അർബുദ കാമ്പയിൻ: 4412 പേർക്ക്​ തുടർപരിശോധന

കോ​ട്ട​യം: സ്​​ത്രീ​ക​ളി​ലെ അ​ർ​ബു​ദം മു​ൻ​കൂ​ട്ടി ക​​ണ്ടെ​ത്താ​ൻ ല​ക്ഷ്യ​മി​ട്ട്​ ആ​രോ​ഗ്യ​വ​കു​പ്പ്​ ന​ട​ത്തി​യ കാ​മ്പ​യി​നി​ൽ ജി​ല്ല​യി​ൽ 4412 പേ​ർ​ക്ക് തു​ട​ർ​പ​രി​ശോ​ധ​ന​ക്ക്​ നി​ർ​ദേ​ശം. സ്‌​ക്രീ​നി​ങ്ങി​ൽ സം​ശ​യം തോ​ന്നി​യ​വ​ർ​ക്കാ​ണ്​ വി​ശ​ദ​പ​രി​ശോ​ധ​ന. അ​ർ​ബു​ദ പ്ര​തി​രോ​ധ​ത്തി​നും ചി​കി​ത്സ​ക്കു​മാ​യി സം​സ്ഥാ​ന ആ​രോ​ഗ്യ​വ​കു​പ്പ്​ ന​ട​ത്തു​ന്ന ‘ആ​രോ​ഗ്യം ആ​ന​ന്ദം’ കാ​മ്പ​യി​ന്‍റെ ഭാ​ഗ​മാ​യി ന​ട​ത്തി​യ പ​രി​ശോ​ധ​ന​യി​ലാ​ണ്​ അ​ർ​ബു​ദം സം​ശ​യി​ക്കു​ന്ന​വ​രെ ക​ണ്ടെ​ത്തി​യ​ത്. ജി​ല്ല​യി​ൽ ഇ​തു​വ​രെ 18,065 പേ​രാ​ണ്​ സ്ക്രീ​നി​ങ്ങി​ന്​ വി​ധേ​യ​രാ​യ​ത്. ഇ​തി​ൽ 4412 പേ​ർ​ക്കാ​ണ്​ തു​ട​ർ​പ​രി​ശോ​ധ​ന​ക്ക്​ നി​ർ​ദേ​ശം ന​ൽ​കി​യ​ത്.

പ​രി​ശോ​ധ​ന​യി​ൽ സ്ത​നാ​ർ​ബു​ദം സം​ശ​യി​ക്കു​ന്ന 696 പേ​രെ​യാ​ണ്​ ക​ണ്ടെ​ത്തി​യ​ത്. ഗ​ർ​ഭാ​ശ​യ​ഗ​ള അ​ർ​ബു​ദം -3514, ഓ​റ​ൽ -202 എ​ന്നി​വ​യൊ​ണ്​ മ​റ്റു​ള്ള​വ​ർ. പ​രി​ശോ​ധ​ന ന​ട​ത്താ​ൻ നി​ർ​ദേ​ശി​ച്ച​വ​ർ​ക്കെ​ല്ലാം രോ​ഗം സ്ഥി​രീ​ക​രി​ക്ക​ണ​​മെ​ന്നി​ല്ലെ​ന്നും സം​ശ​യ​ത്തി​ന്‍റെ അ​ടി​സ്ഥാ​ന​ത്തി​ലാ​ണ്​ തു​ട​ർ​ന​ട​പ​ടി നി​ർ​ദേ​ശി​ച്ച​തെ​ന്നും ആ​രോ​ഗ്യ​വ​കു​പ്പ്​ വ്യ​ക്ത​മാ​ക്കു​ന്നു.

ആ​രോ​ഗ്യ​വ​കു​പ്പ് അ​ർ​ബു​ദ പ്ര​തി​രോ​ധ​വും ചി​കി​ത്സ​യും ല​ക്ഷ്യ​മി​ട്ടാ​ണ്​ ‘ആ​രോ​ഗ്യം ആ​ന​ന്ദം-​അ​ക​റ്റാം അ​ർ​ബു​ദം’ ജ​ന​കീ​യ കാ​മ്പ​യി​ൻ ന​ട​ത്തു​ന്ന​ത്. 30 മു​ത​ൽ 65 വ​യ​സ്സു​വ​രെ​യു​ള്ള സ്ത്രീ​ക​ളി​ൽ സ്ത​നാ​ർ​ബു​ദം, ഗ​ർ​ഭാ​ശ​യ​ഗ കാ​ൻ​സ​ർ എ​ന്നി​വ ക​ണ്ടെ​ത്താ​നാ​ണ്​ സ്‌​ക്രീ​നി​ങ് ന​ട​ത്തു​ന്ന​ത്.

വേ​ഗ​ത്തി​ൽ രോ​ഗം ക​ണ്ടെ​ത്തി​യാ​ൽ ഭേ​ദ​മാ​ക്കാ​ൻ ക​ഴി​യു​മെ​ന്ന​തി​നൊ​പ്പം ചി​കി​ത്സാ​ചെ​ല​വും വ​ലി​യ​തോ​തി​ൽ കു​റ​ക്കാ​ൻ ക​ഴി​യും. രോ​ഗ​മി​ല്ലെ​ന്ന് ഉ​റ​പ്പി​ക്കാ​നും ഇ​തി​ലൂ​ടെ ക​ഴി​യും. ലോ​ക കാ​ൻ​സ​ർ ദി​ന​മാ​യ ഫെ​ബ്രു​വ​രി നാ​ലി​നാ​ണ്​​ സ​ർ​ക്കാ​ർ ആ​ശു​പ​ത്രി​ക​ൾ കേ​ന്ദ്രീ​ക​രി​ച്ച്​ ​ കാ​മ്പ​യി​ന്​ തു​ട​ക്ക​മാ​യ​ത്. അ​ന്താ​രാ​ഷ്ട്ര വ​നി​ത​ദി​ന​മാ​യ മാ​ർ​ച്ച് എ​ട്ടു​വ​രെ പ്ര​ത്യേ​ക പ​രി​ശോ​ധ​ന തു​ട​രും.

ഇ​നി​യും പ​രി​ശോ​ധ​ന ന​ട​ത്താ​നു​ള്ള​വ​ർ അ​ടു​ത്തു​ള്ള സ​ർ​ക്കാ​ർ ആ​രോ​ഗ്യ​കേ​ന്ദ്ര​ങ്ങ​ളി​ൽ എ​ത്ത​ണ​മെ​ന്ന്​ അ​ധി​കൃ​ത​ർ അ​റി​യി​ച്ചു. രോ​ഗം നേ​ര​ത്തേ ക​ണ്ടെ​ത്തി ചി​കി​ത്സി​ച്ചാ​ൽ പൂ​ർ​ണ​മാ​യും സു​ഖ​പ്പെ​ടു​ത്താ​വു​ന്ന​താ​യ​തി​നാ​ൽ സ്ത്രീ​ക​ൾ പ​രി​ശോ​ധ​ന​ക്ക്​ സ്വ​യം​സ​ന്ന​ദ്ധ​രാ​ക​ണ​മെ​ന്നും ഇ​വ​ർ അ​റി​യി​ച്ചു. എ​ല്ലാ​യി​ട​ങ്ങ​ളി​ലും ഇ​തി​നാ​യി പ്ര​ത്യേ​ക സം​വി​ധാ​നം ഒ​രു​ക്കി​യി​ട്ടു​ണ്ട്. ഒ.​പി ടി​ക്ക​റ്റ്​ എ​ടു​ക്കാ​തെ എ​ത്താ​മെ​ന്നും ജി​ല്ല ആ​രോ​ഗ്യ​വ​കു​പ്പ്​ അ​ധി​കൃ​ത​ർ അ​റി​യി​ച്ചു.