അമിത വികൃതിയും ശ്രദ്ധക്കുറവും തിരിച്ചറിയാം

കുസൃതികൾ ഇല്ലാത്തൊരു കുട്ടിക്കാലം സങ്കൽപ്പിക്കാൻ പോലുമാകില്ല. അനിർവചനീയമായൊരു ആഹ്ലാദമാണ്​ കുരുന്നുകളു ടെ കുസൃതികൾ നൽകുന്നത്​. എന്നാൽ, ചില കുട്ടികളിൽ അപകടകരവും അനുയോജ്യവുമല്ലാത്തൊരു വികൃതിയിലേക്ക്​ കുസൃതികൾ വഴ ിമാറാറുണ്ട്​.

കുട്ടിക്കാലത്താണ്​ കുസൃതിക്കും വികൃതിക്കും ഇടയിലുള്ള ഇൗ അതിർവരമ്പ്​ ലംഘിക്കപ്പെടുക. ADHD (Attentio n Deficit Hyper activity Disorder) എന്ന അമിത വികൃതിയും ശ്രദ്ധക്കുറവും ചേർന്ന പെരുമാറ്റ പ്രശ്​നമാണിത്​. കുട്ടികളിൽ ഏറ്റവുമധികം കണ്ട ുവരുന്ന പെരുമാറ്റ പ്രശ്​നവുമിതാണ്​. ആൺകുട്ടികളിൽ പെൺകുട്ടികളെ അപേക്ഷിച്ച്​ ADHD കൂടുതലായി കാണുന്നു. ​ശ്രദ്ധയോ ടെ ചികിത്സ തേടേണ്ട ഒരവസ്​ഥയാണിത്​. നടന്ന്​ തുടങ്ങുന്ന പ്രായത്തിൽത​െന്ന അമിത വികൃതിയുള്ള കുട്ടികളിൽ ചില ലക്ഷണ ങ്ങൾ കാണാറുണ്ട്​. അമിത വേഗത്തിൽ ഒാടുക, ദേഷ്യം കാണിക്കുക, അമിത വർത്തമാനം, ​വിശ്രമിക്കു​േമ്പാഴും ശരീരഭാഗങ്ങൾ ചലി പ്പിച്ചുകൊണ്ടിരിക്കുക ഇവയൊക്കെ തുടക്കത്തിൽ പ്രകടമാവാം.

ADHD എങ്ങനെ തിരിച്ചറിയാം ?
രോഗ ലക്ഷണങ്ങളെ അമിത വികൃതി, ശ്രദ ്ധക്കുറവ്​, എടുത്തുചാട്ടം എന്നിങ്ങനെ മൂന്നായി തിരിക്കാം.
അമിത വികൃതി

• ക്ലാസിലും വീട്ടിലും അധിക നേരം തുടർച്ചയായി ഇരിക്കാൻ കഴിയാതെ ഒാടി നടക്കുക
• എപ്പോഴും അസ്വസ്​ഥനായിരിക്കുക
• തുടർച്ചയായതും അലക്ഷ് യ സ്വഭാവമുള്ളതുമായ ശരീര ചലനങ്ങൾ
• അമിത വേഗത്തിലുള്ള സംസാരം, പ്രവൃത്തി
• വളരെ ഉയരത്തിൽനിന്ന്​ താഴേക്ക്​ ച ാടുക
• അപകടകരമായ കളികളിൽ ഏർപ്പെടുക
• വേഗത്തിൽ മരംകയറുക
• എ​പ്പോഴും ബഹളസ്വഭാവം കാട്ടുക

ശ്രദ് ധക്കുറവ്​

• തുടർച്ചയായ ശ്രദ്ധ ആവശ്യമുള്ള ​േജാലികളിൽനിന്ന്​ ഒഴിഞ്ഞുമാറാൻ ശ്രമിക്കുക
• സ്വന്തമായി ആസൂത്രണം ചെയ്​ത്​ ജോലി ചെയ്യാൻ കഴിയാതിരിക്കുക
• പേന, പെൻസിൽ,പുസ്​തകം ഇവ സ്​ഥിരമായി നഷ്​ടപ്പെടുത്തുക
• പാഠ്യവിഷയങ്ങൾ വേഗം മറന്നുപോവുക
• രക്ഷിതാക്കളും അധ്യാപകരും നൽകുന്ന നിർദേശങ്ങൾ ശ്രദ്ധിക്കാതെയിരിക്കുക
• ജോലികൾ പൂർത്തിയാക്കാതെ പകുതിവഴിയിൽ ഉ​േപക്ഷിക്കുക
• തുടർശ്രദ്ധ ആവശ്യമുള്ള ഗൃഹപാഠങ്ങളും കളികളും ഒഴിവാക്കുക
• ചെറിയ ശബ്​ദം കേൾക്കു​േമ്പാൾ പോലും പഠനത്തിൽനിന്ന്​ ശ്രദ്ധ മാറുക
• മറവി കൂടുക

എടുത്തുചാട്ടം

• ചോദ്യം കേട്ടു തീരുംമു​േമ്പ മറുപടി പറയുക
• ക്യൂവിലും മറ്റും കാത്തുനിൽക്കാൻ കഴിയാതെ വരുക
• മറ്റുള്ളവരെ സംസാരിക്കാൻ അനുവദിക്കാതെ ഇടയ്​ക്ക്​ കയറി പറഞ്ഞുകൊണ്ടിരിക്കുക
• ആവശ്യപ്പെട്ടത്​ ഉടൻ സാധിക്കാതെവരു​േമ്പാൾ ദേഷ്യപ്പെട്ട്​ സാധനം വലിച്ചെറിയുക
• കാത്തുനിൽക്കാൻ ക്ഷമയില്ലാതെ റോഡ്​ മുറിച്ചുകടക്കു​േമ്പാൾ ഒാടുക

ഇത്തരം കുട്ടികൾ ടി.വിക്ക്​ മുന്നിൽ കാർട്ടൂൺ കണ്ടും മൊബൈലിൽ ഗെയിം കളിച്ചും കമ്പ്യൂട്ടറിൽ ചിത്രങ്ങൾ കണ്ടും ദീർഘനേരം ഇരുന്നെന്നു വരാം. നിരന്തര ശ്രദ്ധ ആവശ്യമില്ലാത്ത പ്രവൃത്തികളായതുകൊണ്ടാണ്​ അവർ ഇത്​ ഇഷ്​ടപ്പെടുക.

രോഗ നിർണയം എങ്ങനെ ?
ശ്രദ്ധക്കുറവ്​ കൂടുതലു​ള്ള ADHD, അമിത വികൃതിയും എടുത്തുചാട്ടവും കൂടുതലുള്ള ADHD, മൂന്ന്​ ഗ്രൂപ്പ്​ ലക്ഷണങ്ങളും ചേർന്ന ADHD എന്നിങ്ങനെ മൂന്നായി ADHDയെ തരംതിരിക്കാറുണ്ട്​. സാമൂഹിക സാഹചര്യങ്ങൾ, വീട്​, സ്​കൂൾ, കളിസ്​ഥലം തുടങ്ങിയവയിൽ ഏതെങ്കിലും രണ്ടിടങ്ങളിലെങ്കിലും മേൽപറഞ്ഞ ലക്ഷണങ്ങളോടെ പെരുമാറ്റ വൈകല്യം തുടർച്ചയായി ആറു മാസക്കാലമെങ്കിലും പ്രകടമാക്കുന്നുവെങ്കിൽ അടിയന്തരമായി ചികിത്സ തേടേണ്ടതാണ്​.
കാഴ്​ച, കേൾവി പ്രശ്​നങ്ങളുള്ളവർ, ചിലയിനം അപസ്​മാരം, പഠനവൈകല്യമുള്ളവർ, പീഡനങ്ങൾക്കിരയായ കുട്ടി തുടങ്ങിയ കുട്ടികളും ADHDക്ക്​ സമാനമായ ചില ലക്ഷണങ്ങൾ കാണിക്കാറുണ്ട്​. പ്രശ്​നങ്ങൾക്ക്​ പരിഹാരം കാണുന്നതിലൂടെ ഇവരിൽ ലക്ഷണങ്ങളും അപ്രത്യക്ഷമാകാറുണ്ട്​.

കാരണങ്ങൾ
മസ്​തിഷ്​ക സവിശേഷതകൾ, പാരമ്പര്യം, മസ്​തിഷ്​ക കാണ്​ഡത്തി​​​െൻറ തകരാറുകൾ, തലച്ചോറിലെ കോശങ്ങൾക്കിടയിൽ ആശയവിനിമയം സാധ്യമാക്കുന്ന രാസവസ്​തുക്കളുടെ ഏറ്റക്കുറച്ചിൽ, തലക്കേൽക്കുന്ന പരിക്കുകൾ, ഗൾഭകാലത്തെ പോഷകക്കുറവ്​, അനാരോഗ്യം, പുകവലി, മദ്യപാനം തുടങ്ങിയ പ്രശ്​നങ്ങൾ ADHDയ്​ക്കിടയാക്കാറുണ്ട്​. മാതാപിതാക്കൾ തമ്മിലുള്ള അടുപ്പക്കുറവ്​, വഴക്ക്​, രക്ഷിതാക്കളിൽനിന്നുള്ള ഗാർഹിക പീഡനം, അച്ചടക്കമില്ലാതെ വളർത്തുന്ന കുട്ടികൾ ഇവരിലും അമിത വികൃതിയും ശ്രദ്ധക്കുറവും കൂടുതലായിരിക്കം. വളരുന്ന സാഹചര്യങ്ങൾക്കും പ്രധാന പങ്കുണ്ട്​. മദ്യപാനം, അക്രമവാസന ഇവയുള്ള സാഹചര്യങ്ങളിൽ വളരുന്ന കുട്ടികളിൽ അമിത വികൃതിയും ശ്രുദ്ധക്കുറവും ഉണ്ടാവാറുണ്ട്​.

പരിഹാരങ്ങൾ
ഒൗഷധ ചികിത്സയും പെരുമാറ്റ ചികിത്സയും അമിത വികൃതിയും ശ്രദ്ധക്കുറവും പരിഹരിക്കാൻ നൽകേണ്ടതുണ്ട്​. പരിശീലനത്തിലൂടെ കുട്ടികൾക്ക്​ മികച്ച രീതിയിൽ സാമൂഹിക ഇടപെടൽ നടത്താൻ സാധിക്കും. അവരുടെ നേട്ടങ്ങളിൽ പ്രോത്സാഹനം നൽകുന്നതോടൊപ്പം അച്​ഛനമ്മമാർക്കും പരിശീലനം നൽകണം. ഒപ്പം കുട്ടികൾക്ക്​ നല്ല സൗഹൃദം സ്​ഥാപിക്കുന്നതിനുള്ള കഴിവുകളും വളർത്തിയെടുക്കണം. കൂടാതെ അടിയോ ശാസനയോ ഒന്നും ഇതിനു പരിഹാരമല്ല എന്നും അറിയേണ്ടതുണ്ട്​.

ഒൗഷധങ്ങൾക്കൊപ്പം നസ്യം,അഭ്യംഗം, ശിരോധാര, ശിരോവസ്​തി, പിചു ഇവയും നല്ല ഫലംതരും. സൂര്യനമസ്​കാരം, പ്രാണായാമം, ധ്യാനം ഇവയും പരിശീലിപ്പിക്കണം. ഉറങ്ങുന്നതിനും ഉണരുന്നതിനും കൃത്യസമയം പാലിക്കുക, 8-9 മണിക്കൂർ ഉറങ്ങാൻ അനുവദിക്കുക ഇവയും പ്രധാനമാണ്​. പയർ, പച്ചക്കറി, മുഴുധാന്യങ്ങൾ, പശുവിൻ നെയ്യ്​, പരിപ്പ്​ ഉയുൾപ്പെടെ ഭക്ഷണം നൽകാൻ ശ്രദ്ധിക്കണം. എന്നാൽ കൃ​ത്രിമ നിറവും ഉപ്പും ചേർത്ത ഭക്ഷണം പൂർണമായും ഒഴിവാക്കുകയും വേണം.

കുട്ടിക്കാലത്ത്​ ചികിത്സിക്കപ്പെടാതെപോകുന്ന അമിത വികൃതിക്കാർ ലഹരിവലയത്തിലേക്കും കുറ്റകൃത്യങ്ങളിലേക്കുമെല്ലാം എത്തിപ്പെടാൻ സാധ്യതയുള്ളതിനാൽ കൃത്യസമയത്തുതന്നെ ചികിത്സ നൽകാൻ രക്ഷിതാക്കൾ ശ്രദ്ധി​േക്കണ്ടതാണ്​. ചികിത്സാവേളയിൽ പഠനം മെച്ചപ്പെടുത്തുന്നതോടൊപ്പം സംസാരം സാവധാനമാക്കാനും ഉച്ചാരണശുദ്ധി മെച്ചപ്പെടുത്താനും കണ്ണിൽ നോക്കി സംസാരിക്കാനും സാമുഹികമായി ഇടപെടാനുമുള്ള കഴിവുകൾ വളർത്താനുള്ള പരിശീലനങ്ങളും നൽകണം. രക്ഷിതാക്കളുടേയും അധ്യാപകരുടേയും പൂർണ്ണമായ സഹകരണം ചികിത്​സയുടെ വിജയത്തിന്​ അനിവാര്യമാണ്​.

ഡോ. ​പ്രിയ ദേവദത്ത്​
കോട്ടക്കൽ ആര്യവൈദ്യശാല
മാന്നാർ
drpriyamannar@gmail.com