ഇന്ത്യൻ യുവത്വത്തിന്​ രക്​ത സമ്മർദ്ദം

ലണ്ടൻ: ഇന്ത്യയിലെ 200 ദശലക്ഷം യുവാക്കൾക്ക്​ ഉയർന്ന രക്​തസമ്മർദ്ദം. ലോകത്താകെ 1.13 ലക്ഷം കോടി ജനങ്ങൾക്ക്​ ഉയർന്ന രക്​ത സമ്മർദ്ദമുണ്ട്​. ഉയർന്ന രക്​ത സമ്മർദ്ദമുള്ളവരുടെ എണ്ണം 40 വർഷം കൊണ്ട്​ ഇരട്ടിയായെന്നും പഠനം പറയുന്നു. ലാൻസറ്റ്​ ജേണലിലാണ്​ പഠനം പ്രസിദ്ധീകരിച്ചത്​.

ലോകത്താകമാനമുള്ള ഉയർന്ന രക്​തസമ്മർദ്ദം അനുഭവിക്കുന്ന യുവാക്കളിൽ പകുതിയും ഏഷ്യൻ രാജ്യങ്ങളിലാണ്​. 226 ദശലക്ഷം യുവാക്കളാണ്​ ചൈനയിൽ രക്​തസമ്മർദ്ദം അനുഭവിക്കുന്നത്​. 1975നും 2015നും ഇടക്ക്​ ഒാരോ രാജ്യങ്ങളിലെയും ജനങ്ങളുടെ രക്​ത സമ്മർദ്ദത്തിലെ വ്യത്യാസം പഠന വിധേയമാക്കിയിരുന്നു. പുരുഷൻമാർക്കാണ്​ സ്​ത്രീകളേക്കാൾ രക്​തസമ്മർദ്ദം കൂടുതലെന്നും പഠനത്തിൽ തെളിഞ്ഞതായി ലണ്ടൻ ഇംപീരിയൽ കോളജിലെ ശാസ്​ത്രജ്​ഞർ പറയുന്നു.
 
വികസിത രാജ്യങ്ങളേക്കാൾ വികസ്വര, അവികസിത രാജ്യങ്ങളിലുള്ളവർക്കാണ്​ രക്​തസമ്മർദ്ദം കൂടുതൽ. ചെറുപ്രായത്തിലെ പോഷകാഹാരക്കുറവ്​ പ്രായമാകു​േമ്പാൾ രക്​തസമ്മർദ്ദം ഉയർത്തുന്നതിനിടയാക്കും. അമിത വണ്ണവും രക്​തസമ്മർദ്ദം കൂടുന്നതി​ന് ​പ്രധാന കാരണമാണെന്ന് പഠനം വ്യക്തമാക്കുന്നു.