
ഇ-സഞ്ജീവനി വഴി 33 സേവനങ്ങൾ; ഓൺലൈനിൽ ചികിത്സ തേടും മുമ്പ് ഇക്കാര്യങ്ങൾ ശ്രദ്ധിക്കാം
text_fieldsകണ്ണൂർ: ആശുപത്രികളില് രോഗികളുടെ തിരക്ക് ക്രമാതീതമായി വര്ധിക്കുന്ന സാഹചര്യത്തില് ഇ-സഞ്ജീവനി വഴി ചികിത്സ തേടാം. കോവിഡ്-19 വാക്സിനേഷനുമായി ബന്ധപ്പെട്ട എല്ലാ സംശയങ്ങള്ക്കും ഇ-സഞ്ജീവനി ടെലിമെഡിസിന് ഒ.പി.ഡി വഴി മറുപടി ലഭിക്കും. ഇ-സഞ്ജീവനിയിലൂടെ സ്പെഷാലിറ്റി, സൂപ്പര് സ്പെഷാലിറ്റി സേവനങ്ങള് ഉള്പ്പെടെ 33 തരം ഒ.പി.ഡി സേവനങ്ങള് ലഭ്യമാണ്.
ജനറല് ഒ.പി (രാവിലെ എട്ട് മുതല് രാത്രി എട്ട് വരെ), ശിശു-നവജാത ശിശു വിഭാഗം (തിങ്കള്-ശനി, രാവിലെ 10 - ഉച്ച ഒരു മണി), മാനസികാരോഗ്യ വിഭാഗം (തിങ്കള്-വെള്ളി, രാവിലെ ഒമ്പത്-ഉച്ച ഒരു മണി), പോസ്റ്റ് കോവിഡ് ഒ.പി(എല്ലാ ദിവസവും രാവിലെ ഒമ്പത്-വൈകീട്ട് അഞ്ച് മണി), കുഞ്ഞുങ്ങളിലെ വൈകല്യങ്ങളുമായി ബന്ധപ്പെട്ട ചികിത്സക്കുള്ള ഡി.ഇ.ഐ.സി ഒ.പി (തിങ്കള്-വെള്ളി, രാവിലെ 10 വൈകീട്ട് നാല്) കൗമാര ക്ലിനിക് (തിങ്കള്-വെള്ളി, രാവിലെ 10-വൈകീട്ട് നാല്).
സ്പെഷാലിറ്റി ഒ.പികള്: ഇന്ത്യന് ഇൻസ്റ്റിറ്റ്യൂട്ട് ഓഫ് ഡയബറ്റിക്സ് തിരുവനന്തപുരം- എൻ.സി.ഡി ഒ.പി (ചൊവ്വ, വ്യാഴം, ഉച്ച രണ്ട്-വൈകീട്ട് നാല്). ഇംഹാന്സ് കോഴിക്കോട്- കുട്ടികള്ക്കും (ചൊവ്വ) മുതിര്ന്നവര്ക്കുമുള്ള (ബുധന്) പ്രത്യേക മാനസികാരോഗ്യ ക്ലിനിക് (രാവിലെ 10-ഉച്ച 12). മലപ്പുറം ജില്ലയിലെ വിദഗ്ധര് നേതൃത്വം നല്കുന്ന മാനസികാരോഗ്യ ക്ലിനിക്കുകള് (ചൊവ്വ, വ്യാഴം രാവിലെ ഒമ്പത്-ഉച്ച ഒരു മണി), ഡെര്മറ്റോളജി ഒ.പി (വ്യാഴം രാവിലെ ഒമ്പത്-ഉച്ച ഒരു മണി).
മലബാര് കാന്സര് സെൻറര് തലശ്ശേരി ഹെഡ്-നെക്ക് കാന്സര് വിഭാഗം (ചൊവ്വ, വെള്ളി), സര്ജിക്കല് ഓങ്കോളജി (തിങ്കള്, വ്യാഴം), മെഡിക്കല് ഓങ്കോളജി (ബുധന്, വെള്ളി), രക്താര്ബുദ സംബന്ധമായ ഹെമറ്റോളജി ക്ലിനിക്കുകള് (ചൊവ്വ, വ്യാഴം), സ്തനാര്ബുദ/ഗൈനക്കോളജിക്കല് കാന്സര് ക്ലിനിക്കുകള് (തിങ്കള്, ബുധന്), ശ്വാസകോശ സംബന്ധമായ ക്ലിനിക് (വെള്ളി), കുട്ടികളിലെ കാന്സര് ചികിത്സ ക്ലിനിക് (ബുധന്), റേഡിയേഷന് ക്ലിനിക് (തിങ്കള്, വ്യാഴം), പുനരധിവാസ ക്ലിനിക്കുകളും നേത്രരോഗ ചികിത്സ വിഭാഗവും (വെള്ളി), സാന്ത്വന പരിചരണ ചികിത്സ ക്ലിനിക്കുകള് (ചൊവ്വ, വെള്ളി) എന്നിവ ഉച്ചകഴിഞ്ഞ് മൂന്നുമണി മുതല് നാലുമണി വരെയും കൊച്ചിന് കാന്സര് സെൻറര്- ഹെഡ്്, നെക്ക് വിഭാഗം (ബുധന്, വെള്ളി), മെഡിക്കല് ഓങ്കോളജി (തിങ്കള്, ചൊവ്വ), ഗര്ഭാശയ കാന്സര് ക്ലിനിക് (വ്യാഴം), റേഡിയേഷന് ക്ലിനിക് (വ്യാഴം, വെള്ളി) എന്നിവ രാവിലെ ഒമ്പത് മുതല് ഉച്ച 12 മണിവരെയും റീജനല് കാന്സര് സെൻറര് തിരുവനന്തപുരം- സംശയ നിവാരണവും നിര്ദേശങ്ങളും വിഭാഗം (ചൊവ്വ, വെള്ളി ഉച്ച രണ്ട്-മൂന്ന് മണി), ഡി.ഇ.എഫ് ക്ലിനിക്കുകള് (ചൊവ്വാഴ്ചകളില് യഥാക്രമം ഉച്ചകഴിഞ്ഞ് 2.30-3.30, 2-2.45, 3.30-4.15), സി.ബി.എ ക്ലിനിക്കുകള്(വെള്ളിയാഴ്ചകളില് യഥാക്രമം ഉച്ച 2-2.45, 2.45-3.30, 3.30-4.14).
കോഴിക്കോട് ജില്ലയിലെ വിദഗ്ധ ഡോക്ടര്മാരുടെ നേതൃത്വത്തില് ത്വഗ്രോഗവിഭാഗം (തിങ്കള്, ചൊവ്വ, വ്യാഴം രാവിലെ ഒമ്പത്- ഉച്ചക്ക് ഒരു മണി), ശിശുരോഗ വിഭാഗം (ബുധന്-ശനി രാവിലെ ഒമ്പത്-ഒരു മണി), ഒബ്സ്റ്റട്രിക്സ്, ഗൈനക്കോളജി (വെള്ളി ഉച്ച രണ്ട്-വൈകീട്ട് നാല്), മാനസികാരോഗ്യ ക്ലിനിക്കുകള് (ചൊവ്വ, വ്യാഴം രണ്ട്-നാല് മണി), ഹൃദ്രോഗ ചികിത്സ വിഭാഗം (വെള്ളി രാവിലെ ഒമ്പത്-ഉച്ച ഒരു മണി), ജനറല് മെഡിസിന് (ചൊവ്വ, വ്യാഴം, ശനി ഒമ്പത്-ഒരു മണി) എന്നിവയും പ്രവര്ത്തിക്കും.
esanjeevani OPD ആപ്ലിക്കേഷന് വഴിയും വെബ്സൈറ്റ് വഴിയും ടെലി മെഡിസിന് സേവനം ഉപയോഗപ്പെടുത്താം.

Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.