അൽസലാമ പോളിക്ലിനിക് നേത്രരോഗ പരിശോധന ക്യാമ്പ്

മ​ബേ​ല: ലോക കാഴ്ചദിനത്തിൽ മബേല അൽസലാമ പോളിക്ലിനിക് മാൾ ഓഫ്​ മസ്കത്തിലെ ലുലുവിൽ നേത്രരോഗ പരിശോധന ക്യാമ്പ്​ സംഘടിപ്പിച്ചു. അൽസലാമയിലെ നേത്രരോഗ വിദഗ്ധൻ ഡോ. മുഹമ്മദ് ഇംറാൻ രോഗികളെ പരിശോധിച്ചു. നേത്രരോഗങ്ങൾ കൂടുതലും ബാധിക്കുന്നത് കുട്ടികളെയാണെന്നും അതിന് പ്രധാനകാരണം ആരംഭത്തിൽതന്നെ അറിയാതെ പോകുന്നതാണെന്നും അദ്ദേഹം അഭിപ്രായപ്പെട്ടു. ക്യാമ്പ് നടത്തിപ്പിന് സഹായങ്ങൾ ചെയ്ത ലുലു മാനേജർ ഇബ്രാഹിമിന് അൽസലാമ പോളിക്ലിനിക് ഡയറക്ടർ സിദ്ദീഖ് മങ്കടയും മെഡിക്കൽ ഡയറക്ടർ ഡോ. റഷീദ് അലിയും നന്ദി അറിയിച്ചു.