ഇൻസുലിൻ ഉൽപന്നങ്ങൾക്ക്​ 20 മുതൽ 24 ശതമാനം വരെ വിലക്കുറവ്​

കൊച്ചി: സിവിൽ സപ്ലൈസ്​ ഒൗട്ട്​​ലെറ്റുകൾ വഴി വിതരണം ചെയ്യുന്ന ഇൻസുലിൻ ഉൽപന്നങ്ങൾക്ക്​ എം.ആർ.പിയിൽനിന്ന് 20 മുതൽ 24 ശതമാനം വരെ വിലക്കുറവ്​ നൽകും. 50 ശതമാനത്തിൽ കൂടുതൽ മാർജിൻ ലഭിക്കുന്ന മരുന്നുകൾക്ക് പരമാവധി വിൽപനവില പർച്ചേസ്​ വിലയിൽ മാർജിന് 20 മുതൽ 22 ശതമാനം വരെയായി പുനർനിശ്ചയിച്ചു.

ഇൻസുലിൻ ഇതര ഉൽപന്നങ്ങൾ കുറഞ്ഞ ഡിസ്കൗണ്ട് 13 ശതമാനമാക്കി. 50 ശതമാനത്തിൽ കൂടുതൽ മാർജിൻ ലഭിക്കുന്ന മരുന്നുകൾ വാങ്ങൽ വിലയുടെ 25 ശതമാനമായി കുറച്ചു. മെഡിക്കൽ-സർജിക്കൽ ഉപകരണങ്ങൾ എഫ്.എം.സി.ജി ഉൽപന്നങ്ങൾ എന്നിവയുടെ വിലയും കുറച്ചു. 20 ശതമാനം പർച്ചേസ്​ മാർജിൻ ലഭിക്കുന്ന ഉപഭോക്തൃ ഉൽപന്നങ്ങൾക്ക് പർച്ചേസ്​ നിരക്കിൽ അഞ്ചുശതമാനം മാർജിനിൽ വിൽപനവില പുനർനിശ്ചയിച്ചു.

മെഡിക്കൽ ഹോൾസെയിൽ ഡിവിഷൻ സ്വതന്ത്ര പ്രവർത്തനച്ചുമതലയുള്ള മേഖല മെഡിസിൻ ഡിപ്പോയാക്കി ഉയർത്തി. കമ്പനികളുടെ ഏകീകൃത പർച്ചേസ്​ സംവിധാനത്തിൽ കൊണ്ടുവരുന്നതിന്​ കേന്ദ്ര കാര്യാലയത്തിൽ ജനറൽ മാനേജറുടെ നേതൃത്വത്തിൽ മെഡിക്കൽ ഉപദേശകനെ ഉൾപ്പെടുത്തി കമ്മിറ്റി രൂപവത്​കരി​െച്ചന്നും അദ്ദേഹം പറഞ്ഞു. സപ്ലൈകോ ഹൈപർ മാർക്കറ്റും മന്ത്രി സന്ദർശിച്ചു.