ഇസ്രയേലിൽ വാക്​സിൻ സ്വീകരിച്ച 13 പേർക്ക് നേരിയ​ പക്ഷാഘാതമെന്ന്​; കൂടുതൽ ഡോസ്​ നൽകാൻ ഭയന്ന്​ വിദഗ്​ധർ

ജെറുസലേം: ഇസ്രയേലിൽ കോവിഡ്​ പ്രതിരോധ വാക്​സിനെടുത്ത 13 ഒാളം പേർക്ക്​ നേരിയ പക്ഷാഘാതം (facial paralysis) സംഭവിച്ചതായി റിപ്പോർട്ട്​. വാക്​സി​െൻറ അത്തരം പാർശ്വഫലങ്ങൾ ബാധിച്ചവരുടെ എണ്ണം റിപ്പോർട്ട് ചെയ്തതിനേക്കാൾ കൂടുതലാവാൻ സാധ്യതയുണ്ടെന്നും ആരോഗ്യ മന്ത്രാലയം അറിയിച്ചു. സംഭവത്തിന്​ പിന്നാലെ ആളുകൾക്ക്​ വാക്​സി​െൻറ രണ്ടാമത്തെ ഡോസ്​ നൽകാൻ വിദഗ്​ധർ ഭയപ്പെടുകയാണ്​. എന്നാൽ, ആരോഗ്യ മന്ത്രാലയം അതിന്​ നിർബന്ധിക്കുകയാണെന്നും WION പുറത്തുവിട്ട റിപ്പോർട്ടിൽ പറയുന്നു.

'കുറഞ്ഞത്​ 28 മണിക്കൂർ നേരത്തേക്കെങ്കിലും എനിക്ക്​ മുഖത്ത്​ പക്ഷാഘാതം അനുഭവപ്പെട്ടിരുന്നു. അതിന്​ ശേഷം അതി​െൻറ ബുദ്ധിമുട്ടുകൾ പൂർണ്ണമായും മാറി എന്നും പറയാനാവില്ല. അതേസമയം, വാക്​സിൻ കുത്തിവെച്ച ഭാഗത്തുള്ള വേദനയൊഴിച്ച്​ എനിക്ക്​ മറ്റ്​ വേദനകളൊന്നും തന്നെയുണ്ടായിരുന്നില്ല'. -വാക്​സിൻ സ്വീകരിച്ച ഒരാൾ Ynet-നോട്​ പ്രതികരിച്ചു.

കഴിഞ്ഞ മാസം യുകെയിൽ സമാനമായ ഒരു സംഭവം റിപ്പോർട്ട് ചെയ്യപ്പെട്ടിരുന്നു. ട്രയൽ ഘട്ടത്തിലായിരുന്ന ഫൈസർ വാക്സിൻ നൽകിയ നാല് സന്നദ്ധപ്രവർത്തകർക്കായിരുന്നു അന്ന്​​ ബെൽസ്​ പാൾസിയുണ്ടായത്​. 2020 ഡിസംബർ 20 നാണ് ഇസ്രായേൽ കോവിഡ് -19 വാക്സിനേഷൻ ഡ്രൈവ് ആരംഭിച്ചത്. 60 വയസും അതിൽ കൂടുതലുമുള്ളവരിൽ 72 ശതമാനം പേർക്ക് ഇതിനകം പ്രതിരോധ കുത്തിവയ്പ് നൽകിയിട്ടുണ്ട്.