ദു​ബൈ ഫി​റ്റ്​​ന​സ്​ ചാ​ല​ഞ്ചി​ന്​ തു​ട​ക്ക​മാ​യി...

ദു​ബൈ ഒ​രു തു​റ​ന്ന ‘ജി​മ്മാ’​യി മാ​റു​ക​യാ​ണ്.ആ​രോ​ഗ്യ​ത്തെ കു​റി​ച്ചും ഫി​റ്റ്​​ന​സി​നെ കു​റി​ച്ചും ഒ​രു ജ​ന​ത മു​ഴു​വ​ൻ സം​സാ​രി​ക്കു​ക​യും വ്യാ​യാ​മം ശീ​ല​മാ​ക്കു​ക​യും ചെ​യ്യു​ന്ന ഒ​രു മാ​സ​ക്കാ​ലം. ലോ​ക​ത്ത്​ അ​തു​ല്യ​മാ​യ ‘ദു​ബൈ ഫി​റ്റ്​​ന​സ്​ ചാ​ല​ഞ്ചെ’​ന്ന മ​ഹാ ഫി​റ്റ്​​ന​സ്​ മാ​മാ​ങ്ക​ത്തി​ന്‍റെ വി​ശേ​ഷ​ങ്ങ​ള​റി​യാം...

ദു​ബൈ ന​ഗ​രം മു​ഴു​വ​ൻ ഫി​റ്റ്​​ന​സ്​ ആ​ര​വ​ങ്ങ​ളി​ലേ​ക്ക്​ പ്ര​വേ​ശി​ക്കു​ന്ന ദു​ബൈ ഫി​റ്റ്​​ന​സ്​ ചാ​ല​ഞ്ചി​ന്​ തു​ട​ക്ക​മാ​യി. ആ​രോ​ഗ്യ സം​ര​ക്ഷ​ണ​ത്തി​ന്‍റെ പ്ര​ധാ​ന്യം ബോ​ധ്യ​പ്പെ​ടു​ത്തു​ക മാ​ത്ര​മ​ല്ല, ദി​നേ​ന വ്യാ​യാ​മം ചെ​യ്യു​ന്ന​ത്​ ജീ​വി​ത​ശീ​ല​മാ​ക്കു​ന്ന​തി​ന്​ സ​ഹാ​യി​ക്കു​ന്ന​ത്​ കൂ​ടി​യാ​ണ്​ 30ദി​വ​സം നീ​ളു​ന്ന പ​രി​പാ​ടി. ചൂ​ടു​കാ​ലം മാ​റി ത​ണു​പ്പു​കാ​ല​ത്തേ​ക്ക്​ പ്ര​വേ​ശി​ക്കു​ന്ന സ​മ​യ​ത്തെ ചാ​ല​ഞ്ച്​ ദു​ബൈ​യു​ടെ മ​നോ​ഹ​ര​മാ​യ പ്ര​കൃ​തി​യെ ആ​സ്വ​ദി​ക്കാ​നു​ള്ള അ​വ​സ​രം കൂ​ടി​യാ​ണ്​ ഒ​രു​ക്കു​ന്ന​ത്.

ശ​നി​യാ​ഴ്ച ആ​രം​ഭി​ച്ച ചാ​ല​ഞ്ചി​ന്‍റെ ഏ​ഴാം എ​ഡി​ഷ​ൻ ന​വം​ബ​ർ 26വ​രെ​യാ​ണ്​ നീ​ണ്ടു​നി​ൽ​ക്കു​ന്ന​ത്. ആ​രോ​ഗ്യ​ക​ര​മാ​യ ജീ​വി​ത​ശൈ​ലി പ്രോ​ൽ​സാ​ഹി​പ്പി​ക്കു​ക എ​ന്ന ല​ക്ഷ്യ​ത്തോ​ടെ ദു​ബൈ കി​രീ​ടാ​വ​കാ​ശി​യും എ​ക്​​സി​ക്യൂ​ട്ടീ​വ്​ കൗ​ൺ​സി​ൽ ചെ​യ​ർ​മാ​നു​മാ​യ ശൈ​ഖ്​ ഹം​ദാ​ൻ ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം 2017ൽ ​ആ​രം​ഭി​ച്ച സം​രം​ഭ​മാ​ണി​ത്. ഒ​രു മാ​സ​ക്കാ​ലം എ​ല്ലാ ദി​വ​സ​വും 30മി​നു​റ്റ്​ സ​മ​യം വ്യാ​യാ​മ​ത്തി​ന്​ ഒ​ഴി​ഞ്ഞു​വെ​ക്കു​ക​യാ​ണ്​ ച​ല​ഞ്ചി​ൽ പ​ങ്കെ​ടു​ക്കു​ന്ന​വ​ർ ചെ​യ്യേ​ണ്ട​ത്. ഈ ​കാ​ല​യ​ള​വി​നി​ട​യി​ൽ വ്യ​ത്യ​സ്ത​ങ്ങ​ളാ​യ പ​രി​പാ​ടി​ക​ളും സം​ഘ​ടി​പ്പി​ക്കും. ന​ട​ത്തം, ടീം ​സ്​​പോ​ർ​ട്​​സ്, പാ​ഡ്​​ൽ ബോ​ർ​ഡി​ങ്, ഗ്രൂ​പ്പ്​ ഫി​റ്റ്​​ന​സ്​ ക്ലാ​സു​ക​ൾ, ഫു​ട്​​ബാ​ൾ, യോ​ഗ, സൈ​ക്ലി​ങ്​ തു​ട​ങ്ങി​യ​വ ഇ​തി​ന്‍റെ ഭാ​ഗ​മാ​യി ന​ട​ത്ത​പ്പെ​ടും. ജീ​വി​ക്കാ​നും ജോ​ലി ചെ​യ്യാ​നും സ​ന്ദ​ർ​ശി​ക്കാ​നും ഏ​റ്റ​വും മി​ക​ച്ച സ്ഥ​ല​മെ​ന്ന നി​ല​യി​ൽ ദു​ബൈ​യു​ടെ പ​ദ​വി ഉ​യ​ർ​ത്തു​ന്ന ല​ക്ഷ്യ​ത്തി​ന്‍റെ ഭാ​ഗ​മാ​യാ​ണ്​ പ​ദ്ധ​തി ന​ട​പ്പി​ലാ​ക്കു​ന്ന​ത്. www.dubaifitnesschallenge.com എ​ന്ന വെ​ബ്‌​സൈ​റ്റി​ൽ ര​ജി​സ്​​റ്റ​ർ ചെ​യ്താ​ണ്​ പ​രി​പാ​ടി​യു​ടെ ഭാ​ഗ​മാ​കേ​ണ്ട​ത്.

ക​ഴി​ഞ്ഞ വ​ർ​ഷ​ങ്ങ​ളി​ൽ ദു​ബൈ ഒ​ന്ന​ട​ങ്കം ഏ​റ്റെ​ടു​ത്ത ചാ​ല​ഞ്ചി​ൽ ഇ​ത്ത​വ​ണ കൂ​ടു​ത​ൽ പേ​ർ പ​​ങ്കെ​ടു​ക്കു​മെ​ന്നാ​ണ്​ ക​രു​ത​പ്പെ​ടു​ന്ന​ത്. ചാ​ല​ഞ്ചി​ന്‍റെ ഭാ​ഗ​മാ​യ വ​ൻ പ​രി​പാ​ടി​ക​ളാ​യ ദു​ബൈ റൈ​ഡ്, ദു​ബൈ റ​ൺ എ​ന്നി​വ​യും ഇ​ത്ത​വ​ണ​യും ഗം​ഭീ​ര​മാ​യി ഒ​രു​ക്കു​ന്നു​ണ്ട്​. ദു​ബൈ ഫി​റ്റ്ന​സ് ച​ല​ഞ്ചി​ന് സ​മാ​പ​നം കു​റി​ച്ചാ​ണ്​ ദു​ബൈ റ​ൺ ഒ​രു​ക്കാ​റു​ള്ള​ത്. പ​ല കു​ടും​ബ​ങ്ങ​ളും ഒ​ന്നി​ച്ച് പ​രി​ശീ​ല​നം ന​ട​ത്തി, ഒ​രു​മി​ച്ചോ​ടി ദു​ബൈ റ​ണ്ണി​​ന്‍റെ ഭാ​ഗ​മാ​കാ​നു​ള്ള ശ്ര​മം ചാ​ല​ഞ്ചി​ന്‍റെ തു​ട​ക്കം മു​ത​ൽ ആ​രം​ഭി​ക്കാ​റു​ണ്ട്. ദു​ബൈ ഫി​റ്റ്​​ന​സ്​ ചാ​ല​ഞ്ചി​ന്‍റെ ഇ​ത്ത​വ​ണ​ത്തെ പ്ര​ത്യേ​ക​ത​ക​ളാ​യി ​സ്​​കൈ​പൂ​ൾ ത്ത്രൈ്​​ല​ൺ, സ്റ്റാ​ൻ​ഡ്​ അ​പ്പ്​ പെ​ഡ​ൽ ചാ​ല​ഞ്ച്​ എ​ന്നി​വ​യും ഒ​രു​ങ്ങു​ന്നു​ണ്ട്.

കു​​റ​​ഞ്ഞ സ​​മ​​യ​​ത്തി​​നു​​ള്ളി​​ൽ ല​​ളി​​ത​​മാ​​യി ചെ​​യ്യാ​​നാ​​വു​​ന്ന വ്യാ​​യാ​മ​​ങ്ങ​​ൾ ശീ​​ല​​മാ​​ക്കു​​ന്ന​​തോ​​ടെ ജീ​​വി​​ത​​ശൈ​​ലി രോ​​ഗ​​ങ്ങ​​ളെ പ​​മ്പ​ക​​ട​​ത്തി, ആ​​രോ​​ഗ്യ​​പ്ര​​ദ​​വും സ​​ന്തോ​​ഷം നി​​റ​​ഞ്ഞ​​തു​​മാ​​യ ജീ​​വി​​തം എ​​ല്ലാ​​വ​​ർ​​ക്കു​​മെ​​ന്ന സ​​ന്ദേ​​ശ​​മാ​​ണ് പ​​ങ്കാ​​ളി​​ത്തം​കൊ​​ണ്ട്​ ശ്ര​​ദ്ധേ​​യ​​മാ​​യ ഫി​​റ്റ്ന​​സ് ച​​ല​​ഞ്ച് പ​​ങ്കു​​വെ​​ക്കു​​ന്ന​​ത്.

ഫി​റ്റ്​​ന​സ്​ വി​ല്ലേ​ജു​ക​ൾ

ഇ​ത്ത​വ​ണ ഫി​റ്റ്​​ന​സ്​ ചാ​ല​ഞ്ചി​നോ​ട​നു​ബ​ന്ധി​ച്ച്​ മൂ​ന്ന്​ ഫി​റ്റ്​​ന​സ്​ വി​ല്ലേ​ജു​ക​ളാ​ണ്​ ഇ​ത്ത​വ​ണ ഒ​രു​ക്കി​യി​ട്ടു​ള്ള​ത്. ഇ​വി​ടെ സൗ​ജ​ന്യ ക്ലാ​സു​ക​ളും ആ​ക്ടി​വി​റ്റി​ക​ളും മ​റ്റു പ്ര​വ​ർ​ത്ത​ന​ങ്ങ​ളും അ​ര​ങ്ങേ​റും. കൈ​റ്റ്​ ബീ​ച്ച്, മു​ഷ്​​രി​ഫ്​ പാ​ർ​ക്ക്, വ​ൺ സെ​ൻ​ട്ര​ൽ എ​ന്നി​വി​ട​ങ്ങ​ളി​ലാ​യാ​ണ്​ വി​ല്ലേ​ജു​ക​ൾ ഒ​രു​ക്കി​യി​ട്ടു​ള്ള​ത്. വി​ല്ലേ​ജു​ക​ൾ​ക്ക്​ പു​റ​ത്തും നി​ര​വ​ധി സൗ​ജ​ന്യ ഫി​റ്റ്​​ന​സ്​ ക്ലാ​സു​ക​ളും പ​രി​പാ​ടി​ക​ളും ഒ​രു​ക്കു​ന്നു​ണ്ട്. ന​ഗ​ര​ത്തി​ൽ 600 സൗ​ജ​ന്യ ഫി​റ്റ്​​ന​സ്​ ക്ലാ​സു​ക​ൾ സം​ഘ​ടി​പ്പി​ക്കു​മെ​ന്ന്​ അ​ധി​കൃ​ത​ർ വ്യ​ക്​​ത​മാ​ക്കി​യി​ട്ടു​ണ്ട്. മൂ​ന്ന്​ ഫി​റ്റ്​​ന​സ്​ വി​ല്ലേ​ജു​ക​ളി​ലെ പ്ര​വ​ർ​ത്ത​ന​ങ്ങ​ൾ:

ഡി.​പി വേ​ൾ​ഡ്​ കൈ​റ്റ്​ ബീ​ച്ച്​ ഫി​റ്റ്​​ന​സ്​ വി​ല്ലേ​ജ്​

വി​ല്ലേ​ജി​ൽ 24സ്​​പോ​ർ​ട്​​സ്, ഫി​റ്റ്​​ന​സ്​ സോ​ണു​ക​ൾ ഒ​രു​ക്കും. കു​ട്ടി​ക​ൾ​ക്കു വേ​ണ്ടി​യു​ള്ള ചി​ൽ​ഡ്ര​ൻ​സ്​ സോ​ൺ, കൗ​മാ​ര​ക്കാ​ർ​ക്ക്​ വേ​ണ്ടി​യു​ള്ള സോ​ൺ, വി​നോ​ദ​ങ്ങ​ൾ നി​റ​ഞ്ഞ റീ​ബൗ​ണ്ട​ർ​ സോ​ൺ, സ​ൺ സാ​ൻ​ഡ്​ സ്​​പോ​ർ​ട്​​സ്​ ബോ​ക്സി​ങ്​ റി​ങ്​ എ​ന്നി​വ​യും യോ​ഗ, ഫു​ട്​​ബാ​ൾ, ബാ​സ്ക​റ്റ്​​ബാ​ൾ, പെ​ഡ​ൽ തു​ട​ങ്ങി​യ​വ​ക്കു​ള്ള സോ​ണു​ക​ളും ഇ​തി​ൽ ഉ​ൾ​പ്പെ​ടു​ന്ന​താ​ണ്. പ്ര​വൃ​ത്തി​ദി​ന​ങ്ങ​ളി​ൽ രാ​വി​ലെ എ​ട്ടു​മു​ത​ൽ ഒ​രു മ​ണി​വ​രെ സ്കൂ​ൾ കു​ട്ടി​ക​ൾ​ക്കാ​യു​ള്ള ആ​ക്ടി​വി​റ്റി​ക​ളാ​ണ്. വൈ​കു​ന്നേ​രം മൂ​ന്നു മ​ണി​മു​ത​ൽ 10മ​ണി വ​രെ പൊ​തു​ജ​ന​ങ്ങ​ൾ​ക്കും പ്ര​വേ​ശ​നം അ​നു​വ​ദി​ക്കും. വാ​രാ​ന്ത്യ​ങ്ങ​ളി​ൽ പ്ര​വേ​ശ​നം വൈ​കു. ഏ​ഴു മു​ത​ൽ രാ​ത്രി 10മ​ണി​വ​രെ​യാ​ണ്.

ആ​ർ.​ടി.​എ മു​ഷ്​​രി​ഫ്​ പാ​ർ​ക്ക്​ സൈ​ക്ക്​​ൾ സെ​ൻ​റ​ർ

തു​ട​ക്ക​ക്കാ​ർ​ക്കും കു​ട്ടി​ക​ൾ​ക്കും പ​രി​ച​യ​സ​മ്പ​ന്ന​രാ​യ റൈ​ഡ​ർ​മാ​രു​ള്ള കു​ടും​ബ​ങ്ങ​ൾ​ക്കു​മാ​യി മൗ​ണ്ട​ൻ ബൈ​ക്ക് ട്രെ​യി​ലു​ക​ൾ, റോ​ഡ് ട്രാ​ക്കു​ക​ൾ എ​ന്നി​വ​യ​ട​ക്കം 136 ഗൈ​ഡ​ഡ് ഗ്രൂ​പ്പ് ബൈ​ക്ക് റൈ​ഡു​ക​ൾ ആ​ർ.​ടി.​എ മു​ഷ്​​രി​ഫ്​ പാ​ർ​ക്ക്​ സൈ​ക്ക്​​ൾ സെ​ൻ​റി​ൽ ഒ​രു​ക്കും. ല​ഭ്യ​ത​യ​നു​സ​രി​ച്ച്​ ഓ​രോ സെ​ഷ​നും സൗ​ജ​ന്യ ബൈ​ക്കു​ക​ൾ ന​ൽ​കു​ക​യും ചെ​യ്യും. മു​ഷ്​​രി​ഫ്​ പാ​ർ​ക്കി​ൽ പ​രി​സ്ഥി​തി സൗ​ന്ദ​ര്യം ആ​സ്വ​ദി​ച്ച്​ സൈ​ക്കി​ൾ ച​വി​ട്ടാം. 70,000 മ​ര​ങ്ങ​ൾ ഇ​വി​ടെ​യു​ണ്ടെ​ന്നാ​ണ്​ ക​ണ​ക്ക്. കി​ളി​ക​ളു​ടെ ക​ള​ക​ള നാ​ദ​വും കേ​ട്ട്​ സൈ​ക്കി​ൾ ച​വി​ട്ടാം. ഓ​രോ ട്രാ​ക്കി​ലും കൃ​ത്യ​മാ​യ സൂ​ച​ന ബോ​ർ​ഡു​ക​ളു​ണ്ട്. ഗൈ​ഡു​ക​ൾ സൈ​ക്കി​ളി​ൽ ചു​റ്റി​ക്ക​റ​ങ്ങു​ന്നു​മു​ണ്ട്. വാ​രാ​ന്ത്യ​ങ്ങ​ളി​ലാ​ണ്​ കൂ​ടു​ത​ൽ സൈ​ക്ലി​സ്റ്റു​ക​ൾ ഇ​വി​ടേ​ക്ക്​ ഒ​ഴു​കു​ന്ന​ത്. ഒ​റ്റ​ക്കും സം​ഘ​ങ്ങ​ളാ​യും എ​ത്തു​ന്ന​വ​രു​ണ്ട്. രാ​വി​ലെ ആ​റ്​ മു​ത​ൽ വൈ​കു​ന്നേ​രം അ​ഞ്ച്​ വ​രെ​യാ​ണ്​ ട്രാ​ക്കി​ലേ​ക്ക്​ പ്ര​വേ​ശ​നം.

റ​ൺ ആ​ൻ​ഡ്​ റൈ​ഡ്​ സെ​ൻ​ട്ര​ൽ (​വ​ൺ സെ​ൻ​ട്ര​ൽ)

ഈ ​ഫി​റ്റ്‌​ന​സ് വി​ല്ലേ​ജി​ൽ ഓ​ട്ടം മു​ത​ൽ വ​ർ​ക്കൗ​ട്ടു​ക​ൾ വ​രെ​യു​ള്ള​വ​യെ കു​റി​ച്ച്​ വി​വി​ധ കോം​പ്ലി​മെ​ന്റ​റി ക്ലാ​സു​ക​ൾ ഒ​രു​ക്കി​യി​ട്ടു​ണ്ട്. രാ​വി​ലെ 07 മു​ത​ൽ രാ​ത്രി 10വ​രെ, മാ​സം മു​ഴു​വ​ൻ 600ല​ധി​കം സൗ​ജ​ന്യ സെ​ഷ​നു​ക​ൾ ഇ​വി​ടെ ഒ​രു​ക്കി​യി​ട്ടു​ണ്ട്. ജോ​ലി​ക്ക് മു​മ്പോ ശേ​ഷ​മോ അ​ല്ലെ​ങ്കി​ൽ ഉ​ച്ച​ഭ​ക്ഷ​ണ ഇ​ട​വേ​ള​യി​ൽ പോ​ലും 30 മി​നി​റ്റ് വ്യാ​യാ​മ​ത്തി​ന് അ​നു​യോ​ജ്യ​മാ​യ സ്ഥ​ല​മാ​ണി​ത്. അ​ഡി​ഡാ​സ്, ആ​സി​ക്സ്, മെ​രാ​സ്, സ​ൺ ആ​ൻ​ഡ്​ സാ​ൻ​ഡ് സ്‌​പോ​ർ​ട്ട്, സി​റോ തു​ട​ങ്ങി​യ ബ്രാ​ൻ​ഡു​ക​ൾ പ​ങ്കെ​ടു​ക്കു​ന്ന 400 മ​ണി​ക്കൂ​റി​ല​ധി​കം പ്ര​വ​ർ​ത്ത​ന​ങ്ങ​ൾ വി​ല്ലേ​ജി​ൽ സം​ഘ​ടി​പ്പി​ക്കും. ദു​ബൈ റൈ​ഡ്, ദു​ബൈ റ​ൺ ഇ​വ​ന്റു​ക​ളി​ൽ പ​ങ്കെ​ടു​ക്കു​ന്ന​വ​ർ​ക്ക് അ​വ​രു​ടെ വ​സ്​​ത്ര​ങ്ങ​ൾ ശേ​ഖ​രി​ക്കു​ന്ന പോ​യി​ന്റു കൂ​ടി​യാ​ണി​ത്.

ദു​ബൈ ഫി​റ്റ്​​ന​സ്​ ചാ​ല​ഞ്ചി​നോ​ട​നു​ബ​ന്ധി​ച്ച്​ ആ​യി​ര​ക്ക​ണ​ക്കി​ന്​ പേ​ർ പ​​ങ്കെ​ടു​ക്കു​ന്ന ഈ​വ​ൻ​റു​ക​ൾ​ക്ക്​ ദു​ബൈ ന​ഗ​രം സാ​ക്ഷ്യം വ​ഹി​ക്കാ​റു​ണ്ട്. അ​തേ​പോ​ലെ ഫി​റ്റ്​​ന​സ്​ പ്രോ​ൽസാ​ഹി​പ്പി​ക്കു​ക​യും അ​തി​നെകു​റി​ച്ച്​ ബോ​ധ​വ​ൽ​ക​ര​ണം ന​ട​ത്തു​ക​യും ചെ​യ്യു​ന്ന ചെ​റി​യ പ​രി​പാ​ടി​ക​ളു​മു​ണ്ടാ​കാ​റു​ണ്ട്.

ജ​ന​മൊ​ഴു​കു​ന്ന പ​രി​പാ​ടി​ക​ൾ

പ്ര​ധാ​ന പ​രി​പാ​ടി​ക​ൾ:

ദു​ബൈ റൈ​ഡ്: ന​വം​ബ​ർ 12നാ​ണ്​ ഇ​ത്ത​വ​ണ ദു​ബൈ റൈ​ഡ് അ​ര​ങ്ങേ​റു​ന്ന​ത്​. ശൈ​ഖ്​ സാ​യി​ദ് റോ​ഡി​ൽ ന​ട​ക്കു​ന്ന വ​മ്പ​ൻ സൈ​ക്ലി​ങ്​ ഈ​വ​ന്‍റാ​ണി​ത്. കു​ടും​ബ​ങ്ങ​ൾ​ക്കും പു​തി​യ സൈ​ക്ലി​സ്റ്റു​ക​ൾ​ക്കും സൈ​ക്ലി​ങ്​ പ്രേ​മി​ക​ൾ​ക്കും എ​ല്ലാം പ​​ങ്കെ​ടു​ക്കാം. പ​ങ്കെ​ടു​ക്കു​ന്ന​വ​ർ​ക്ക് ര​ണ്ട് റൂ​ട്ടു​ക​ളി​ൽ ഒ​ന്ന് തി​ര​ഞ്ഞെ​ടു​ക്കാം; നാലു കി.​മീ​റ്റ​ർ ഡൗ​ൺ​ടൗ​ൺ ഫാ​മി​ലി റൂ​ട്ട് അ​ല്ലെ​ങ്കി​ൽ 12 കി .​മീ​റ്റ​ർ ശൈ​ഖ്​ സാ​യി​ദ് റോ​ഡ് കോ​ഴ്സ്.

വാ​ഹ​ന​ങ്ങ​ൾ ചീ​റി​പാ​യു​ന്ന ശൈ​ഖ് സാ​യി​ദ് റോ​ഡി​ൽ ദു​ബൈ​യു​ടെ സൗ​ന്ദ​ര്യം ആ​സ്വ​ദി​ച്ച് സൈ​ക്കി​ളി​ൽ ചു​റ്റി​ത്തി​രി​യാ​നു​ള്ള അ​സു​ല​ഭ മു​ഹൂ​ർ​ത്തം കൂ​ടി​യാ​ണ് ദു​ബൈ റൈ​ഡ്. 10,000ഓ​ളം റൈ​ഡ​ർ​മാ​രാ​ണ് സൈ​ക്കി​ളു​മാ​യി നി​ര​ത്തി​ലി​റ​ങ്ങു​ന്ന​ത്.

ദു​ബൈ സ്റ്റാ​ൻ​ഡ്-​അ​പ്പ് പാ​ഡി​ൽ: ന​വം​ബ​ർ 18നാ​ണ്​ ദു​ബൈ റോ​ഡ്​ ഗ​താ​ഗ​ത അ​തോ​റി​റ്റി(​ആ​ർ‌.​ടി.‌​എ) അ​വ​ത​രി​പ്പി​ക്കു​ന്ന ഈ ​പ​രി​പാ​ടി ന​ട​ക്കു​ക. ഹ​ത്ത​യി​ലെ മ​നോ​ഹ​ര മ​ല​നി​ര​ക​ളു​ടെ പ​ശ്ചാ​ത്ത​ല​ത്തി​ലാ​ണ് പ​രി​പാ​ടി ന​ട​ക്കു​ന്ന​ത്. എ​ല്ലാ പ്രാ​യ​ക്കാ​ർ​ക്കും പ​​ങ്കെ​ടു​ക്കാ​വു​ന്ന പ​രി​പാ​ടി​ക്ക്​ മു​മ്പാ​യി സ്റ്റാ​ൻ​ഡ്-​അ​പ്പ് പാ​ഡി​ലി​ൽ പ്രാ​വീ​ണ്യം നേ​ടു​ന്ന​തി​ന് സൗ​ജ​ന്യ പ​രി​ശീ​ല​ന സെ​ഷ​നു​ക​ളും ഒ​രു മാ​സ് ച​ല​ഞ്ച് ഇ​വ​ന്റും ഒ​രു​ക്കു​ന്നു​ണ്ട്.

ദു​ബൈ റ​ൺ: ദു​ബൈ ഫി​റ്റ്​​ന​സ്​ ചാ​ല​ഞ്ചി​ന്‍റെ സ​മാ​പ​ന​മാ​യി ന​ട​ക്കു​ന്ന ഏ​റ്റ​വും ജ​ന​പ​ങ്കാ​ളി​ത്ത​മു​ണ്ടാ​കു​ന്ന പ​രി​പാ​ടി​യാ​ണ്​ ദു​ബൈ റ​ൺ. ലോ​ക​ത്തെ ഏ​റ്റ​വും വ​ലി​യ ഫ്രീ ​റ​ൺ എ​ന്ന്​ വി​ശേ​ഷി​ക്ക​പ്പെ​ടു​ന്ന പ​രി​പാ​ടി​യു​ടെ അ​ഞ്ചാ​മ​ത്​ എ​ഡി​ഷ​നാ​ണ്​ ഇ​ത്ത​വ​ണ അ​ര​ങ്ങേ​റു​ന്ന​ത്. ദു​ബൈ ന​ഗ​ര​ത്തി​ന്‍റെ ഏ​റ്റ​വും പ്ര​ധാ​ന പാ​ത​യാ​യ ശൈ​ഖ്​ സാ​യി​ദ്​ റോ​ഡി​ൽ ന​ട​ക്കു​ന്ന റ​ണ്ണി​ൽ ര​ണ്ട്​ ല​ക്ഷ​ത്തി​ലേ​റെ പേ​ർ ഇ​ത്ത​വ​ണ പ​​ങ്കെ​ടു​ക്കു​മെ​ന്നാ​ണ്​ വി​ല​യി​രു​ത്ത​പ്പെ​ടു​ന്ന​ത്. അ​ഞ്ചു കി.​മീ​റ്റ​ർ ഡൗ​ൺ​ടൗ​ൺ ഫാ​മി​ലി റൂ​ട്ടും 10കി. ​മീ​റ്റ​ർ ശൈ​ഖ്​ സാ​യി​ദ്​ റോ​ഡ്​ റൂ​ട്ടു​മാ​ണ്​ റ​ണ്ണി​ന്‍റെ ര​ണ്ടി​ന​ങ്ങ​ൾ. ന​വം​ബ​ർ 26നാ​ണി​ത്​ അ​ര​ങ്ങേ​റു​ക.

വു​മ​ൺ​സ്​ റ​ണ്ണും സൗ​ത്ത്​ റൈ​ഡും: ന​വം​ബ​ർ അഞ്ചിന്​ ​അ​ര​ങ്ങേ​റു​ന്ന ര​ണ്ട്​ പ​രി​പാ​ടി​ക​ളാ​ണ്​ ദു​ബൈ വു​മ​ൺ​സ്​ റ​ൺ(3 കി.​മീ, 5 കി.​മീ, 10 കി.​മീ), ദു​ബൈ സൗ​ത്ത് റൈ​ഡ് ആ​ൻ​ഡ് റ​ൺ എ​ന്നി​വ. സൈ​ക്കി​ളി​സ്റ്റു​ക​ൾ​ക്ക്​ ദു​ബൈ സൗ​ത്ത് ആ​സ്വ​ദി​ക്കാ​നു​ള്ള അ​വ​സ​രം ന​ൽ​കു​ന്ന റൈ​ഡി​ൽ 80 കി.​മീ​റ്റ​ർ, 40 കി.​മീ​റ്റ​ർ റൂ​ട്ടു​ക​ളാ​ണു​ള്ള​ത്. ദു​ബൈ സൗ​ത്ത് റ​ണ്ണി​ൽ 10 കി.​മീ​റ്റ​ർ, 5 കി.​മീ​റ്റ​ർ, 3 കി.​മീ​റ്റ​ർ റൂ​ട്ടു​ക​ളാ​ണു​ണ്ടാ​വു​ക.