പന്നിപ്പനി: മധ്യപ്രദേശിൽ 2019ൽ മരിച്ചത്​ 41 പേർ

ഇൻഡോർ: മധ്യപ്രദേശിൽ പന്നിപ്പനി ബാധിച്ച്​ ഈ വർഷം 41ഓളം ആളുകൾ മരിച്ചു. ജനുവരി മുതൽ പരിശോധനക്കയച്ച 644 സാമ്പിളുകളിൽ 152 പേർക്കും പന്നിപ്പനി സ്ഥിരീകരിച്ചിട്ടുണ്ട്​.

പത്ത്​ പേരുടെ പരിശോധനാഫലം വരാനുണ്ട്​. പന്നിപ്പനി മൂലം മരിച്ച 41 പേരിൽ 20 പേരും ഇൻഡോറുകാരാണെന്ന്​ ഇൻഡോർ ചീഫ്​ മെഡിക്കൽ ഓഫീസർ അറിയിച്ചു.

പനി ക്ലിനിക്കുകളുടെ എണ്ണം കൂട്ടിയിട്ടുണ്ടെന്നും ഇവിടെ രോഗികൾക്ക്​ പ്രാഥമിക ശുശ്രൂഷകൾ നൽകി വരുന്നുണ്ടെന്നും അദ്ദേഹം പറഞ്ഞു.