പുകയില നിയന്ത്രണ കരാർ: ലോകാരോഗ്യസംഘടന അന്താരാഷ്​ട്ര സമ്മേളനം ഡൽഹിയിൽ

ന്യൂഡൽഹി: ലോകാരോഗ്യ സംഘടനയു​ട ആഭിമുഖ്യത്തിൽ പുകയില നിയന്ത്രണ കരാർ രൂപീകരണത്തിനായി നടത്തുന്ന ഏഴാമത്തെ യോഗം ഡൽഹിയിൽ തുടങ്ങി. സമ്മേളനം നവംബർ 12വരെനീണ്ടുനിൽക്കും. പുകയില നിയന്ത്രണ കരാർ രൂപീകരണ സമിതിയി​ലെ അംഗങ്ങളായ 180ഒാളം രാജ്യങ്ങളിൽ നിന്നുള്ള 500 ഒാളം സന്നദ്ധ സംഘടന പ്രതിനിധികൾ പ​െങ്കടുക്കുന്നു.

പുകയില ഉപയോഗം ഗുരുതര അസുഖങ്ങൾക്കിടയാക്കുന്നതിനാൽ ലോകത്തെ എല്ലാ രാജ്യങ്ങളെയും പുകയില നിയന്ത്രണ കരാറിനുകീഴിൽ കൊണ്ടു വരിക എന്ന ലക്ഷ്യമാണ്​ ലോകാരോഗ്യ സംഘടനക്കുള്ളത്​. പുകയില ഉപഭോക്​താക്കൾ കൂടുതലുള്ള ഇന്ത്യയിൽ യോഗം നടക്കു​േമ്പാൾ ലോകാരോഗ്യ സംഘടനയുടെ പുകയില വിരുദ്ധ പരിപാടികൾക്ക്​  സഹകരണം നൽകാൻ ഇന്ത്യ ബാധ്യസ്​ഥരാകും.

പുകയില ഉത്​പന്നങ്ങളുടെ അനധികൃതവിൽപന തടയുന്ന അന്താരാഷ്​ട്ര കരാറും രൂപീകരിക്കുന്നുണ്ട്​.
അ​​തേസമയം, ലോകാരോഗ്യ സംഘടനയുടെ യോഗത്തിനെതിരെ പുകയില ഉൽപാദകരായ കർഷകർ പ്രതിഷേധപ്രകടനം നടത്തി. ആയിരക്കണക്കിന്​ കർഷകരുടെയും തൊഴിലാളികളുടെയും ജീവിത പ്രശ്​നമാണിതെന്ന്​ കർഷക സംഘടനകൾ പറഞ്ഞു.