എന്താണ്​ പൾസ്​ ഓക്​സിമീറ്റർ; അറിയേണ്ടതെല്ലാം

കോവിഡ്​ രോഗികൾക്ക്​ ഏറ്റവും ഉപയോഗമുള്ള ഒരു ഉപകരണമാണ്​ പൾസ്​ ഓക്​സിമീറ്റർ. വീട്ടിൽ ചികിത്സയിലുള്ള കോവിഡ്​ രോഗികൾ ഗുരുതരാവസ്ഥയിലേക്ക്​ പോവുന്നുണ്ടോയെന്ന്​ പരിശോധിക്കുന്നത്​ പൾസ്​ ഓക്​സിമീറ്ററി​െൻറ സഹായത്തോടെയാണ്​. രക്​തത്തിലെ ഓക്​സിജ​െൻറ അളവ്​ പരിശോധിക്കുകയാണ്​ പൾസ്​ ഓക്​സിമീറ്ററി​െൻറ ധർമ്മം. ഈ അളവി​െൻറ സഹായത്തോടെ രോഗിയുടെ ആരോഗ്യസ്ഥിതി സംബന്ധിച്ച്​ ഡോക്​ടർമാർക്ക്​ ഏകദേശ ധാരണലഭിക്കും.

സെൻസറുകളുള്ള ഒരു പ്ലാസ്​റ്റിക്​ ബാഗി​െൻറ ക്ലിപ്​ പോലെയാണ്​ പൾസ്​ ഓക്​സിമീറ്റർ. ഇത്​ കൈ അല്ലെങ്കിൽ കാലി​െൻറ വിരലുകളിൽ വെച്ച്​ രക്​തത്തിലെ ഓക്​സിജൻ അളവ്​ പരിശോധിക്കാം. ഉപകരണത്തിന്​ മുകളിലുള്ള ചെറിയ സ്​ക്രീനിലാണ്​ ഓക്​സിജൻ അളവ്​ തെളിയുക. ആരോഗ്യവാനായ ഒരാളുടെ ശരീരത്തിലെ രക്​തത്തി​െൻറ ഓക്​സിജൻ അളവ്​ 95 ശതമാനത്തിന്​ മുകളിലായിരിക്കും. ഓക്​സിജൻ അളവ്​ 90 ശതമാനത്തിലെത്തിയാൽ അത്തരം രോഗികൾ ഉടൻ തന്നെ ആരോഗ്യപ്രവർത്തകരുടെ സഹായം തേടണം.

ഒരു എൽ.ഇ.ഡി ബൾബും സെൻസറുമാണ്​ പൾസ്​ ഓക്​സിമീറ്ററിനെ ഓക്​സിജൻ തോത്​ അളക്കാൻ സഹായിക്കുന്നത്​. വിരലുകളിലെ കോശങ്ങളിലൂടെ പ്രകാശം കടന്നുപോകു​േമ്പാൾ സെൻസർ ഇതി​െൻറ സാന്ദ്രത പരിശോധിച്ച്​ രക്​തത്തിലെ ഓക്​സിജൻ അളവ്​ രേഖപ്പെടുത്തുന്നു.

എന്നാൽ പൾസ്​ ഓക്​സിമീറ്ററിൽ രേഖപ്പെടുത്തുന്ന ഓക്​സിജൻ അളവ്​ എപ്പോഴും കൃത്യമാവണമെന്നില്ല. ശരീരത്തി​െൻറ നിറം, തണുത്ത കൈകൾ, ഈർപ്പമുള്ള ശരീരം എന്നീ സാഹചര്യങ്ങളിലെല്ലാം ഇതിൽ വ്യത്യാസം വരാം. ഓക്​സിജൻ തോത്​ പരിശോധിക്കുന്ന മുറിയിൽ തീവ്രമേറിയ പ്രകാശമുണ്ടെങ്കിലും അളവിൽ മാറ്റമുണ്ടാവാം. നെയിൽ പോളിഷ്​, ടാറ്റു എന്നിവയും പൾസ്​ ഓക്​സീമീറ്ററി​െൻറ പ്രവർത്തനത്തെ സ്വാധീനിക്കും.