കൊറോണ​യെ തടയുന്ന ആ​ൻറിബോഡികൾ തിരിച്ചറിഞ്ഞെന്ന് ചൈനീസ് ഗവേഷകർ

ബെയ്​ജിങ്: ലോകമെങ്ങും ഭീതി വിതച്ച് കോവിഡ് 19 പടരുമ്പോൾ അതി​​െൻറ ഉത്ഭവ കേന്ദ്രത്തിൽ നിന്നൊരു ആശ്വാസ വാർത്ത. കോവിഡ് 19ന് കാരണമായ സാർസ് കോവ്-2 വൈറസിനെ തടയുന്ന ആൻറിബോഡികൾ തിരിച്ചറിഞ്ഞതായി ചൈനീസ് ഗവേഷകർ അവകാശപ്പെട്ടു. 

കോവിഡ്-19 ഭേദമായ ആളുടെ രക്തത്തിൽനിന്നാണ് ചൈനീസ് അക്കാദമി ഓഫ് സയൻസിലെ യാൻ വുവി​​െൻറ നേതൃത്വത്തിലുള്ള ഗവേഷകർ ആൻറിബോഡികൾ വേർതിരിച്ചത്. എലികളിൽ വിജയകരമായി പരീക്ഷിച്ച ഈ ആൻറിബോഡികൾ കോവിഡ് രോഗികളുടെ ചികിത്സക്കായി ഉപയോഗിക്കാൻ സാധിക്കുമെന്ന് ഗവേഷകർ അവകാശപ്പെടുന്നു. 

കോവിഡ് ചികിത്സക്കുപയോഗിക്കാനുള്ള ലഘുവായ തന്മാത്രാ ഘടനയുള്ള ആൻറി വൈറൽ മരുന്ന് വികസിപ്പിക്കാനുള്ള ശ്രമങ്ങൾക്ക് ഈ കണ്ടുപിടുത്തം പ്രയോജനം ചെയ്യുമെന്നാണ് കരുതുന്നതെന്ന് ഗവേഷണ റിപ്പോർട്ട് പ്രസിദ്ധീകരിച്ച സയൻസ് ജേണൽ ചൂണ്ടിക്കാട്ടുന്നു. രണ്ട് ആൻറിബോഡികളാണ് ഇവർ വേർതിരിച്ചെടുത്തത്. ബി38, എച്ച്4 എന്നിങ്ങനെയാണ് ഇവയ്ക്ക് ഗവേഷകർ പേരിട്ടിരിക്കുന്നത്. 

ഈ രണ്ട് ആൻറിബോഡികളുടെ ഒന്നിച്ചുള്ള പ്രവർത്തനം വൈറസി​​െൻറ സ്പൈക്ക് പ്രോട്ടീ​​െൻറ പ്രവർത്തനത്തെ തടസപ്പെടുത്തുകയാണ് ചെയ്യുന്നത്.  ഇതുമൂലം വൈറസിന് കോശങ്ങൾക്കുള്ളിലേക്ക് കടന്നുകയറാൻ സാധിക്കാതെ വരുന്നുവെന്ന് സയൻസ് ജേണൽ വിശദീകരിക്കുന്നു.