ആഫ്രിക്കൻ പന്നിപ്പനി: കർശന നടപടികളുമായി മൃഗസംരക്ഷണ വകുപ്പ്

തി​രു​വ​ന​ന്ത​പു​രം: ആ​ഫ്രി​ക്ക​ൻ പ​ന്നി​പ്പ​നി വ്യാ​പ​ക​മാ​യി റി​പ്പോ​ർ​ട്ട് ചെ​യ്യു​ന്ന സാ​ഹ​ച​ര്യ​ത്തി​ൽ അ​യ​ൽ സം​സ്ഥാ​ന​ങ്ങ​ളി​ൽ​നി​ന്ന് പ​ന്നി​ക​ളു​ടെ​യും പ​ന്നി​മാം​സ​ത്തി​ന്‍റെ​യും വ​ര​വ്​ സ​ർ​ക്കാ​ർ ത​ട​ഞ്ഞെ​ങ്കി​ലും ഇ​ത്​ വ്യാ​പ​ക​മാ​യി തു​ട​രു​ന്ന​താ​യി പ​രാ​തി. ഈ ​സാ​ഹ​ച​ര്യ​ത്തി​ൽ കൂ​ടു​ത​ൽ ക​ർ​ശ​ന ന​ട​പ​ടി​ക​ളു​മാ​യി മൃ​ഗ​സം​ര​ക്ഷ​ണ വ​കു​പ്പ് രം​ഗ​ത്തു​വ​ന്നു.

സം​സ്ഥാ​ന​ത്തി​ന​ക​ത്ത് പ​ന്നി​ക​ളെ കൊണ്ടു പോകുന്നതിന് നി​യ​ന്ത്ര​ണം ഏ​ർ​പ്പെ​ടു​ത്തും. പ​ന്നി​ക​ൾ​ക്ക് അ​സു​ഖം ബാ​ധി​ച്ചി​ട്ടി​ല്ലെ​ന്ന് പ്രാ​ദേ​ശി​ക വെ​റ്റ​റി​ന​റി സ​ർ​ജ​ൻ ന​ൽ​കി​യ സ​ർ​ട്ടി​ഫി​ക്ക​റ്റ് വാ​ഹ​ന​ത്തി​ൽ നി​ർ​ബ​ന്ധ​മാ​യും ക​രു​ത​ണം. അ​ല്ലാ​ത്ത​പ​ക്ഷം, വാ​ഹ​ന​മ​ട​ക്കം പി​ടി​ച്ചെ​ടു​ത്ത് നി​യ​മ​ന​ട​പ​ടി​ക​ൾ സ്വീ​ക​രി​ക്കും.

അ​തി​ർ​ത്തി​ക​ളി​ൽ പ്ര​ത്യേ​ക സ്‌​ക്വാ​ഡു​ക​​ളെ നി​യോ​ഗി​ക്കും. നി​രോ​ധ​നം ലം​ഘി​ച്ച്​ ക​ട​ത്ത് ന​ട​ത്തു​ന്ന വാ​ഹ​നം പി​ടി​ച്ചെ​ടു​ക്കു​ക​യും ന​ട​പ​ടി​ക​ൾ സ്വീ​ക​രി​ക്കു​ക​യും ചെ​യ്യു​ന്ന​തി​നു​ള്ള ചെ​ല​വ് വാ​ഹ​ന ഉ​ട​മ​യി​ൽ നി​ന്നോ പ​ന്നി​ക​ളു​ടെ ഉ​ട​മ​സ്ഥ​രി​ൽ​നി​ന്നോ ഈ​ടാ​ക്കും. നി​രോ​ധ​നം ലം​ഘി​ച്ച് അ​യ​ച്ചാ​ൽ വാ​ങ്ങി​യ​യാ​ൾ​ക്കും വി​ൽ​പ​ന​ക്കാ​ര​നു​മെ​തി​രെ ക​ർ​ശ​ന നി​യ​മ​ന​ട​പ​ടി​ക​ൾ കൈ​ക്കൊ​ള്ളും.

ക്വാ​റ​ന്‍റീ​ൻ കാ​ലാ​വ​ധി പ​രി​ശോ​ധ​ന ന​ട​ത്തി അ​സു​ഖം ഉ​ണ്ടെ​ന്ന് തെ​ളി​ഞ്ഞാ​ൽ അ​വ​യെ മു​ഴു​വ​ൻ ദ​യാ​വ​ധം ന​ട​ത്തു​ക​യും ശാ​സ്ത്രീ​യ​മാ​യി സം​സ്‌​ക​രി​ക്കു​ക​യും ചെ​യ്യും. ചെ​ല​വ് ന​ട​ത്തു​ന്ന വാ​ഹ​ന ഉ​ട​മ​യി​ൽ​നി​ന്നോ ഉ​ട​മ​സ്ഥ​രി​ൽ​നി​ന്നോ ഈ​ടാ​ക്കും.മൃ​ഗ​ങ്ങ​ളെ ബാ​ധി​ക്കു​ന്ന പ​ക​ർ​ച്ച​വ്യാ​ധി​യും സാം​ക്ര​മി​ക രോ​ഗ​ങ്ങ​ളും ത​ട​യ​ൽ നി​യ​മം (2009) പ്ര​കാ​രം ആ​ഫ്രി​ക്ക​ൻ പ​ന്നി​പ്പ​നി സ്ഥി​രീ​ക​രി​ച്ചാ​ൽ ഒ​രു കി​ലോ​മീ​റ്റ​ർ ചു​റ്റ​ള​വി​ലു​ള്ള ഫാ​മു​ക​ളി​ലെ മു​ഴു​വ​ൻ പ​ന്നി​ക​ളെ​യും ദ​യാ​വ​ധം ന​ട​ത്തി ന​ഷ്ട​പ​രി​ഹാ​രം കൊ​ടു​ക്ക​ണ​മെ​ന്ന കേ​ന്ദ്ര സ​ർ​ക്കാ​റി​ന്‍റെ നി​ർ​ദേ​ശം സം​സ്ഥാ​ന​ത്ത് ന​ട​പ്പാ​ക്കി​വ​രി​ക​യാ​ണ്.

നാ​ളി​തു​വ​രെ 1,33,00,351 രൂ​പ ന​ഷ്ട​പ​രി​ഹാ​ര​വും പ്ര​തി​രോ​ധ പ്ര​വ​ർ​ത്ത​ന​ങ്ങ​ൾ​ക്കു​മാ​യി ന​ൽ​കി. സം​സ്ഥാ​ന​ത്ത് ക​ണ്ണൂ​ർ, വ​യ​നാ​ട്, തൃ​ശൂ​ർ, പാ​ല​ക്കാ​ട്, കോ​ട്ട​യം ജി​ല്ല​ക​ളി​ൽ ആ​ഫ്രി​ക്ക​ൻ പ​ന്നി​പ്പ​നി സ്ഥി​രീ​ക​രി​ച്ചി​ട്ടു​ണ്ട്.