ഇനി അൽപം നിൽക്കാം

മ​ണി​ക്കൂ​റു​ക​ളോ​ളം ഒ​രേ​യി​രു​പ്പി​ൽ ജോ​ലി​​ ചെ​യ്യു​ന്നപോ​ലെ വി​ശ്ര​മ​മി​ല്ലാ​ത്ത നി​ൽ​പ്പും ആ​രോ​ഗ്യ പ്ര​ശ്ന​ങ്ങ​ൾ​ക്ക് കാ​ര​ണ​മാ​കും

ക​മ്പ്യൂ​ട്ട​റി​നു​മു​ന്നി​ൽ ഏ​റെ നേ​രം ഇ​രു​ന്ന് ജോ​ലി​ചെ​യ്യേ​ണ്ടി വ​രു​ന്ന​വ​രാ​ണ് പ​ല​രും. മ​ണി​ക്കൂ​റു​ക​ളോ​ളം ഒ​രേ ഇ​രു​പ്പി​രു​ന്ന് ജോ​ലി​​ചെ​യ്യു​ന്ന​ത് പ​ല ആ​രോ​ഗ്യ പ്ര​ശ്ന​ങ്ങ​ൾ​ക്കും കാ​ര​ണ​മാ​കും. രോ​ഗ​ങ്ങ​ൾ ഒ​ഴി​വാ​ക്കാ​നും ആ​രോ​ഗ്യം നി​ല​നി​ർ​ത്താ​നും അ​തി​നാ​ൽ അ​ൽ​പ​നേ​രം നി​ൽ​ക്കേ​ണ്ട​തും ആ​വ​ശ്യ​മാ​ണ്.

എ​ന്നാ​ൽ, ഇ​തു​ര​ണ്ടും സ​ന്തു​ലി​ത​മാ​യ രീ​തി​യി​ൽ വേ​ണ​മെ​ന്നാ​ണ് വി​ദ​ഗ്ധ​ർ പ​റ​യു​ന്ന​ത്. മ​ണി​ക്കൂ​റു​ക​ളോ​ളം ഒ​രേ ഇ​രി​പ്പി​രി​ക്കു​ന്ന​ത് അ​മി​ത​വ​ണ്ണം, ഹൃ​ദ​യ​സം​ബ​ന്ധ​മാ​യ രോ​ഗ​ങ്ങ​ൾ, ടൈ​പ്പ് 2 പ്ര​മേ​ഹം, ചി​ല​ത​രം അ​ർ​ബു​ദം എ​ന്നി​വ​ക്ക് കാ​ര​ണ​മാ​കും. എ​ന്നാ​ൽ, നി​ൽ​ക്കു​ന്ന​ത് ഇ​വ കു​റ​ക്കാ​ൻ സ​ഹാ​യി​ക്കും. പേ​ശി​ക​ൾ​ക്കും ര​ക്ത​ചം​ക്ര​മ​ണം മെ​ച്ച​പ്പെ​ടു​ത്താ​നും ക​ലോ​റി എ​രി​ച്ചു​ക​ള​യാ​നും നി​ൽ​പ് സ​ഹാ​യ​ക​മാ​ണ്.

എ​ന്നാ​ൽ ഒ​രാ​ളു​ടെ പ്രാ​യം, ഫി​റ്റ്ന​സ് ലെ​വ​ൽ, ജോ​ലി​യു​ടെ സ്വ​ഭാ​വം, ആ​രോ​ഗ്യം എ​ന്നി​വ​യു​ടെ അ​ടി​സ്ഥാ​ന​ത്തി​ലാ​ണ് നി​ൽ​പ് സ​മ​യം തീ​രു​മാ​നി​ക്കേ​ണ്ട​ത്. വി​ശ്ര​മ​മി​ല്ലാ​തെ ഏ​റെ​നേ​രം നി​ൽ​ക്കു​ന്ന​തും പ്ര​ശ്ന​ങ്ങ​ൾ​ക്ക് കാ​ര​ണ​മാ​കും. ക്ഷീ​ണം, പേ​ശി​ക​ൾ​ക്കു​ള്ള ബു​ദ്ധി​മു​ട്ട്, സ​ന്ധി​വേ​ദ​ന എ​ന്നി​വ​ക്ക് അ​മി​ത​മാ​യ നി​ൽ​പ് കാ​ര​ണ​മാ​കും. അ​തി​നാ​ൽ ഇ​ട​വേ​ള​യി​ല്ലാ​തെ നി​ൽ​ക്കു​ന്ന​തും അ​പ​ക​ടം.

നി​ൽ​പി​നു​പു​റ​മെ ന​ട​ക്ക​ൽ, സ്ട്രെ​ച്ചി​ങ് ഉ​ൾ​പ്പെ​ടെ​യു​ള്ള വ്യാ​യാ​മ​ങ്ങ​ളും ശീ​ല​മാ​ക്ക​ണം. ശ​രീ​ര​ത്തി​ന് ശ​ക്തി​യും വ​ഴ​ക്ക​വു​മു​ണ്ടാ​കാ​ൻ ഇ​ത് സ​ഹാ​യി​ക്കും. ഓ​രോ മ​ണി​ക്കൂ​റി​ലും 3-5 മി​നി​റ്റു​വ​രെ നി​ൽ​ക്കു​ന്ന​തും അ​ൽ​പ​നേ​രം ന​ട​ക്കു​ന്ന​തും ഗ്ലൂ​ക്കോ​സ് നി​യ​ന്ത്ര​ണ​ത്തി​ന് സ​ഹാ​യ​ക​മാ​ണ്;​ പ്ര​ത്യേ​കി​ച്ച് ടൈ​പ്പ് 2 പ്ര​മേ​ഹ​രോ​ഗി​ക​ൾ​ക്ക്. കൂ​ടാ​തെ സ​ന്തു​ലി​ത​മാ​യ ഭ​ക്ഷ​ണ​ക്ര​മ​വും പ്ര​ധാ​ന​മാ​ണ്. ആ​വ​ശ്യ​ത്തി​ന് വെ​ള്ളം കു​ടി​ക്കു​ന്ന​തും ഉ​റ​ക്ക​വും രോ​ഗ​ങ്ങ​ളെ അ​ക​റ്റി​നി​ർ​ത്താ​ൻ സ​ഹാ​യി​ക്കും.