോ​ട്ടോ​ഗ്ര​ഫ​ർ ഇ​റ​ങ്ങി ചെ​ല്ലു​ന്നു. കാ​ടി​ന്‍റെ ആ​ഴ​ങ്ങ​ളി​ലെ വി​സ്മ​യ​ങ്ങ​ൾ തേ​ടി​യു​ള്ള യാ​ത്ര​യി​ൽ പ​തി​ഞ്ഞ അ​തി​മ​നോ​ഹ​ര​വും അ​തി​ലേ​റെ സാ​ഹ​സി​ക​മാ​യി പ​ക​ർ​ത്തി​യ കാ​ഴ്ച്ച​ക​ളാ​ണ് എ​ക്സ്പോ​ഷ​ർ അ​ന്താ​രാ​ഷ്ട്ര ഫോ​ട്ടോ​ഗ്ര​ഫി മ​ഹോ​ത്സ​വ​ത്തി​ൽ സ​ന്ദ​ർ​ശ​ക​രെ കാ​ത്തി​രി​ക്കു​ന്ന​ത്.

റി​മോ​ട്ട് ക​ൺ​ട്രോ​ൾ ഉ​പ​ക​ര​ണ​ങ്ങ​ളോ നീ​ള​മു​ള്ള ലെ​ൻ​സു​ക​ളോ ഉ​പ​യോ​ഗി​ക്കാ​തെ മീ​ഡി​യം ഫോ​ർ​മാ​റ്റ് കാമ​റ​ക​ൾ ഉ​പ​യോ​ഗി​ച്ചാ​ണ് കാ​ടി​ന്‍റെ ഭ​യാ​ന​ക​മാ​യ അ​ല​ർ​ച്ച​ക​ൾ ജോ​ക്കിം പ​ക​ർ​ത്തി​യി​രി​ക്കു​ന്ന​ത്. ആ​ഫ്രി​ക്ക​യി​ലെ വം​ശ​നാ​ശ​ഭീ​ഷ​ണി നേ​രി​ടു​ന്ന വ​ന്യ​ജീ​വി​ക​ളു​ടെ ഐ​ക്ക​ണി​ക് ചി​ത്ര​ങ്ങ​ൾ​ക്ക് ലോ​ക​പ്ര​ശ​സ്ത​നാ​ണ് ജോ​ക്കിം ഷ്മൈ​സ​ർ. 2012ൽ ​അ​ദ്ദേ​ഹ​ത്തി​ന്‍റെ പ്ര​വ​ർ​ത്ത​ന​ത്തി​ന് അ​ഭി​മാ​ന​ക​ര​മാ​യ ഹാ​സ​ൽ​ബ്ലാ​ഡ് മാ​സ്റ്റ​ർ അ​വാ​ർ​ഡും ല​ഭി​ച്ചു.

റി​ങി​ലെ എ​ക്കാ​ല​ത്തെ​യും മ​ഹാ​രാ​ജാ​വ് മു​ഹ​മ്മ​ദ​ലി​യു​ടെ പ്ര​ക​ട​ന​ങ്ങ​ളെ കാ​മ​റ കൊ​ണ്ട് ക​വി​ത​ക​ളാ​ക്കി മാ​റ്റി​യ അ​മേ​രി​ക്ക​ൻ സ്‌​പോ​ർ​ട്‌​സ് ഫോ​ട്ടോ​ഗ്രാ​ഫ​റും ഫി​ലിം മേ​ക്ക​റു​മാ​യ നീ​ൽ ലീ​ഫ​റി​ന്‍റെ നി​ര​വ​ധി ഫോ​ട്ടോ​ക​ളാ​ണ് പ്ര​ദ​ർ​ശ​ന​ത്തി​നെ​ത്തു​ന്ന​ത്. ടൈം ​ഇ​ൻ​ക് മാ​സി​ക​യി​ലൂ​ടെ ലോ​ക​മ​റി​ഞ്ഞ ഷ​ട്ട​ർ വേ​ഗ​ങ്ങ​ൾ ഇ​തി​ലൂ​ടെ അ​ടു​ത്ത​റി​യാം.

ഡേ​വി​ഡ് ആ​റ്റ​ൻ​ബ​റോ​യു​ടെ ‘ദി ​ട്ര​യ​ൽ​സ് ഓ​ഫ് ലൈ​ഫി’​ൽ പ്ര​വ​ർ​ത്തി​ച്ച്​ 16-ാം വ​യ​സ്സി​ൽ ഫോ​ട്ടോ​ഗ്ര​ഫി രം​ഗ​ത്തേ​ക്ക് ക​ട​ന്നു​വ​ന്ന ചാ​ർ​ളി ഹാ​മി​ൽ​ട്ട​ൺ ജെ​യിം​സി​ന്‍റെ ഹൃ​ദ്യ​മാ​യ കാ​ട​ക​ങ്ങ​ളാ​ണ് എ​ക്സ്പോ​ഷ​റി​ലെ​ത്തു​ന്ന​ത്. ടെ​ലി​വി​ഷ​ൻ പ​ര​മ്പ​ര​ക​ളി​ലൂ​ടെ ഉ​ൾ​കാ​ടു​ക​ളു​ടെ ക​ഥ പ​റ​ഞ്ഞ് ഉ​ൾ​ക്കി​ടി​ല​ങ്ങ​ൾ സൃ​ഷ്ടി​ച്ച പ്ര​തി​ഭ​യാ​ണ് ഇ​ദ്ദേ​ഹം.

അ​ന്താ​രാ​ഷ്ട്ര രം​ഗ​ത്ത് ച​ർ​ച്ച ചെ​യ്യ​പ്പെ​ട്ട ഫോ​ട്ടോ​ക​ൾ സ്വ​ന്ത​മാ​ക്കാ​നു​ള്ള സു​വ​ർ​ണ്ണാ​വ​സ​ര​വും എ​ക്‌​സ്‌​പോ​ഷ​ർ ഇ​ന്‍റ​ർ​നാ​ഷ​നൽ ഫോ​ട്ടോ​ഗ്ര​ഫി ഫെ​സ്റ്റി​വ​ലി​ന്‍റെ(​എ​ക്‌​സ്‌​പോ​ഷ​ർ 2024) എ​ട്ടാം പ​തി​പ്പി​ലെ ആ​ർ​ട്ട് സെ​യി​ലി​ന്‍റെ ഭാ​ഗ​മാ​യി ഒ​രു​ക്കി​യി​ട്ടു​ണ്ട്. എ​റി​ക് മി​യോ​ള​യു​ടെ ക്രോ​മാ​റ്റി​ക് സെ​ന്‍റി​മെ​ന്‍റ്സ് മു​ത​ൽ ഇ​യോ​ന്നി​സ് ഗ​ല​നോ​പൗ​ലോ​സ് പ​പ്പാ​വാ​സി​ലി​യോ​യു​ടെ വാ​സ്തു​വി​ദ്യാ ചി​ത്ര​ങ്ങ​ളും ജീ​ൻ-​പി​യ​റി ലാ​ഫോ​ണ്ടി​ന്‍റെ സൃ​ഷ്ടി​ക​ളും പ്ര​ദ​ർ​ശ​ന​ത്തി​ൽ ഉ​ൾ​പ്പെ​ടു​ന്നു.

ക​ലാ​കാ​ര​ന്മാ​രു​ടെ നേ​തൃ​ത്വ​ത്തി​ൽ പ്ര​ത്യേ​കം ക്യൂ​റേ​റ്റ് ചെ​യ്‌​ത ടൂ​റു​ക​ളി​ലൂ​ടെ വ്യ​ക്തി​ഗ​ത ഫോ​ട്ടോ​ഗ്രാ​ഫ​ർ​മാ​രു​ടെ സ​ർ​ഗാ​ത്മ​ക അ​ടു​ത്ത​റി​യാ​ൻ സ​ന്ദ​ർ​ശ​ക​ർ​ക്ക് സാ​ധി​ക്കും. ഈ ​എ​ക്‌​സ്‌​ക്ലൂ​സീ​വ് ടൂ​റു​ക​ൾ ക​ലാ​കാ​ര​ന്മാ​രു​ടെ പ്ര​ചോ​ദ​ന​ങ്ങ​ൾ, സ​ർ​ഗാ​ത്മ​ക പ്ര​ക്രി​യ​ക​ൾ, അ​വ​രു​ടെ ആ​ക​ർ​ഷ​ക​മാ​യ ഇ​മേ​ജ​റി​യി​ൽ കു​ടു​ങ്ങി​ക്കി​ട​ക്കു​ന്ന ക​ഥ​ക​ൾ എ​ന്നി​വ​യെ കു​റി​ച്ചു​ള്ള നേ​രി​ട്ടു​ള്ള ഉ​ൾ​ക്കാ​ഴ്ച​ക​ൾ നേ​ടാ​നു​ള്ള അ​പൂ​ർ​വ അ​വ​സ​രം ന​ൽ​കു​ന്നു.

ഇ​ന്ത്യ​യ​ട​ക്കം 190 രാ​ജ്യ​ങ്ങ​ളി​ൽ​നി​ന്ന് 25,000 അ​പേ​ക്ഷ​ക​ളാ​ണ് പ്ര​ദ​ർ​ശ​ന​ത്തി​നാ​യി ല​ഭി​ച്ചി​രി​ക്കു​ന്ന​തെ​ന്ന് ഷാ​ർ​ജ സ​ർ​ക്കാ​രി​ന്റെ മീ​ഡി​യാ ബ്യൂ​റോ ഡ​യ​റ​ക്ട​ർ ജ​ന​റ​ൽ താ​രി​ഖ് സ​യീ​ദ് പ​റ​ഞ്ഞു. സ്ട്രീ​റ്റ് ഫോ​ട്ടോ​ഗ്ര​ഫി വി​ഭാ​ഗ​ത്തി​ൽ 4,868 എ​ൻ​ട്രി​ക​ളും മൊ​ബൈ​ൽ ഫോ‌​ട്ടോ​ഗ്ര​ഫി​ലേ​ക്ക് 2,444 എ​ണ്ണ​വും ഡ്രോ​ൺ ഫോ​ട്ടോ​ഗ്ര​ഫി​യി​ലേ​ക്ക് 2,663 അ​പേ​ക്ഷ​ക​ളു​മാ​ണ് ല​ഭി​ച്ചി​രി​ക്കു​ന്ന​ത്.

60,000 ഡോ​ള​റാ​ണ് മൊ​ത്തം സ​മ്മാ​ന​ത്തു​ക. വ്യ​ക്തി​ഗ​ത വി​ഭാ​ഗ​ത്തി​ൽ ഒ​ന്നും ര​ണ്ടും സ്ഥാ​നം നേ​ടു​ന്ന​വ​ർ​ക്ക് യ​ഥാ​ക്ര​മം 3000, 1500 ഡോ​ള​റാ​ണ് സ​മ്മാ​നം. 18 വ​യ​സ്സി​ൽ താ​ഴെ​യു​ള്ള​വ​ർ​ക്കാ​യി ജൂ​നി​യ​ർ ഫോ​ട്ടോ​ഗ്ര​ഫി പു​ര​സ്കാ​ര​ങ്ങ​ളും ന​ൽ​കും. ഈ ​വി​ഭാ​ഗ​ത്തി​ലേ​ക്ക് 192 അ​പേ​ക്ഷ​ക​ൾ ല​ഭി​ച്ചി​ട്ടു​ണ്ട്.

ഫോ​ട്ടോ​ഗ്ര​ഫി​യു​ടെ വി​ശാ​ല​മാ​യ ലോ​ക​ത്തെ പ​രി​ച​യ​പ്പെ​ടു​ത്തു​ന്ന ശി​ല്പ​ശാ​ല​ക​ൾ, സെ​മി​നാ​റു​ക​ൾ, മ​ത്സ​ര​ങ്ങ​ൾ എ​ന്നി​വ​യും ന​ട​ക്കും. ഫോ​ട്ടോ പ്ര​ദ​ർ​ശ​ന​ത്തി​നും കാമ​റ​യും അ​നു​ബ​ന്ധ ഉ​പ​ക​ര​ണ​ങ്ങ​ളും പ​രി​ച​യ​പ്പെ​ടാ​നും വാ​ങ്ങാ​നും അ​വ​സ​ര​മു​ണ്ട്. പ്ര​ശ​സ്ത മോ​ഡ​ലു​ക​ൾ അ​ണി​നി​ര​ക്കു​ന്ന ഫോ​ട്ടോ ഷൂ​ട്ടു​ക​ളി​ൽ സ​ന്ദ​ർ​ശ​ക​ർ​ക്കും പ​ങ്കെ​ടു​ക്കാ​നു​ള്ള അ​വ​സ​ര​മു​ണ്ട്. പ്ര​വേ​ശ​ന​വും പാ​ർ​ക്കി​ങും സൗ​ജ​ന്യം.