328 കോമ്പിനേഷൻ മരുന്നുകൾ നിരോധിച്ചു

ന്യൂഡൽഹി: ഫിക്​സഡ്​ ഡോസ്​ കോമ്പിനേഷൻ മരുന്നുകളിൽ 328 എണ്ണം കേന്ദ്ര ആരോഗ്യ മന്ത്രാലയം നിരോധിച്ചു. ആറ​ു മരുന്നുകൾക്ക്​ നിയന്ത്രണവും ഏർപ്പെടുത്തി.

സാധാരണ ഉപയോഗിക്കുന്ന കഫ്​ സിറപ്പുകൾ, വേദനാ സംഹാരികൾ, ജലദോഷത്തിനും പനിക്കുമുള്ള മരുന്നുകൾ എന്നിവ ഉൾപ്പെടെയുള്ള മരുന്നുകളാണ്​ നിരോധിച്ചത്​.

വേദന സംഹാരിയായ സാറിഡോൺ, സ്​കിൻ ക്രീമായ പാൻഡേം, പ്രമേഹ മരുന്നായ ഗ്ലൂകോനോം പിജി എന്നിവ നി​രോധിച്ചവയിൽ ചിലതാണ്​.

രണ്ടു മരുന്നുകളുടെ സംയുക്​തമാണ്​ ​ഫിക്​സഡ്​ ഡോസ്​ കോമ്പിനേഷൻ. ഇൗ സംയുക്​ത മരുന്നുകൾ ​കഴിക്കുന്നതു കൊണ്ട്​ പ്രത്യേകിച്ച്​ ​ശ്രദ്ധേയമായ ഗുണഫലമുണ്ടാകുന്നില്ലെന്ന്​ ചൂണ്ടിക്കാട്ടിയാണ്​ ഇവ നിരോധിച്ചത്​.

328 മരുന്നുകൾ ഉടനടി നിരോധിക്കണം എന്നാണ്​ ആരോഗ്യമന്ത്രാലയത്തി​​െൻറ ഉത്തരവ്​. ഇവയുടെ ഉത്​പാദനവും വിപണനവും ഉപയോഗവും അടിയന്തരമായി നിരോധിച്ചിട്ടുണ്ട്​. ഇൗ മരുന്നുകളിലെ ചേരുവകൾക്ക്​ ചികിത്​സാപരമായി ഒരു ന്യായികരണവുമി​െല്ലന്നും പൊതുജന താത്​പര്യാർഥമാണ്​ നിരോധിച്ചതെന്നും ഡ്രഗ്​ ആൻറ്​ ടെക്​നിക്കൽ അഡ്വൈസറി ബോർഡ്​ പറഞ്ഞു.