കർക്കടകത്തിൽ ദേഹബലം നേടാനുള്ള ഭക്ഷണങ്ങൾ...

ആഹാരത്തെ ഒൗഷധമാക്കുക എന്ന ചികിത്സാനയം വളരെക്കാലം മുമ്പുതന്നെ കേരളത്തിൽ പ്രചാരത്തിലുണ്ടായിരുന്നു​. കർക്കടക ത്തിൽ പെയ്​ത്​ നിറയുന്ന മഴക്കൊപ്പം രോഗപ്രതിരോധശേഷിയും ഉണർവും ഉന്മേഷവും നേടാനുള്ള ചര്യകളാണ്​ ആയുർവേദം നി ർദേശിക്കുന്നത്​. ചുരുക്കത്തിൽ ശരീരബലമില്ലാത്തവർക്ക്​ പ്രതിരോധശേഷിയും ബലമുള്ളവർക്ക്​ അത്​ നിലനിർത്താനുമു ള്ള വഴികൾ ലളിതമായി വീട്ടിൽതന്നെ ചെയ്യാനാകുന്നു.

ശരീരവും മനസ്സും ആരോഗ്യ​ത്തോടെ നിലനിർത്തുന്നതിൽ ആഹാര ത്തിന്​ സുപ്രധാനമായ പങ്കാണുള്ളത്​. ഋതുഭേദങ്ങൾക്കനുസരിച്ച്​ കഴിക്കേണ്ട ഭക്ഷണങ്ങൾക്കും വ്യത്യാസമുണ്ട്​. രോഗ ങ്ങളിൽ നിന്ന്​ സംരക്ഷണം ലഭിക്കുമെന്നതിന്​ പുറമെ ശരീരബലം, വർണം, പുഷ്​ടി ഇവയും ഇത്തരം ആഹാര ഒൗഷധ സംസ്​കാരത്തിലൂട െ നമുക്ക്​ നേടാനാകും.

ആഹാരം തന്നെ ഒൗഷധമാക്കി കർക്കടകത്തിൽ ദേഹരക്ഷക്കായി പ്രയോജനപ്പെടുത്താം. മുക്കുടി, സൂപ്പ്​, ഒൗഷധക്കഞ്ഞികൾ, പത്തിലക്കറി, തവിടപ്പം ഇവ കർക്കിടകത്തിൽ ഏറെ അനുയോജ്യമാണ്​.

മുക്കുടി

ദഹന രസങ്ങളെ ഉദ്ദീപിപ്പിക്കാനും വയറിനെ ശുദ്ധമാക്കാനും ഉത്തമമാണ്​ മുക്കുടി. ചുക്ക്​, ജീരകം, ആയമോദകം, കുരുമുളക്​, പു ളിയാരില, കുടകപ്പാലയരി, ​െകാത്തമല്ലി ഇവ അരച്ച്​ ഒരു ഗ്ലാസ്​ മോരിൽ കലക്കി തിളപ്പിച്ച്​ പതയു​േമ്പാൾ മഞ്ഞൾപ്പൊ ടിയും ഉപ്പും ചേർത്ത്​ രാവിലെ കഴിക്കാം.

കരുത്തേകും സൂപ്പുകൾ

മാംസ സൂപ്പ്​:

ശരീരം ക്ഷീണിക്കൽ, അസ് ​ഥിക്ഷയം ഇവ പരിഹരിക്കാൻ ആട്ടിൻസൂപ്പ്​ ഗുണകരമാണ്​. മഴക്കാലത്ത്​ മാസത്തിൽ മൂന്നു തവണ ഉപയോഗിക്കാം. അമിതരക്​ത സ മ്മർദം, അമിത കൊളസ്​ട്രോൾ ഇവയുള്ളവർ ഉപയോഗം പരിമിതപ്പെടുത്തണം. വട്ടക്കുറുന്തോട്ടി, കരിങ്കുറുഞ്ഞി, പുത്തരിച്ചുണ്ട ഇവയുടെ വേരിൻമേൽത്തൊലി, ദേവതാരം, ചുവന്നരത്ത ഇവയുടെ നേർത്ത കഷായത്തിൽ ആട്ടിൻ മാംസവും ചേർത്ത്​ ചെറുതീയിൽ പാകപ്പെടുത്താം. ഇതിൽ ചുവന്നുള്ളി വെളിച്ചെണ്ണയിൽ മൂപ്പിച്ച്​ ഉപ്പും കുരുമുളകും ചേർത്തുപയോഗിക്കണം.

ചെറുപയർ സൂപ്പ്​: ദഹനശക്​തിയെ വർധിപ്പിക്കുന്ന സൂപ്പുകളിൽ പ്രധാനമാണ്​ ചെറുപയർ സൂപ്പ്​. മഴക്കാലത്ത്​ നിത്യവും കഴിക്കാം. എല്ലാക്കാലങ്ങളിലും ചെറുപയർ സൂപ്പ്​ ഉപയോഗിക്കാം. 60 ​ഗ്രാം ചെറുപയർ ഒരു ലിറ്റർ വെള്ളത്തിൽ കഷായംവെച്ച്​ അരിച്ചെടുത്തതിൽ ഇന്തുപ്പ്​, മല്ലി, ചുക്ക്​ ഇവ അഞ്ച്​ ഗ്രാം വീതം പൊടിച്ച്​ ചേർത്ത്​ കുറച്ച്​ മാതള നാരങ്ങനീരും ചേർത്ത്​ കറിവേപ്പിലയും ചുവന്നുള്ളിയും താളിച്ചുപയോഗിക്കുക.

കഞ്ഞി മരുന്നാണ്​

ചോറിനേക്കാൾ എളുപ്പം ദഹിക്കുന്ന വിഭവമായ കഞ്ഞിക്ക്​ കേരളീയ ഭക്ഷണക്രമത്തിൽ പണ്ടുമുതലേ പ്രമുഖസ്​ഥാനം ഉണ്ടായിരുന്നു. വറ്റ്​ കുറഞ്ഞ്​ വെള്ളം കൂടിയ 'പേയ' എന്നറിയപ്പെടുന്ന കഞ്ഞിയാണ്​ ദഹിക്കാൻ കൂടുതലെളുപ്പം. കഞ്ഞി, മരുന്ന്​ കൂടിചേർത്തുവെക്കു​േമ്പാൾ ആഹാരം ഒൗഷധമായി മാറുന്നു.

നവരയരിയോ ഉണക്കലരിയോ 100ഗ്രാം വീതം വെള്ളത്തിലിടുക. ഒപ്പം 10 ഗ്രാം വീതം കരിപ്പെട്ടി ജീരകം, ചുക്ക്​, ഉലുവ ഇവ പൊടിച്ച്​ ചേർക്കുക. അഞ്ച്​ ഗ്രാം എള്ളുകൂടി ചേർത്ത്​ കഞ്ഞി വേവിക്കുക. വെന്ത്​ കഴിഞ്ഞാൽ തേങ്ങാപ്പാലും ഉപ്പും ചേർത്ത്​ കഴിക്കുക.

പ്രമേഹരോഗിക്ക്​ ബലമേകാൻ

100 ഗ്രാം നുറുക്ക്​ ഗോതമ്പിൽ 10 ഗ്രാം ഉലുവയും 5 ഗ്രാം വീതം പെരുംജീരകം, ഇഞ്ചി, മഞ്ഞൾ, വെളുത്തുള്ളി ഇവയും ചതച്ചിട്ട്​ കഞ്ഞി കഴിക്കുന്നത്​ പ്രമേഹരോഗിയുടെ ക്ഷീണമകറ്റി ബലമേകും.

ലളിതമായ ഉലുവക്കഞ്ഞി

തലേന്ന്​ കുതിർത്ത 50 ഗ്രാം ഉലുവ 100 ഗ്രാം നവരയരിയും ചേർത്ത്​ വേവിക്കുക. നാളികേരവും ശർക്കരയും ചേർത്ത്​ കഴിക്കുക.

വേദനയകറ്റാൻ തവിടപ്പം

കർക്കിടകത്തിൽ തവിടപ്പം കഴിക്കുന്നത്​ വളരെക്കാലം മുതൽ പ്രചാരത്തിലുള്ളതാണ്​. തവിട്​ കുഴച്ച്​ വാഴയിലയിൽ നേർമയായി പരത്തി അതില ശർക്കര, തേങ്ങചിരവിയത്​, ജീരകം, ചുക്ക്​ പൊടിച്ചത്​, ഏലത്തരി ഇവ വിതറി അടപോലെ വേവിച്ചെടുക്കാം. ജീവകം ബി, ഇ, ഫെറുലിക്​ ആസിഡ്​ തുടങ്ങിയവ പോഷക ഘടകങ്ങളാൽ സമ്പന്നമാണ്​ തവിട്​.

രോഗങ്ങളെ അകറ്റാൻ രസായനങ്ങൾ

രോഗപ്രതിരോധം, ആരോഗ്യം, ദീർഘായുസ്സ്​, മങ്ങലേൽക്കാത്ത ഒാർമശക്​തി, അവശതകളില്ലാത്ത വാർധക്യം, ഇവയെല്ലാം രസായനഷൗധങ്ങൾ കഴിക്കുന്നിലൂടെ കൈവരിക്കാനാകും. ച്യവനപ്രാശം, ബ്രഹ്​മരസായനം, അജാശ്വഗന്ധാദിലേഹ്യം ഇവയിലേതെങ്കിലും ഒന്ന്​ നിത്യവും കഴിക്കുന്നത്​ നല്ല ഫലം നൽകും. നിത്യവും രാവിലെ 20 ഗ്രാം എള്ള്​ ചവച്ചിറക്കി അതിന്​ മീതെ തിളപ്പിച്ചാറിയ തണുത്ത വെള്ളം കുടിക്കുന്നത്​ രസായന ഗുണത്തെ നൽകാറുണ്ട്​.

മഴക്കാലം - ഭക്ഷണം കരുതലോടെ

വർഷക്കാലത്ത്​ ദഹനശക്​തി വർധിപ്പിച്ച്​ അതിലൂ​െട രോഗപ്രതിരോധം നേടാനാവുന്ന രീതിയിലുള്ള ലഘുവായ ഭക്ഷണങ്ങളാണ്​ ഉചിതം. നെയ്യുണ്ണി, താള്​, തകര, കുമ്പളം, മത്തൻ, വെള്ളരി, മുള്ളൻചീര, ആനക്കൊടിത്തൂവ, ചീര, ചേമ്പില ഇവയുടെ ഇലകളാണ്​ പത്തിലകൾ. ധാരാളം ജീവകങ്ങളുടെയും ധാതുലവണങ്ങളുടെയും കലവറയാണിവ.

- കർക്കിടകത്തിലെ ആരോഗ്യ സംരക്ഷണത്തിന്​ പത്തിലകൾ ചേർത്ത്​ ​േതാരനാക്കി കഴിക്കാറുണ്ട്​.

- ഇടവേളകളിൽ വെണ്ണനീക്കിയ മോര്​, പച്ചക്കറി സൂപ്പുകൾ, പഴച്ചാറുകൾ ഇവ കഴിക്കാം.

- ചുക്കും മല്ലിയും ജീരകവും ചേർത്ത്​ വെന്ത വെള്ളം ദഹനത്തെ എളുപ്പമാക്കും.

- ഗോതമ്പ്​, ചെറുപയർ, നെല്ലിക്ക, പാവക്ക, ചെന്നെല്ല്​, കോവക്ക, വാഴക്കൂമ്പ്​, മുരിങ്ങക്ക, കോഴിയിറച്ചി, ആട്ടിറച്ചി, ചെറുമത്സ്യങ്ങൾ ഇവ മഴക്കാലത്ത്​ ഭക്ഷണത്തിൽപെടുത്താം.