കം​ഫ​ര്‍ട്ട് സോ​ണു​ക​ള്‍ പൊ​ളി​യ​ട്ടെ, യാ​ത്ര​ക​ള്‍ തു​ട​ര​ട്ടെ...

ഈ ​ലോ​കം എ​ത്ര മ​നോ​ഹ​ര​മാ​ണ്. അ​ത് ന​മു​ക്ക് കാ​ണാ​നു​ള്ള​താ​ണ്. ആ​ണ്‍ പെ​ണ്‍ വ്യ​ത്യാ​സ​മോ പ്രാ​യ വ്യ​ത്യാ​സ​മോ ഇ​ല്ലാ​തെ എ​ല്ലാ​വ​ര്‍ക്കും ആ​സ്വ​ദി​ക്കാ​വു​ന്ന വ്യ​ത്യ​സ്ത​ത​രം ഭൂ​മി​ക​ക​ള്‍ ഉ​ണ്ട്. യാ​ത്ര ചെ​യ്യു​ക എ​ന്ന​ത് എ​ല്ലാ​വ​രും ജീ​വി​ത​ത്തി​ന്‍റെ ഭാ​ഗ​മാ​ക്കി മാ​റ്റേ​ണ്ട ഒ​രു ശീ​ല​മാ​ണ്. യാ​ത്ര ന​മു​ക്ക് ത​രു​ന്ന അ​നു​ഭ​വ​ങ്ങ​ളും തി​രി​ച്ച​റി​വു​ക​ളും ജീ​വി​ത​ത്തി​ല്‍ അ​ത്ര​മേ​ല്‍ പ്ര​ധാ​ന​മാ​ണ്. അ​ത് മ​നോ​ഹ​ര​മാ​യ സ്ഥ​ല​ങ്ങ​ള്‍ കാ​ണു​ക എ​ന്ന​തു മാ​ത്ര​മ​ല്ല, വ്യ​ത്യ​സ്ത​മാ​യ നാ​ടു​ക​ളും നാ​ട്ടു​കാ​രും സം​സ്‌​കാ​ര​വും അ​നു​ഭ​വി​ക്കു​ക എ​ന്ന​തു​കൂ​ടി​യാ​ണ്. ഓ​രോ യാ​ത്ര​യും മ​നു​ഷ്യ​നെ പു​തു​ക്കി​പ്പ​ണി​യു​ക​യും കൂ​ടു​ത​ല്‍ കൂ​ടു​ത​ല്‍ ഫി​ല്‍റ്റ​ര്‍ ചെ​യ്യ​പ്പെ​ട്ട​വ​രാ​ക്കി മാ​റ്റു​ക​യും ചെ​യ്യു​ന്നു.

യാ​ത്ര ചെ​യ്യാ​ന്‍ എ​പ്പോ​ഴും സ​മ​യം ക​ണ്ടെ​ത്ത​ണം. നി​ങ്ങ​ളു​ടെ കു​ടും​ബ​ജീ​വി​ത​ത്തി​ല്‍ നി​ന്നും തൊ​ഴി​ല്‍ ജീ​വി​ത​ത്തി​ല്‍ നി​ന്നും ബ്രേ​ക്കു​ക​ളെ​ടു​ത്ത് തീ​ര്‍ച്ച​യാ​യും യാ​ത്ര ചെ​യ്യ​ണം. അ​ത് പ​ല​പ്പോ​ഴും നി​ങ്ങ​ളു​ടെ സ്ട്ര​സ്, ടെ​ന്‍ഷ​ന്‍, ഉ​ല്‍ക്ക​ണ്ഠ എ​ന്നി​വ കു​റ​ക്കാ​നും പു​തി​യ മ​നു​ഷ്യ​രാ​യി മ​ട​ങ്ങി​വ​രാ​നും സ​ഹാ​യി​ക്കും. വി​വാ​ഹം ക​ഴി​ഞ്ഞ​വ​രാ​ണെ​ങ്കി​ല്‍ കു​ടും​ബ​ത്തോ​ടൊ​പ്പം യാ​ത്ര ചെ​യ്യു​ന്ന​തോ ഒ​റ്റ​യ്ക്കു യാ​ത്ര ചെ​യ്യു​ന്ന​തോ പ​രി​ഗ​ണി​ക്കാം. പ​ല​പ്പോ​ഴും കു​ടും​ബ​ത്തി​ലെ എ​ല്ലാ​വ​ര്‍ക്കും ഒ​രേ ഇ​ഷ്ട​ങ്ങ​ളാ​യി​രി​ക്കി​ല്ല. ഒ​രാ​ള്‍ക്ക് ബീ​ച്ചാ​ണെ​ങ്കി​ല്‍ മ​റ്റ​യാ​ള്‍ക്ക് മ​ല​ക​ളാ​വാം ഇ​ഷ്ടം. അ​ങ്ങ​നെ​യു​ള്ള സാ​ഹ​ച​ര്യ​ങ്ങ​ളി​ല്‍ ഒ​ന്നി​ച്ചു പോ​കാ​തെ വെ​വ്വേ​റെ പോ​കു​ന്ന​താ​ണ് ന​ല്ല​ത്.

കു​ടും​ബ​ത്തോ​ടൊ​പ്പം അ​ല്ലെ​ങ്കി​ല്‍ ഒ​റ്റ​യ്ക്ക് എ​ങ്ങ​നെ യാ​ത്ര ചെ​യ്യു​മെ​ന്ന് ആ​ശ​ങ്ക​യു​ണ്ടാ​വാം. ഇ​ന്ന് എ​ത്ര​യോ ട്രാ​വ​ല്‍ ഗ്രൂ​പ്പു​ക​ളാ​ണ് ന​മു​ക്ക് നാ​ട്ടി​ലു​ള്ള​ത്. അ​ത്ത​രം ഗ്രൂ​പ്പു​ക​ളു​ടെ കൂ​ടെ പോ​കു​ക​യോ സു​ഹൃ​ത്തു​ക്ക​ളു​മാ​യി ചേ​ര്‍ന്ന് യാ​ത്ര പ്ലാ​ന്‍ ചെ​യ്യു​ക​യോ ആ​വാം. സ്ത്രീ​ക​ള്‍ ത​നി​ച്ച് ലോ​ക​ത്തി​ന്‍റെ ഏ​തു കോ​ണി​ലേ​ക്കും വ​ള​രെ കൂ​ളാ​യി യാ​ത്ര ചെ​യ്യു​ന്ന ഒ​രു കാ​ല​ത്തി​ലാ​ണ് ന​മ്മ​ളു​ള്ള​ത്. യാ​ത്ര അ​ത്ര​യും എ​ളു​പ്പ​വും ആ​യാ​സ​ര​ഹി​ത​വു​മാ​യി മാ​റി​യി​രി​ക്കു​ന്നു. ഏ​തു യാ​ത്ര​യ്ക്കും ആ​വ​ശ്യ​മാ​യ പ്ലാ​നി​ങ്ങു​ക​ള്‍ ന​ട​ത്താ​ന്‍ ഒ​രു മൊ​ബൈ​ല്‍ ഫോ​ണോ കം​പ്യൂ​ട്ട​റോ ധാ​രാ​ളം. യാ​ത്ര​യ്ക്കാ​വ​ശ്യ​മാ​യ ഐ​റ്റി​ന​റി ഉ​ണ്ടാ​ക്കി​ത്ത​രു​ന്ന എ​.ഐ സം​വി​ധാ​ന​ങ്ങ​ള്‍ പോ​ലു​മു​ണ്ട്.

അ​ങ്ങ​നെ യാ​ത്ര​ക്കാ​വ​ശ്യ​മാ​യ സൗ​ക​ര്യ​ങ്ങ​ള്‍ വ​ള​രെ ല​ളി​ത​മാ​യും വേ​ഗ​ത്തി​ലും ല​ഭ്യ​മാ​ണ്. ഇ​നി വേ​ണ്ട​ത് യാ​ത്ര​ക്ക് ത​യ്യാ​റാ​വേ​ണ്ട മ​ന​സ്സു​ക​ളാ​ണ്. യാ​ത്ര ചെ​യ്യാ​ന്‍ താ​ല്‍പ​ര്യ​മി​ല്ലാ​ത്ത​വ​ര്‍ വി​ര​ള​മാ​യി​രി​ക്കും. എ​ന്നാ​ല്‍ പ​ല​രെ​യും പ്ര​ത്യേ​കി​ച്ച് സ്ത്രീ​ക​ളെ അ​തി​ല്‍നി​ന്ന് പി​ന്‍വ​ലി​ക്കു​ന്ന​ത്, അ​വ​രു​ടെ കു​ടും​ബ​സാ​ഹ​ച​ര്യ​ങ്ങ​ളാ​യി​രി​ക്കും. ര​ണ്ടു ദി​വ​സം ഞാ​ന്‍ മാ​റി​നി​ന്നാ​ല്‍ ആ​കെ ത​കി​ടം മ​റി​യു​മെ​ന്ന പേ​ടി​യി​ലാ​ണ് പ​ല​പ്പോ​ഴും സ്ത്രീ​ക​ള്‍ യാ​ത്ര​ക​ള്‍ക്ക് മു​തി​രാ​ത്ത​ത്. അ​ങ്ങ​നെ​യൊ​രു ആ​ലോ​ച​ന​യി​ല്ലാ​തെ പു​രു​ഷ​ന്മാ​ര്‍ക്ക് യാ​ത്ര ചെ​യ്യാ​ന്‍ ക​ഴി​യു​മെ​ങ്കി​ല്‍ സ്ത്രീ​ക​ള്‍ക്കും അ​തി​നു ക​ഴി​യ​ണം. ര​ണ്ടു​ദി​വ​സം പു​രു​ഷ​ന്മാ​ര്‍ വീ​ട്ടി​ലെ കാ​ര്യ​ങ്ങ​ള്‍ നോ​ക്ക​ട്ടെ. കു​ട്ടി​ക​ളെ​യും വീ​ട്ടി​ലെ മ​റ്റു​ള്ള​വ​രെ​യും അ​ത് തു​ട​ക്ക​ത്തി​ലേ ശീ​ലി​പ്പി​ച്ചാ​ല്‍ മാ​ത്രം മ​തി​യാ​കും. അ​മ്മ വീ​ട്ടി​ലി​ല്ലെ​ങ്കി​ലും എ​ല്ലാം കൃ​ത്യ​മാ​യി ന​ട​ക്കു​മെ​ന്ന് അ​വ​രെ ശീ​ലി​പ്പി​ക്ക​ണം. അ​തി​നാ​യി വീ​ട്ടി​ലു​ള്ള എ​ല്ലാ​വ​രെ​യും ഉ​ത്ത​ര​വാ​ദി​ത്ത​മു​ള്ള​വ​രാ​ക്കി മാ​റ്റ​ണം. അ​തി​ന് സ്ത്രീ​ക​ള്‍ മാ​ത്ര​മ​ല്ല, പു​രു​ഷ​ന്മാ​രും സ​ഹ​ക​രി​ക്ക​ണം.

തൊ​ഴി​ല്‍ ജീ​വി​ത​ത്തി​ല്‍ നി​ന്നു മാ​ത്ര​മ​ല്ല, കു​ടും​ബ​ജീ​വി​ത​ത്തി​ല്‍ നി​ന്നു ബ്രേ​ക്ക് എ​ടു​ത്തു പോ​കു​ന്ന​വ​രും ഇ​ന്ന് ധാ​രാ​ള​മാ​ണ്, പ്ര​ത്യേ​കി​ച്ച് സ്ത്രീ​ക​ള്‍. സ്വ​ന്തം സ​ന്തോ​ഷ​ങ്ങ​ള്‍ കോം​പ്ര​മൈ​സ് ചെ​യ്ത് കു​ടും​ബ​ത്തി​നു വേ​ണ്ടി മാ​ത്രം ജീ​വി​ച്ച് ത​ന്‍റെ ന​ല്ല​കാ​ലം ന​ഷ്ട​പ്പെ​ട്ടു എ​ന്ന തി​രി​ച്ച​റി​വി​ല്‍ നി​ന്നാ​ണ് പ​ല​പ്പോ​ഴും സ്ത്രീ​ക​ളു​ടെ യാ​ത്ര​ക​ള്‍ സം​ഭ​വി​ക്കു​ന്ന​ത്. അ​ങ്ങ​നെ ന​ഷ്ട​പ്പെ​ടാ​ന്‍ അ​നു​വ​ദി​ക്ക​രു​ത് എ​ന്നാ​ണ് ഞാ​ന്‍ പ​റ​യാ​ന്‍ ശ്ര​മി​ക്കു​ന്ന​ത്. ജീ​വി​ത​ത്തി​ല്‍ നി​ങ്ങ​ള്‍ സ്വ​ത​ന്ത്ര​രാ​യി, ജോ​ലി​യു​ള്ള​വ​രാ​യി, വ​രു​മാ​ന​മു​ള്ള​വ​രാ​യി മാ​റി​ക്ക​ഴി​ഞ്ഞാ​ന്‍ എ​ത്ര​യും പെ​ട്ടെ​ന്നു​ത​ന്നെ നി​ങ്ങ​ളു​ടെ ഇ​ഷ്ട​ങ്ങ​ളെ പി​ന്തു​ട​രു​ക. അ​തി​നാ​യി കാ​ത്തി​രി​ക്കു​ക​യോ അ​തി​നു​ള്ള സ​മ​യ​മാ​യി​ട്ടി​ല്ല എ​ന്നു ആ​ലോ​ചി​ക്കു​ക​യോ ചെ​യ്യ​രു​ത്. ന​ല്ല സ​മ​യം എ​പ്പോ​ഴും ദാ ​ഇ​പ്പോ​ഴാ​ണ്.

യാ​ത്ര ന​മ്മ​ളെ ജീ​വി​ത​ത്തെ​ക്കു​റി​ച്ചും ന​മ്മ​ളെ​ക്കു​റി​ച്ചു ത​ന്നെ​യും കൂ​ടു​ത​ല്‍ വ്യ​ക്ത​ത​യു​ള്ള​വ​രാ​ക്കി മാ​റ്റു​ന്നു. ന​മ്മു​ടെ കം​ഫ​ര്‍ട്ട് സോ​ണു​ക​ളെ അ​ത് പൊ​ളി​ച്ചു​പ​ണി​യു​ന്നു. വ്യ​ത്യ​സ്ത​മാ​യ സാ​ഹ​ച​ര്യ​ങ്ങ​ളി​ല്‍ ജീ​വി​ക്കാ​നും അ​ഡ്ജ​സ്റ്റ് ചെ​യ്യു​വാ​നും പ​ഠി​പ്പി​ക്കു​ന്നു. വ്യ​ത്യ​സ്ത​രാ​യ മ​നു​ഷ്യ​രും അ​വ​രു​ടെ രീ​തി​ക​ളും സം​സ്‌​ക്കാ​ര​ങ്ങ​ളും ഭ​ക്ഷ​ണ​വും കാ​ണാ​നും ഉ​ള്‍ക്കൊ​ള്ളാ​നു​മു​ള്ള വി​ശാ​ല​ത സൃ​ഷ്ടി​ക്കു​ന്നു.

ജീ​വി​ത​ത്തി​ല്‍ യാ​ത്ര​ക​ള്‍ക്കാ​യു​ള്ള ഇ​ട​വേ​ള​ക​ള്‍ ക​ണ്ടു​പി​ടി​ക്ക​പ്പെ​ട​ട്ടെ. എ​ല്ലാ​വ​രും യാ​ത്ര ചെ​യ്യു​ന്ന ഒ​രു പു​തി​യ​ലോ​കം രൂ​പ​പ്പെ​ട​ട്ടെ.