തിമിര ശസ്ത്രക്രിയ: 110ാം വയസ്സിൽ കാഴ്ച വീണ്ടെടുത്തു

മ​ഞ്ചേ​രി: തി​മി​ര ശ​സ്ത്ര​ക്രി​യ​യി​ലൂ​ടെ 110ാം വ​യ​സ്സി​ൽ കാ​ഴ്ച വീ​ണ്ടെ​ടു​ക്കാൻ സഹായിച്ച്​ മ​ഞ്ചേ​രി ഗ​വ. മെ​ഡി​ക്ക​ല്‍ കോ​ള​ജ്. വ​ണ്ടൂ​ര്‍ സ്വ​ദേ​ശി ര​വി​ക്കാ​ണ് മെ​ഡി​ക്ക​ല്‍ കോ​ള​ജി​ലെ നേ​ത്ര​രോ​ഗ വി​ഭാ​ഗം ന​ട​ത്തി​യ ശ​സ്ത്ര​ക്രി​യ​യി​ലൂ​ടെ കാ​ഴ്ച തി​രി​കെ ല​ഭി​ച്ച​ത്. മി​ക​ച്ച ചി​കി​ത്സ ന​ല്‍കി കാ​ഴ്ച​യു​ടെ ലോ​ക​ത്തെ​ത്തി​ച്ച മെ​ഡി​ക്ക​ല്‍ കോ​ള​ജി​ലെ ടീ​മം​ഗ​ങ്ങ​ളെ ആ​രോ​ഗ്യ​മ​ന്ത്രി വീ​ണാ ജോ​ര്‍ജ് അ​ഭി​ന​ന്ദി​ച്ചു. രോ​ഗി​യെ ഈ ​പ്രാ​യ​ത്തി​ലും ശ​സ്ത്ര​ക്രി​യ ന​ട​ത്തി വി​ജ​യി​പ്പി​ച്ച ഡോ​ക്ട​ര്‍മാ​ര്‍ മാ​തൃ​ക​യാ​ണ്. ഇ​ത്ര​യും ആ​ത്മ​വി​ശ്വാ​സ​മു​ള്ള ര​വി എ​ല്ലാ​വ​ര്‍ക്കും പ്ര​ചോ​ദ​ന​മാ​ണെ​ന്നും മ​ന്ത്രി പ​റ​ഞ്ഞു.

ഇ​രു​ക​ണ്ണി​ലും യു​വി​യൈ​റ്റി​സും തി​മി​ര​വും ബാ​ധി​ച്ച് പൂ​ര്‍ണ​മാ​യി കാ​ഴ്ച ന​ഷ്​​ട​മാ​യ അ​വ​സ്ഥ​യി​ലാ​ണ് ഇ​ദ്ദേ​ഹം മ​ഞ്ചേ​രി മെ​ഡി​ക്ക​ല്‍ കോ​ള​ജ് നേ​ത്ര​രോ​ഗ വി​ഭാ​ഗ​ത്തി​ല്‍ ചി​കി​ത്സ തേ​ടി​യെ​ത്തി​യ​ത്. പ്രാ​യ​വും മ​റ്റ്​ അ​സു​ഖ​ങ്ങ​ളും ശ​സ്ത്ര​ക്രി​യ​ക്ക് വെ​ല്ലു​വി​ളി​യാ​യി​രു​ന്നു. നേ​ത്ര​രോ​ഗ വി​ഭാ​ഗം മേ​ധാ​വി ഡോ. ​ര​ജ​നി​യു​ടെ നേ​തൃ​ത്വ​ത്തി​ല്‍ ഇ​രു​ക​ണ്ണി​െൻറ​യും തി​മി​ര ശ​സ്ത്ര​ക്രി​യ ഒ​രേ ദി​വ​സം ന​ട​ത്തി. നേ​ത്ര​രോ​ഗ വി​ഭാ​ഗം അ​സി​സ്​​റ്റ​ൻ​റ്​ പ്ര​ഫ​സ​ര്‍ ഡോ. ​പി.​എ​സ്. രേ​ഖ, അ​ന​സ്‌​തേ​ഷ്യ വി​ഭാ​ഗം മേ​ധാ​വി ഡോ. ​വീ​ണ ദ​ത്ത്, അ​ന​സ്‌​തേ​ഷ്യ വി​ഭാ​ഗം അ​സി​സ്​​റ്റ​ൻ​റ്​ പ്ര​ഫ. ഷു​ഹൈ​ബ് അ​ബൂ​ബ​ക്ക​ര്‍ എ​ന്നി​വ​രും ഒ​പ്പ​മു​ണ്ടാ​യി​രു​ന്നു.

പ്ര​മേ​ഹ​രോ​ഗി​ക​ളി​ല്‍ കാ​ണു​ന്ന റെ​നോ​പ​തി​ക്കാ​യു​ള്ള ഒ.​സി.​ടി സ്‌​കാ​ന്‍, ലേ​സ​ര്‍ ചി​കി​ത്സ എ​ന്നി​വ കൂ​ടാ​തെ കോ​ങ്ക​ണ്ണ്, പോ​ള​ക​ളു​ടെ ബ​ല​ക്കു​റ​വ് മൂ​ലം ഉ​ണ്ടാ​കു​ന്ന ടോ​സി​സ്, തി​മി​ര​ത്തി​ന്​ കു​ത്തി​വെ​പ്പി​ല്ലാ​തെ​യു​ള്ള താ​ക്കോ​ല്‍ദ്വാ​ര ശ​സ്ത്ര​ക്രി​യ എ​ന്നി​വ മെ​ഡി​ക്ക​ല്‍ കോ​ള​ജ് നേ​ത്ര​രോ​ഗ വി​ഭാ​ഗ​ത്തി​ല്‍ വി​ജ​യ​ക​ര​മാ​യി ന​ട​ത്തി​വ​രു​ന്നു​ണ്ട്. ഈ ​വി​ഭാ​ഗ​ത്തി​ല്‍ ബി​രു​ദാ​ന​ന്ത​ര ബി​രു​ദ കോ​ഴ്‌​സി​​ലെ സീ​റ്റു​ക​ള്‍ക്ക്​ മെ​ഡി​ക്ക​ല്‍ കൗ​ണ്‍സി​ൽ അം​ഗീ​കാ​രം ല​ഭി​ച്ച​ത് മ​റ്റൊ​രു നേ​ട്ട​മാ​ണ്.