രണ്ടു ദിവസം മുൻപ്​ നാട്ടിൽ നിന്നെത്തിയ യുവാവ്​ ദുബൈയിൽ നിര്യാതനായി

ദുബൈ: രണ്ട്​ ദിവസം മുൻപ്​ നാട്ടിൽ നിന്നെത്തിയ യുവാവ്​ ദുബൈയിൽ നിര്യാതനായി. വടകര താഴെയങ്ങാടി മുക്കോലഭാഗം ഉരുണിന്‍റവിട ശക്കീറാണ് (46)​ മരിച്ചത്​. ഹൃദയാഘാതമായിരുന്നു. മുൻപ്​ ജീപാസിൽ ജോലി ചെയ്തിരുന്ന ശക്കീർ ഇപ്പോൾ മറ്റൊരു കമ്പനിയിലാണ്​ ജോലി.

തിങ്കളാഴ്ച നാട്ടിൽ നിന്നെത്തിയ ശക്കീർ ബുധനാഴ്ച മുതൽ ജോലിക്ക്​ കയറാനിരിക്കെയാണ്​ മരണം. പിതാവ്​: അസൈനാർ. മാതാവ്​: ഐഷു. ഭാര്യ: അഷീറ. മക്കൾ: മുഹ്​സിൻ (ദുബൈ), ഷഹബാസ്​. മൃതദേഹം നാട്ടിലെത്തിച്ച്​ ഖബറടക്കും.