തലവേദനക്ക് കുത്തിവെപ്പെടുത്ത കുട്ടിയുടെ കാല് തളർന്ന സംഭവം; െഡപ്യൂട്ടി ഡി.എം.ഒ അന്വേഷണത്തിനെത്തി

ചാ​വ​ക്കാ​ട്: താ​ലൂ​ക്ക് ആ​ശു​പ​ത്രി​യി​ല്‍ ത​ല​വേ​ദ​ന​ക്ക് കു​ത്തി​വെ​പ്പെ​ടു​ത്ത എ​ഴു​വ​യ​സ്സുകാ​ര​ന്റെ കാ​ല് ത​ള​ർ​ന്ന സം​ഭ​വ​ത്തി​ൽ ആ​രോ​പ​ണ​വി​ധേ​യ​യാ​യ ഡോ​ക്ട​റെ അ​ന്വേ​ഷ​ണ വി​ധേ​യ​മാ​യി മാ​റ്റി നി​ര്‍ത്തി. സം​ഭ​വം അ​ന്വേ​ഷി​ക്കാ​ൻ ഡി.​എം.​ഒ ചു​മ​ത​ല​പ്പെ​ടു​ത്തി​യ ഡെ​പ്യൂ​ട്ടി ഡി.​എം.​ഒ ഡോ. ​ഷീ​ജ​യു​ടെ നേ​തൃ​ത്വ​ത്തി​ലു​ള്ള സം​ഘം വെ​ള്ളി​യാ​ഴ്ച താ​ലൂ​ക്ക് ആ​ശു​പ​ത്രി​യി​ലെ​ത്തി.

ആ​ശു​പ​ത്രി അ​ധി​കൃ​ത​രി​ല്‍നി​ന്ന് വി​വ​ര​ങ്ങ​ള്‍ ശേ​ഖ​രി​ച്ച ശേ​ഷ​മാ​ണ് കു​ട്ടി​ക്ക് കു​ത്തി​വെ​പ്പെ​ടു​ക്കാ​ന്‍ നി​ര്‍ദേ​ശി​ച്ച ഡോ​ക്ട​റെ​യും അ​ന്വേ​ഷ​ണ വി​ധേ​യ​മാ​യി മാ​റ്റി നി​ര്‍ത്താ​ന്‍ തീ​രു​മാ​നി​ച്ച​ത്. ഡ​പ്യൂ​ട്ടി ഡി.​എം.​ഒ.​യു​ടെ നേ​തൃ​ത്വ​ത്തി​ലു​ള്ള അ​ന്വേ​ഷ​ണ ക​മീ​ഷ​ന്‍ റി​പ്പോ​ര്‍ട്ട് ഡി.​എം.​ഒ​ക്ക് സ​മ​ര്‍പ്പി​ക്കു​ന്ന മു​റ​ക്ക് സം​ഭ​വ​ത്തി​ല്‍ കൂ​ടു​ത​ല്‍ ന​ട​പ​ടി​ക​ളു​ണ്ടാ​കു​മെ​ന്നാ​ണ് സൂ​ച​ന. വ്യാ​ഴാ​ഴ്ച കു​ട്ടി​ക്ക് കു​ത്തി​വെ​പ്പെ​ടു​ത്ത പു​രു​ഷ ന​ഴ്സി​നെ മാ​റ്റി നി​ർ​ത്തി​യി​രു​ന്നു.

അ​തി​നി​ടെ മു​സ്‍ലിം യൂ​ത്ത് ലീ​ഗ് ഗു​രു​വാ​യൂ​ര്‍ നി​യോ​ജ​ക​മ​ണ്ഡ​ലം ക​മ്മി​റ്റി നേ​താ​ക്ക​ള്‍ പ്ര​തി​ഷേ​ധ​വു​മാ​യി ആ​ശു​പ​ത്രി​യി​ലെ​ത്തി സൂ​പ്ര​ണ്ടി​നെ​യും ഡെ​പ്യൂ​ട്ടി ഡി.​എം.​ഒ.​യെ​യും ക​ണ്ട് ആ​രോ​പ​ണ​വി​ധേ​യ​യാ​യ ഡോ​ക്ട​റെ മാ​റ്റി​നി​ര്‍ത്ത​ണ​മെ​ന്ന് ആ​വ​ശ്യ​മു​ന്ന​യി​ച്ചു. വ​കു​പ്പു​ത​ല അ​ന്വേ​ഷ​ണ റി​പ്പോ​ര്‍ട്ടി​ന്റെ അ​ടി​സ്ഥാ​ന​ത്തി​ല്‍ ശി​ക്ഷാ​ന​ട​പ​ടി​ക​ള്‍ സ്വീ​ക​രി​ക്കു​മെ​ന്ന് ഉ​റ​പ്പു ല​ഭി​ച്ച​തി​നെ​തു​ട​ര്‍ന്നാ​ണ് പ്ര​തി​ഷേ​ധം അ​വ​സാ​നി​പ്പി​ച്ച​ത്.

യൂ​ത്ത് ലീ​ഗ് ജി​ല്ല ജ​ന​റ​ല്‍ സെ​ക്ര​ട്ട​റി നൗ​ഷാ​ദ് തെ​രു​വ​ത്ത്, നി​യോ​ജ​ക മ​ണ്ഡ​ലം പ്ര​സി​ഡ​ന്റ് ടി.​ആ​ര്‍. ഇ​ബ്രാ​ഹിം, ജ​ന​റ​ല്‍ സെ​ക്ര​ട്ട​റി ക​ബീ​ര്‍ ഫൈ​സി, ജി​ല്ല സെ​ക്ര​ട്ട​റി ഷ​ജീ​ര്‍ പു​ന്ന, നേ​താ​ക്ക​ളാ​യ എം.​സി. ഗ​ഫൂ​ര്‍, റാ​ഫി അ​ണ്ട​ത്തോ​ട്, ആ​രി​ഫ് പാ​ല​യൂ​ര്‍ തു​ട​ങ്ങി​യ​വ​രു​ടെ നേ​തൃ​ത്വ​ത്തി​ലാ​ണ് പ്ര​തി​ഷേ​ധ​ക്കാ​രെ​ത്തി​യ​ത്.

വി​ദ്യാ​ർ​ഥി​യു​ടെ ചി​കി​ത്സാ ചെ​ല​വ് സ​ര്‍ക്കാ​ര്‍ വ​ഹി​ക്ക​ണ​മെ​ന്നും സ​ര്‍ക്കാ​ര്‍ ത​ല​ത്തി​ല്‍ ന​ഷ്ട​പ​രി​ഹാ​രം ന​ല്‍ക​ണ​മെ​ന്നും യൂ​ത്ത് ലീ​ഗ് ആ​വ​ശ്യ​പ്പെ​ട്ടു. പാ​ല​യൂ​ര്‍ നാ​ല​ക​ത്ത് കാ​ര​ക്കാ​ട് ഷാ​ഫി​ലി​ന്‍റെ മ​ക​ൻ മു​ഹ​മ്മ​ദ് ഗ​സാ​ലി​യാ​ണ് ഇ​ട​തു​കാ​ലി​ലെ ക​ടു​ത്ത വേ​ദ​ന​യെ തു​ട​ര്‍ന്ന് ന​ട​ക്കാ​ന്‍ ക​ഴി​യാ​ത്ത സ്ഥി​തി​യി​ലാ​യ​ത്.

ക​ഴി​ഞ്ഞ ഒ​ന്നി​ന് വൈ​കീ​ട്ട് ആ​റോ​ടെ​യാ​ണ് ത​ല​വേ​ദ​ന​യെ തു​ട​ര്‍ന്ന് കു​ട്ടി​യു​ടെ മാ​താ​വ് ഹി​ബ മ​ക​നു​മാ​യി താ​ലൂ​ക്ക് ആ​ശു​പ​ത്രി​യി​ലെ അ​ത്യാ​ഹി​ത വി​ഭാ​ഗ​ത്തി​ലെ​ത്തി​യ​ത്. പ​രി​ശോ​ധി​ച്ച ഡോ​ക്ട​റെ ഒ​ന്നാം പ്ര​തി​യാ​യും കു​ത്തി​വെ​പ്പെ​ടു​ത്ത പു​രു​ഷ ന​ഴ്സി​നെ ര​ണ്ടാം പ്ര​തി​യാ​യും നേ​ര​ത്തെ ചാ​വ​ക്കാ​ട് പൊ​ലീ​സ് കേ​സെ​ടു​ത്തി​രു​ന്നു. ഗു​രു​വാ​യൂ​ര്‍ എ.​സി.​പി​ക്കാ​ണ് കേ​സി​ന്റെ അ​ന്വേ​ഷ​ണ ചു​മ​ത​ല.