എന്തിന്​ ജീവൻ ഒടുക്കുന്നു; പരിഹാരം സാധ്യമാണ്​

സെപ്തംബര്‍ 10 ലോക ആത്​മഹത്യ വിരുദ്ധദിനം. വിവിധതരം പ്രശ്​നങ്ങളുടെ നടുവിൽപ്പെട്ട്​ സ്വന്തം ജീവൻ പാതിവഴിയിൽ മുറിച്ചെറിയുന്നവരോട്​ അരുത്​; ആത്​മഹത്യ ഒന്നിനും പരിഹാരമല്ലെന്ന്​ ഒാർമപ്പെടുത്തുന്ന ദിനം. പ്രവാസലോകത്തും മലയാളികൾക്കിടയിലെ ആത്​മഹത്യകൾ ഇന്ന്​ വാർത്തയല്ലാതായി മാറിയിരിക്കുകയാണ്​. കഴിഞ്ഞ ഒരു മാസത്തിനുളളിൽ മാത്രം മൂന്ന്​ മലയാളികൾ ജീവനൊടുക്കി. കഴിഞ്ഞ ഒരു വർഷത്തിനുള്ളിൽ ജീവനൊടുക്കിയ മലയാളികളുടെ എണ്ണമാക​െട്ട മുപ്പതിൽ കൂടുതൽ വരും. പ്രവാസികളുടെ വിവിധ വിഷയങ്ങളിൽ ഇടപെടാൻ സമയം കണ്ടെത്തുന്ന മലയാളി സംഘടനകളും സാമൂഹിക പ്രവർത്തകരും പറയുന്നത്​, ഒരാളും ‘ജീവിതം അവസാനിപ്പിക്കരുത്​. നിങ്ങൾക്കൊപ്പം പ്രവാസി സമൂഹം ഒപ്പമുണ്ടെന്നാണ്​’ ആത്​മഹത്യയല്ലാതെ മറ്റൊരു വഴിയില്ലെന്ന്​ കരുതിയ നിരവധിപേർക്ക്​ പ്രശ്​നങ്ങൾ പരിഹരിച്ച്​ ജീവിതത്തിലേക്ക്​ കൂട്ടിക്കൊണ്ടുവന്ന അനുഭവങ്ങൾ അവർ പങ്കുവെക്കുകയും ചെയ്യുന്നുണ്ട്​.

ബഹ്​റൈനിലെ ഇന്ത്യൻ സമൂഹത്തിലും പ്രത്യേകിച്ച്​ മലയാളി സമൂഹത്തിലും നടക്കുന്ന ആത്​മഹത്യകൾക്ക്​ കാരണമായി പലകാരണങ്ങളും പറയപ്പെടുന്നുണ്ട്​. എന്നാൽ പ്രശ്​നങ്ങൾ തുറന്ന്​ പറഞ്ഞ്​ പരിഹാരസാധ്യത്തിന്​ ശ്രമിക്കാനാണ്​ പ്രവാസികൾ തയ്യാറാകേണ്ടത്​ എന്നാണ്​ കൗൺസിലർമാർ പറയുന്നത്​. ആത്​മഹത്യ ചെയ്യുന്നതോടെ ഒരാളുടെ പ്രശ്​നങ്ങൾ അവസാനിക്കുകയല്ല; മറിച്ച്​ ആ ആത്​മഹത്യ സമൂഹത്തിൽ ആഘാതം ഉണ്ടാക്കുന്നു. ആത്​മഹത്യ ​െചയ്യുന്നയാളി​​​െൻറ കുടുംബം അതി​​​െൻറ പേരിലുള്ള വിവിധ പ്രശ്​നങ്ങൾക്ക്​ ഇരയാകുകയും ചെയ്യുന്നു. അതിനാൽ വിവേകമുള്ള മനുഷ്യർ തങ്ങളുടെ ജീവിതത്തിൽ എന്ത്​ പ്രതിസന്​ധി ഉണ്ടായാലും ആത്​മഹത്യയെക്കുറിച്ച്​ ചിന്തിക്കരുതെന്നാണ്​ മന:ശാസ്​ത്രജ്​ഞർ പറയുന്നത്​. തങ്ങളുടെ പ്രശ്​നസങ്കീർണ്ണതകൾ സുഹൃത്തുക്കളോടോ, സാമൂഹിക പ്രവർത്തകരോടോ, മന:ശാസ്​ത്രജ്​ഞൻമാരോടെ തുറന്നുപറയുകയും ഉപദേശങ്ങൾ സ്വീകരിക്കുകയും ചെയ്യുന്നതാകും ഏറ്റവും മികച്ച പരിഹാര മാർഗം. കൂട്ടായ ആലോചനകളും ചിന്തകളും ഒരു വലിയ പ്രശ്​നത്തി​​​െൻറ പരിഹാരത്തിന്​ കാരണമാകും.

ഇന്ന്​ ലോകത്ത്​ ശരാശരി 3000 മനുഷ്യർ ഒാരോ ദിവസവും ആത്​മഹത്യ ചെയ്യുന്നു എന്നാണ്​ ലോകാരോഗ്യസംഘടന പറയുന്നത്​. ആത്​മഹത്യ ചെയ്യുന്ന വ്യക്തി അതിനുമുമ്പ്​ ഏതാണ്ട്​ 20 ഒാളം തവണ എങ്കിലും ആത്​മഹത്യക്ക്​ ശ്രമിക്കാറുണ്ടെന്നും പഠനങ്ങളിൽ തെളിയുന്നുണ്ട്​. ഓരോ വർഷവും പത്ത് ലക്ഷത്തോളം ആളുകൾ ആത്മഹത്യ ചെയ്യുന്നു. ഇതിൽ 17 ശതമാനം ഇന്ത്യയിലാണ്​. ഇതിൽ നല്ലൊരു പങ്കും കേരളത്തിലും. മാനസിക, സാമൂഹിക, സാംസ്കാരിക, വിഷയങ്ങളാണ്​ ഒരാളെ ആത്​മഹത്യയിലേക്ക്​ തള്ളിവിടുന്നതെന്നും എന്നാൽ ശക്തമായ ബോധവത്​ക്കരണംവഴി ആത്​മഹത്യയുടെ സ്വാധീനം കുറക്കാൻ കര​ുതുമെന്നും ​േലാകാരോഗ്യസംഘടന വ്യക്തമാക്കുന്നുണ്ട്​. ​

2013 മുതൽ ലോകത്ത്​ ആത്​മഹത്യവിരുദ്ധ ദിനാചരണം ആരംഭിച്ചത്​. പ്രതീക്ഷകൾ അസ്​തമിക്കപ്പെടുന്നു എന്ന തോന്നലി​​​െൻറ ഭാഗമായി തളരുന്നവരോട്​ പുഞ്ചിരിയോട​ും കരുണയോടുംകൂടി ഒപ്പമുണ്ടെന്ന്​ ധൈര്യം നൽകലാണ്​ ഏറ്റവും ആവശ്യം വേണ്ടത്​. ഒരാൾ മനോസംഘർഷത്തിലേക്ക്​ കൂപ്പുകുത്തുന്നു എന്ന തിരിച്ചറിവുണ്ടാകു​േമ്പാൾ, അതി​​​െൻറ സൂചന ലഭിച്ചാൽ അതീവ ജാഗ്രതയോടെ അയാളെ ജീവിതത്തിലേക്ക്​ തിരികെ നടത്താനുള്ള ഉത്തരവാദിത്തം എല്ലാവർക്കും ഉ​െണ്ടന്നുള്ള ഒാർമപ്പെടുത്തൽ കൂടിയാണ്​ ഇൗ ദിനാചരണത്തിലൂ​െട ലക്ഷ്യമിടുന്നതും. ​

കുടിയേറ്റത്തിൽ ഏർപ്പെടുന്നവരുടെ മനസ​്​ അസ്വസ്ഥമാകാനുള്ള നിരവധി ഘടകങ്ങളുണ്ട്​. നാടും വീടുമായുള്ള അകലം, ഒറ്റപ്പെടലുകൾ, തൊഴിൽ സാഹചര്യം, സാമ്പത്തിക വിഷയങ്ങൾ, വീട്​ നിർമ്മാണം, മക്കളുടെ വിദ്യാഭ്യാസവും ഭാവിയും വിവാഹവും,ദാമ്പത്യം, മറ്റ്​ കുടുംബപ്രശ്​നങ്ങൾ ഇത്തരം കാരണങ്ങൾ പ്രവാസികളെ അലട്ടാറുണ്ട്​.