പടിഞ്ഞാറൻ രാജ്യങ്ങളിലെ പുരുഷന്മാരുടെ ആരോഗ്യസ്​ഥിതിയിൽ ആശങ്ക

വാ​ഷി​ങ്​​ട​ൺ: പടിഞ്ഞാറൻ രാജ്യങ്ങളിലെ പുരുഷന്മാരുടെ ആരോഗ്യസ്​ഥിതിയിൽ ഗുരുതര ആശങ്കകളുയർത്തി പുതിയ പഠനവിവരം. കഴിഞ്ഞ 40 വർഷത്തിനിടെ പുരുഷ ബീജത്തി​​െൻറ എണ്ണത്തിൽ 60 ശതമാനം കുറവു വന്നെന്നും ആധുനിക ജീവിതശൈലി അടക്കം നിരവധി കാരണങ്ങൾ ഇതിനുപിന്നിലുണ്ടെന്നും ഒരുപറ്റം ഗവേഷകർ നടത്തിയ ശാസ്​​ത്രീയപഠനം ചൂണ്ടിക്കാണിക്കുന്നു. 

കീടനാശിനികൾ, ഹോർമോൺ വ്യതിയാനങ്ങൾ, ഡയറ്റിങ്​, മാനസിക സമ്മർദം, പുകവലി, ​െപാണ്ണത്തടി തുടങ്ങിയ കാരണങ്ങളാണ്​ പ്രത്യേകമായി ഇവർ എടുത്തുപറയുന്നത്​. അതേസമയം, ദക്ഷിണ അമേരിക്ക, ആഫ്രിക്ക, ഏഷ്യ എന്നിവിടങ്ങളിൽ ഇതുമായി ബന്ധപ്പെട്ട്​ വളരെ കുറച്ച്​ പഠനങ്ങളേ നടന്നിട്ടുള്ളൂവെങ്കിൽപോലും ബീജത്തി​​െൻറ എണ്ണത്തിലുള്ള ഇൗ വൻ വ്യതിയാനം കാണപ്പെടുന്നി​െല്ലന്നും പഠനം പറയുന്നു. ഇസ്രായേൽ, യു.എസ്​, ഡെന്മാർക്ക്​, ബ്രസീൽ, സ്​പെയിൻ എന്നിവിടങ്ങളിൽനിന്നു​ള്ള ഗവേഷകർ ചേർന്ന്​ ഹ്യൂമൻ റിപ്രൊഡക്​ഷൻ അപ്​ഡേറ്റ്​ എന്ന ​ജേണലിൽ പ്രസിദ്ധീകരിച്ചതാണ്​ ഇത്​. 1971നും 2011നും ഇടക്ക്​ യൂറോപ്പ്​, വടക്കേ അമേരിക്ക, ആസ്​ട്രേലിയ, ന്യൂസിലൻഡ്​ തുടങ്ങിയ നാടുകളിലെ  പുരുഷന്മാരിൽ ബീജത്തി​​െൻറ എണ്ണം 59.3 ശതമാനം കണ്ട്​ കുറഞ്ഞുവെന്നാണ്​ ഇതിൽ പറയുന്നത്​. 

ഫർണിച്ചറിന്​ ​ഉപയോഗിക്കുന്ന പ്ലാസ്​റ്റിക്​ അടക്കമുള്ള  വസ്​തുക്കളിലെ രാസഘടകങ്ങൾപോലും ബീജത്തി​​െൻറ എണ്ണക്കുറവിലേക്ക്​ നയിക്കുമ​െ​ത്ര. ചുറ്റുപാടുള്ള ഇത്തരം വസ്​തുക്കൾ ഭക്ഷ്യശൃംഖലയിലേക്ക്​ ചേക്കേറുമെന്നും മുന്നറിയിപ്പുനൽകുന്നു.