'യുവജനങ്ങളേ; ലോകത്തി​െൻറ ഭാവി നിങ്ങളുടെ കൈയിലാണ്​'

ദുബൈ: അന്താരാഷ്​ട്ര യുവജന ദിനത്തിൽ യുവത്വത്തിന്​​ ആശംസകളുമായി യു.എ.ഇ രാഷ്​ട്ര നേതാക്കൾ. ഭാവി നിങ്ങളുടെ കൈയിലാണെന്നും രാജ്യം നിങ്ങളിൽ വി​ശ്വാസം അർപ്പിക്കുന്നുവെന്നും യു.എ.ഇ​ വൈസ്​പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂം പറഞ്ഞു. നിങ്ങളുടെ സ്വപ്നങ്ങളും അഭിലാഷങ്ങളും നിറവേറ്റാനുള്ള ഇൻകുബേറ്ററായി യു.എ.ഇ തുടരും. നിങ്ങളുടെ കഴിവുകൾ സമർപ്പിക്കാനുള്ള ഏറ്റവും വലിയ പ്ലാറ്റ്ഫോമാണ്​ യു.എ.ഇയെന്നും അദ്ദേഹം കൂട്ടിചേർത്തു.

രാജ്യത്തി​െൻറ അഭിമാനകരമായ ചരിത്രം രൂപപ്പെടുത്തിയെടുത്തത്​ നമ്മുടെ യുവജനങ്ങളാണെന്ന്​ യു.എ.ഇ സായുധസേന ഡെപ്യൂട്ടി സുപ്രീം കമാൻഡറും അബൂദബി കിരീടാവകാശിയുമായ ശൈഖ്​ മുഹമ്മദ്​ ബിൻ സായിദ്​ ആൽ നഹ്​യാൻ പറഞ്ഞു. ഇന്നത്തെ നമ്മുടെ യുവജനങ്ങളാണ്​ നാളെ ലോകത്തെ മാറ്റിയെഴുതുന്നത്​. ഇൗ യുവജന ദിനത്തിൽ നമുക്ക്​ അവരുടെ കഴിവുകൾ ആഘോഷമാക്കാം. അവരുടെ വിജയത്തിന്​ ശക്​തിപകരാം. ശോഭനമായ ഭാവി കെട്ടിപ്പടുക്കാൻ അവരിൽ വിശ്വാസമർപ്പിക്ക​ാമെന്നും ശൈഖ്​ മുഹമ്മദ്​ ബിൻ സായിദ്​ ട്വീറ്റ്​ ചെയ്​തു. യുവജനദിനത്തിന്​ മുന്നോടിയായി എക്​സ്​പോ 2020യിൽ യൂത്ത്​ പവലിയ​െൻറ പ്രഖ്യാപനം ബുധനാഴ്​ച നടന്നിരുന്നു. യുവജനതക്ക്​ വേണ്ടി അവർ തന്നെ നിർമിക്കുന്ന പവലിയനാണ്​ അവതരിപ്പിച്ചത്​. ലോക യുവത്വത്തി​െൻറ സംഗമമൊരുക്കുന്ന രീതിയിലായിരിക്കും പവലിയ​െൻറ പ്രവർത്തനം.

ദുബൈ നഗരത്തിലൂടെ സൈക്കിൾ പ്രയാണം നടത്തിയാണ്​ ദുബൈ കിരീടാവകാശിയും എക്​സിക്യൂട്ടീവ്​ കൗൺസിൽ ചെയർമാനുമായ ശൈഖ്​ ഹംദാൻ ബിൻ മുഹമ്മദ്​ ബിൻ റാശിദ്​ ആൽ മക്​തൂം യുവജന ദിനത്തിന്​ ഐക്യദാർഡ്യം പ്രഖ്യാപിച്ചത്​.