കു​ഷ്ഠ​രോ​ഗ ബാ​ധി​ത​രെ കണ്ടെത്തുന്നതിനുള്ള‘അ​ശ്വ​മേ​ധം’ കാമ്പയിന് ഇന്ന് തുടക്കം

തി​രു​വ​ന​ന്ത​പു​രം: കു​ഷ്ഠ​രോ​ഗ ബാ​ധി​ത​രെ ഗൃ​ഹ​സ​ന്ദ​ര്‍ശ​ന​ത്തി​ലൂ​ടെ ക​ണ്ടെ​ത്തി രോ​ഗ​നി​ര്‍ണ​യം ന​ട​ത്തി ചി​കി​ത്സ ല​ഭ്യ​മാ​ക്കു​ന്ന ‘അ​ശ്വ​മേ​ധം’ കാ​മ്പ​യി​നിന്റെ സം​സ്ഥാ​ന​ത​ല ഉ​ദ്ഘാ​ട​നം ബു​ധ​നാ​ഴ്ച രാ​വി​ലെ 11ന്​ ​പേ​രൂ​ര്‍ക്ക​ട ജി​ല്ല മാ​തൃ​ക ആ​ശു​പ​ത്രി​യി​ല്‍ മ​ന്ത്രി വീ​ണ ജോ​ര്‍ജ് നി​ര്‍വ​ഹി​ക്കും.

കേ​ര​ള​ത്തി​ല്‍ പ​തി​നാ​യി​ര​ത്തി​ല്‍ 0.13 എ​ന്ന നി​ര​ക്കി​ല്‍ കു​ഷ്ഠ​രോ​ഗം റി​പ്പോ​ര്‍ട്ട് ചെ​യ്യ​പ്പെ​ടു​ന്നു​ണ്ട്. കു​ട്ടി​ക​ളി​ലും കു​ഷ്ഠ​രോ​ഗം സ്ഥി​രീ​ക​രി​ക്കു​ന്നു.

മൈ​ക്കോ​ബാ​ക്റ്റീ​രി​യം ലെ​പ്രെ എ​ന്ന ബാ​ക്ടീ​രി​യ വ​ഴി പ​ക​രു​ന്ന രോ​ഗ​ത്തെ ആ​റു​മു​ത​ല്‍ 12 മാ​സം വ​രെ​യു​ള്ള ചി​കി​ത്സ​യി​ലൂ​ടെ പൂ​ര്‍ണ​മാ​യും ചി​കി​ത്സി​ച്ച്​ ഭേ​ദ​മാ​ക്കാം. ചി​കി​ത്സ​യി​ലു​ള്ള രോ​ഗി​യി​ല്‍നി​ന്ന്​ രോ​ഗാ​ണു​ക്ക​ള്‍ വാ​യു​വി​ലൂ​ടെ പ​ക​രി​ല്ല. സ​ര്‍ക്കാ​ര്‍ ആ​രോ​ഗ്യ കേ​ന്ദ്ര​ങ്ങ​ളി​ല്‍ ചി​കി​ത്സ പൂ​ര്‍ണ​മാ​യും സൗ​ജ​ന്യ​മാ​ണ്. രോ​ഗാ​ണു​ക്ക​ള്‍ ശ​രീ​ര​ത്തി​ല്‍ പ്ര​വേ​ശി​ച്ചാ​ല്‍ രോ​ഗ ല​ക്ഷ​ണ​ങ്ങ​ള്‍ ക​ണ്ടു​തു​ട​ങ്ങാ​ൻ മൂ​ന്നു​മു​ത​ല്‍ അ​ഞ്ചു വ​ര്‍ഷം വ​രെ എ​ടു​ക്കും.