ആരോഗ്യമുള്ള തലച്ചോറിന് വേണം നല്ല ഭക്ഷണം

1. സെറിബല്ലം
2. സെറിബ്രം
3. ബ്രെയിൻ സ്റ്റെം
4. ഹൈപ്പോതലാമസ്
5. പിറ്റ്യൂറ്ററിഗ്ലാൻറ്

നല്ല ഭഷണം ശീലമാക്കൂ, പ്രസന്നതയോടെ ഇരിക്കൂ...
‘നിങ്ങൾ പറഞ്ഞത് കളവാണെന്ന് അന്നം തിന്നുന്നവർക്ക് മനസ്സിലാവും’ കവല പ്രസംഗങ്ങളിലൊക്കെ ഘോരഘോരം പ്രസംഗിക്കുമ്പോൾ രാഷ്ട്രീയ നേതാക്കൾ ഇങ്ങനെ പറയുന്നത് േകട്ടിരിക്കും. തിന്നുന്നതും മനസ്സിലാവുന്നതും തമ്മിലെന്ത് ബന്ധമെന്ന് കരുതി നെറ്റി ചുളിക്കാൻ വരെട്ട..ബന്ധമുണ്ട്. നാം കഴിക്കുന്ന ആഹാരവും അതിലെ പോഷണവും നമ്മുടെ മനസുമായി അ​േഭദ്യമായി ബന്ധപ്പെട്ടിരിക്കുന്നു...

സെറോട്ടോണിൻ, എൻഡോർഫിൻ, നോർ അഡ്രിനാലിൻ, അസറ്റൈൽ കൊളിൻ തുടങ്ങി തലച്ചോറിലുള്ള അറുപതോളം ന്യൂറോ ട്രാൻസ്മിറ്ററുകളാണ് നമ്മുടെ വൈകാരിക ഭാവങ്ങളെ നിയന്ത്രിക്കുന്നത്. തലച്ചോറി​​​െൻറ അളവ്, കോശങ്ങളുടെ എണ്ണം, വികാരങ്ങളുടെ സന്തുലിതാവസ്ഥ ഇവയൊക്കെ ക്രമീകരിക്കുന്നത് ഈ ന്യൂറോ ട്രാൻസ്മിറ്ററുകളാണ്.

വെറുതെയിരിക്കുമ്പോൾ പോലും ചിലരെ പ്രസന്നതയോടെ കാണാറുണ്ട്. സെറോട്ടോണിൻ എന്ന ന്യൂറോ ട്രാൻസ്മിറ്ററാണ് പ്രസന്നത പ്രദാനം ചെയ്യുന്നതിന് പിന്നിൽ പ്രവർത്തിക്കുന്ന വിരുതൻ. പെെട്ടന്ന് ക്ഷുഭിതരാവുന്നതും ചിരിക്കാനാവാത്തതും മാനസികവിഭ്രാന്തിയുമെല്ലാം ഇത്തരത്തിൽ തലച്ചോറിൽ ന്യൂറോ ട്രാൻസ്മിറ്ററുകളിലുണ്ടാകുന്ന ഏറ്റക്കുറച്ചിലുകൾ കാരണമാണ്. അതുകൊണ്ടുതന്നെ തലച്ചോറി​​​െൻറ പ്രവർത്തനങ്ങൾക്ക് ആവശ്യമായ പോഷകങ്ങൾ ശ്രദ്ധയോടുകൂടി തിരഞ്ഞെടുക്കേണ്ടതുണ്ട്.

നടന്നോളൂ.. തലച്ചോറിന് യൗവനം കിട്ട​െട്ട
തലച്ചോറിന് പ്രായമാകുന്നത് തടഞ്ഞ് യൗവനം നില നിർത്തുവാൻ നടത്തത്തിന് സാധിക്കുമെന്നാണ് പഠനം തെളിയിക്കുന്നത്. പ്രായം കൂടുന്നതിനനുസരിച്ച് മസ്തിഷ്കത്തിലെ സർക്യൂട്ടുകളുടെ പരസ്പര ബന്ധം നഷ്ടപ്പെടുന്നത് സവാഭാവികമാണ്. എന്നാൽ നടത്തം ശീലമാക്കുന്നതിലൂടെ ഇത് ഒരു പരിധി വരെ തടയാൻ സാധിക്കുമെന്നാണ് കണ്ടെത്തൽ. അറുപതിനും 80നും ഇടയിൽ പ്രായമുള്ള 70 പേരെ ഒരുവർഷം പഠനത്തിനു വിധേയരാക്കിയാണ് തലച്ചോറി​​​െൻറ പ്രായവും നടത്തവും തമ്മിലുള്ള ബന്ധം കണ്ടെത്തിയത്.

മസ്തിഷ്കമരണം
അമിത രക്തസ്രാവത്തെ തുടർന്ന് മസ്തിഷ്കത്തിലെ കോശങ്ങൾക്ക് സ്ഥിരമായി നാശം സംഭവിക്കുന്ന അവസ്ഥയാണ് മസ്തിഷ്ക മരണം. മരണത്തി​​​െൻറ പര്യായമായാണ് മസ്തിഷ്ക മരണത്തെ കണക്കാക്കുന്നത്. അതായത് മസ്തിഷ്കമരണം സംഭവിച്ച ഒരു രോഗി ഒരിക്കലും ജീവിതത്തിലേക്ക് തിരിച്ചു വരാറില്ല.

അമിത രക്തസ്രാവം, തലച്ചോറിൽ രക്തം കട്ടപിടിക്കൽ, തലച്ചോറിലെ കോശങ്ങളുടെ ശക്തമായ ക്ഷതം ഇവയൊക്കെയാണ് മസ്തിഷ്ക മരണത്തിന് കാരണങ്ങൾ. തലച്ചോറി​​​െൻറ പ്രത്യേക ഞരമ്പുകൾക്ക് ഉണ്ടാകുന്ന ക്ഷതം കാരണം അബോധാവസ്ഥയിലാവുന്ന അവസ്ഥയാണ് കോമ.