വിജനം, നിശ്ചലം:നി​പ ഭീതിയിൽ കു​റ്റ്യാ​ടി​യും പ​രി​സ​ര പ്ര​ദേ​ശ​ങ്ങ​ളും

കോ​ഴി​ക്കോ​ട്: റോ​ഡി​ൽ ബാ​രി​ക്കേ​ഡു​ക​ൾ വെ​ച്ച് ആ​ളു​ക​ളെ​യും വാ​ഹ​ന​ങ്ങ​ളും തി​രി​ച്ച​യ​ക്കു​ന്ന പൊ​ലീ​സ്, അ​ട​ഞ്ഞു​കി​ട​ക്കു​ന്ന ക​ട​ക​ൾ, വി​ജ​ന​മാ​യ ക​വ​ല​ക​ളും റോ​ഡു​ക​ളും, മു​ന്ന​റി​യി​പ്പു​മാ​യി ഓ​ടു​ന്ന അ​നൗ​ൺ​സ്മെ​ന്‍റ് വാ​ഹ​ന​ങ്ങ​ൾ.... ജ​ന​ജീ​വി​തം ഏ​റ​ക്കു​റെ സ്തം​ഭി​ച്ച അ​വ​സ്ഥ​യി​ലാ​ണ് കു​റ്റ്യാ​ടി​യും പ​രി​സ​ര പ്ര​ദേ​ശ​ങ്ങ​ളും. മ​രു​തോ​ങ്ക​ര, ആ‍യ​ഞ്ചേ​രി എ​ന്നി​വി​ട​ങ്ങ​ളി​ൽ നി​പ സ്ഥി​രീ​ക​രി​ച്ച​തോ​ടെ​യാ​ണ് ക​ർ​ശ​ന നി​യ​ന്ത്ര​ണം ഏ​ർ​പ്പെ​ടു​ത്തി​യ​ത്. വ​രും ദി​വ​സ​ങ്ങ​ളി​ൽ നി​യ​ന്ത്ര​ണം ക​ടു​പ്പി​ക്കു​മെ​ന്നും ഉ​ദ്യോ​ഗ​സ്ഥ​ർ അ​റി​യി​ച്ചു.

ഇ​വി​ട​ങ്ങ​ളി​ലു​ള്ള ആ​ളു​ക​ൾ പു​റ​ത്തു​പോ​വു​ന്ന​തും പു​റ​ത്തു​നി​ന്നു​ള്ള​വ​ർ അ​ക​ത്തേ​ക്ക് പ്ര​വേ​ശി​ക്കു​ന്ന​തും ക​ർ​ശ​ന​മാ​യി നി​യ​ന്ത്രി​ച്ചി​രി​ക്കു​ക​യാ​ണ്. ക​ണ്ടെ​യി​ൻ​മെ​ന്‍റ് സോ​ണു​ക​ളി​ലേ​ക്ക് ക​ട​ക്കു​ന്ന വാ​ഹ​ന​ങ്ങ​ളു​ടെ ന​മ്പ​ർ പൊ​ലീ​സ് പ്ര​ത്യേ​കം ശേ​ഖ​രി​ക്കു​ന്നു​ണ്ട്. മേ​ഖ​ല​യി​ൽ ഗ​താ​ഗ​ത​ത്തി​നും ക​ർ​ശ​ന നി​യ​ന്ത്ര​ണം ഏ​ർ​പ്പെ​ടു​ത്തി​യി​ട്ടു​ണ്ട്. അ​വ​ശ്യ വ​സ്തു​ക്ക​ൾ വി​ൽ​ക്കു​ന്ന ക​ട​ക​ൾ മാ​ത്ര​മാ​ണ് തു​റ​ക്കു​ന്ന​ത്. ഇ​വ​യി​ൽ മെ​ഡി​ക്ക​ൽ ഷോ​പ്പു​ക​ൾ ഒ​ഴി​കെ​യു​ള്ള​വ അ​ഞ്ചു മ​ണി​യോ​ടെ പൊ​ലീ​സ് അ​ട​പ്പി​ക്കും. ഈ ​മേ​ഖ​ല​ക​ളി​ലെ എ​ല്ലാ വി​ദ്യാ​ഭ്യാ​സ സ്ഥാ​പ​ന​ങ്ങ​ളും അ​ട​ഞ്ഞു​കി​ട​ന്നു. ആ​ശു​പ​ത്രി​ക​ളും വി​ജ​ന​മാ​ണ്.

പ​ല ആ​ശു​പ​ത്രി​ക​ളി​ലും ക്ലി​നി​ക്കു​ക​ളി​ലും രോ​ഗം സ്ഥി​രീ​ക​രി​ക്ക​പ്പ​ട്ട​വ​ർ ചി​കി​ത്സ​തേ​ടി​യി​രു​ന്നു എ​ന്ന​തും ജ​ന​ങ്ങ​ളു​ടെ ആ​ശ​ങ്ക വ​ർ​ധി​പ്പി​ക്കു​ന്നു. നി​പ ബാ​ധി​ച്ച് ഗു​രു​ത​രാ​വ​സ്ഥ​യി​ൽ ക​ഴി​യു​ന്ന ഒ​മ്പ​തു വ​യ​സ്സു​കാ​ര​ൻ ചി​കി​ത്സ​തേ​ടി​യ കു​റ്റ്യാ​ടി അ​ടു​ക്ക​ത്ത് അ​മാ​ൻ ആ​ശു​പ​ത്രി ഇ​ന്ന​ലെ പൂ​ർ​ണ​മാ​യും വി​ജ​ന​മാ​യി​രു​ന്നു. കു​ട്ടി​യെ ചി​കി​ത്സി​ച്ച ഡോ​ക്ട​റും ന​ഴ്സും മ​റ്റ് ജീ​വ​ന​ക്കാ​രും അ​ട​ക്കം 15 പേ​ർ ആ​ശു​പ​ത്രി​യി​ൽ ക്വാ​റ​ന്റീ​നി​ലാ​ണ്. പ്ര​ദേ​ശ​ത്ത് പ​രി​ശോ​ധ​ന​ക്ക് എ​ത്തി​യ ജി​ല്ല ആ​രോ​ഗ്യ​വ​കു​പ്പ് സം​ഘം ആ​ശു​പ​ത്രി​യി​ൽ എ​ത്തി സ്ഥി​തി​ഗ​തി​ക​ൾ വി​ല​യി​രു​ത്തി. നി​പ സ്ഥി​രീ​ക​രി​ച്ച കു​ട്ടി ഈ ​മാ​സം ആ​റി​നും ഒ​മ്പ​തി​നും ആ​ശു​പ​ത്രി​യി​ൽ ചി​കി​ത്സ​ക്കെ​ത്തി​യി​രു​ന്നു.

കു​ട്ടി​യു​ടെ സ്ഥി​തി ഗു​രു​ത​ര​മാ​യ​തി​നാ​ൽ കോ​ഴി​ക്കോ​ട് മിം​സ് ആ​ശു​പ​ത്രി​യി​ലേ​ക്ക് മാ​റ്റു​ക​യാ​യി​രു​ന്നു. അ​തേ​സ​മ​യം, ക​ണ്ടെ​യി​ൻ​മെ​ന്‍റ് സോ​ൺ പ്ര​ഖ്യാ​പ​നം സം​ബ​ന്ധി​ച്ച അ​റി​യി​പ്പ് വൈ​കി​യ​തും ജ​ന​ങ്ങ​ളെ പ്ര​തി​സ​ന്ധി​യി​ലാ​ക്കി. ഇ​ന്ന​ലെ രാ​വി​ലെ​യാ​ണ് ഭൂ​രി​ഭാ​ഗം പേ​രും വി​വ​രം അ​റി​ഞ്ഞ​ത്. അ​തി​നാ​ൽ​ത​ന്നെ അ​തി​രാ​വി​ലെ പ​രീ​ക്ഷ​ക്കും മ​റ്റും പു​റ​ത്തു​പോ​യ വി​ദ്യാ​ർ​ഥി​ക​ൾ അ​ട​ക്കു​ള്ള​വ​ർ തി​രി​ച്ചു​വ​രാ​ൻ വാ​ഹ​ന​ങ്ങ​ൾ ല​ഭി​ക്കാ​തെ കു​ടു​ങ്ങി. ബ​സു​ക​ൾ ക​ണ്ടെ​യി​ൻ​മെ​ന്റ് സോ​ണു​ക​ൾ​ക്ക് പു​റ​ത്തു​നി​ർ​ത്തി തി​രി​ച്ചു​പോ​വ​ണം.

യാ​ത്ര തു​ട​രു​ന്ന​വ ഈ ​മേ​ഖ​ല​യി​ൽ എ​വി​ടെ​യും നി​ർ​ത്താ​ൻ പാ​ടി​ല്ല. അ​തി​നാ​ൽ പു​റ​ത്തു​നി​ന്നു വ​രു​ന്ന​വ​ർ ബാ​രി​ക്കേ​ഡി​ന് പു​റ​ത്ത് വാ​ഹ​ന​ങ്ങ​ൾ ഇ​റ​ങ്ങി ല​ക്ഷ്യ​സ്ഥാ​ന​ത്തേ​ക്ക് ന​ട​ക്കു​ക​യാ​യി​രു​ന്നു. 2018ലേ​തി​നും കോ​വി​ഡ് ലോ​ക് ഡൗ​ണി​നും സ​മാ​ന​മാ​യ സാ​ഹ​ച​ര്യ​മാ​ണ് നി​ല​നി​ൽ​ക്കു​ന്ന​തെ​ന്ന് നാ​ട്ടു​കാ​ർ പ​റ​ഞ്ഞു. നി​പ മ​ര​ണം സ്ഥി​രീ​ക​രി​ച്ച കോ​ഴി​ക്കോ​ട് ആ​യ​ഞ്ചേ​രി, മ​രു​തോ​ങ്ക​ര ഗ്രാ​മ​പ​ഞ്ചാ​യ​ത്തു​ക​ളി​ലും സ​മീ​പ​ത്തെ ഏ​ഴ് പ​ഞ്ചാ​യ​ത്തു​ക​ളി​ലു​മാ​ണ് നി​യ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്തി​യ​ത്.

ആരോഗ്യ വകുപ്പ് ഉദ്യോഗസ്ഥർ മരണവീട് സന്ദർശിച്ചു

കോ​ഴി​ക്കോ​ട്: നി​പ ബാ​ധ​യെ​ത്തു​ട​ർ​ന്ന് ആ​യ​ഞ്ചേ​രി പ​ഞ്ചാ​യ​ത്തി​ൽ ക​ഴി​ഞ്ഞ ദി​വ​സം മ​രി​ച്ച​യാ​ളു​ടെ വീ​ട്ടി​ൽ ആ​രോ​ഗ്യ വ​കു​പ്പ് ഉ​ദ്യോ​ഗ​സ്ഥ​ർ സ​ന്ദ​ർ​ശി​ച്ച് സാ​മ്പി​ളു​ക​ൾ ശേ​ഖ​രി​ച്ചു. മെ​ഡി​ക്ക​ൽ കോ​ള​ജി​ലെ ക​മ്യൂ​ണി​റ്റി മെ​ഡി​സി​ൻ വി​ഭാ​ഗ​ത്തി​ലെ ഡോ. ​ബി​ന്ദു, ഡോ. ​ര​ജ​സി, ഡോ. ​കെ.​വി. അ​മൃ​ത, ഡോ. ​സാ​ജ​ൻ എ​ന്നി​വ​ര​ട​ങ്ങു​ന്ന സം​ഘ​മാ​ണ് മ​ര​ണ​വീ​ട് സ​ന്ദ​ർ​ശി​ച്ച് വി​വ​ര​ങ്ങ​ൾ ശേ​ഖ​രി​ച്ച​ത്. വീ​ട്ടി​ൽ​നി​ന്നും പ​രി​സ​ര​ത്ത് നി​ന്നു​മാ​യി വ​വ്വാ​ലു​ക​ൾ ക​ടി​ച്ച അ​ട​ക്ക​ക​ളും മ​റ്റു പ​ഴ​വ​ർ​ഗ​ങ്ങ​ളും സം​ഘം ശേ​ഖ​രി​ച്ചു. വ​വ്വാ​ലു​ക​ൾ ക​ടി​ച്ച പ​ഴ​ങ്ങ​ൾ, അ​ട​ക്ക​ക​ൾ തു​ട​ങ്ങി​യ​വ സ്പ​ർ​ശി​ച്ചാ​ൽ കൈ​ക​ൾ ഉ​ട​ൻ സോ​പ്പി​ട്ട് ക​ഴു​ക​ണ​​മെ​ന്നും അ​വ​ർ നി​ർ​ദേ​ശി​ച്ചു. പ​ഞ്ചാ​യ​ത്തി​ലെ ക​ണ്ടെ​യ്ൻ​മെ​ന്റ് സോ​ണാ​യി പ്ര​ഖ്യാ​പി​ച്ച 2, 3, 13, 14 വാ​ർ​ഡു​ക​ളി​ലെ വീ​ടു​ക​ളി​ൽ ക​യ​റി​യു​ള്ള സ​ർ​വേ ആ​രം​ഭി​ച്ചു.

റൂട്ട് മാപ്പ് പുറത്തുവിട്ടു

കോ​ഴി​ക്കോ​ട്: നി​പ ബാ​ധി​ച്ച്​ മ​രി​ച്ച​വ​രു​ടെ റൂ​ട്ട് മാ​പ്പ് അ​ധി​കൃ​ത​ർ പു​റ​ത്തു​വി​ട്ടു. മ​രി​ച്ച മു​ഹ​മ്മ​ദ​ലി​ക്ക്​ ആ​ഗ​സ്റ്റ് 22നാ​ണ് രോ​ഗ​ല​ക്ഷ​ണം ക​ണ്ടു​തു​ട​ങ്ങി​യ​ത്. ആ​ഗ​സ്റ്റ് 23ന് ​വൈ​കീ​ട്ട് 7.30നും 10​നും ഇ​ട​യി​ൽ തി​രു​വ​ള്ളൂ​രി​ൽ കു​ടും​ബ ച​ട​ങ്ങി​ൽ പ​ങ്കെ​ടു​ത്തു. ആ​ഗ​സ്റ്റ് 24ന് ​വീ​ട്ടി​ൽ തി​രി​ച്ചെ​ത്തി. പി​റ്റേ​ന്ന് രാ​വി​ലെ 10.30നും 12.30​നും ഇ​ട​യി​ൽ മു​ള്ളം​കു​ന്ന് ഗ്രാ​മീ​ൺ ബാ​ങ്ക് സ​ന്ദ​ർ​ശി​ച്ചു. ഇ​തേ ദി​വ​സം 12.30നും 1.30​നും ഇ​ട​ക്ക് ക​ള്ളാ​ട് ജു​മാ​മ​സ്ജി​ദ് സ​ന്ദ​ർ​ശി​ച്ചു. ആ​ഗ​സ്റ്റ് 26ന് ​രാ​വി​ലെ 11 മു​ത​ൽ 1.30 വ​രെ കു​റ്റ്യാ​ടി ഷേ​ഡ് മെ​ഡി​ക്ക​ൽ സെ​ന്റ​റി​ൽ എത്തി. ആ​ഗ​സ്റ്റ് 28ന് ​രാ​ത്രി 9.30 മു​ത​ൽ 29ന് ​പു​ല​ർ​ച്ച 12.30 വ​രെ തൊ​ട്ടി​ൽ​പാ​ലം റ​ഹ്മ ആ​ശു​പ​ത്രി​യി​ലും ആ​ഗ​സ്റ്റ് 29ന് ​പു​ല​ർ​ച്ച 2.30 മു​ത​ൽ 4.15 വ​രെ കോ​ഴി​ക്കോ​ട് ഇ​ഖ്‌​റ ആ​ശു​പ​ത്രി​യി​ലെ എ​മ​ർ​ജ​ൻ​സി വി​ഭാ​ഗ​ത്തി​ലും പ്ര​വേ​ശി​പ്പി​ച്ചു. 4.15ന് ​എം.​ഐ.​സി.​യു​വി​ൽ പ്ര​വേ​ശി​പ്പി​ച്ചു. മ​രി​ച്ച ഹാ​രി​സി​ന്​ സെ​പ്റ്റം​ബ​ർ അ​ഞ്ചി​ന് രോ​ഗ​ല​ക്ഷ​ണ​ങ്ങ​ൾ ക​ണ്ടു. അ​ന്നു മു​ത​ൽ സെ​പ്റ്റം​ബ​ർ ഏ​ഴി​ന് ഉ​ച്ച​വ​രെ ബ​ന്ധു​വീ​ട്ടി​ൽ നി​രീ​ക്ഷ​ണ​ത്തി​ലാ​യി​രു​ന്നു. അ​ന്ന് ഉ​ച്ച​ക്ക് റൂ​ബി​യാ​ൻ സൂ​പ്പ​ർ മാ​ർ​ക്ക​റ്റി​ൽ എ​ത്തി. സെ​പ്റ്റം​ബ​ർ എ​ട്ടി​ന് രാ​വി​ലെ 10.15നും 10.45​നും ഇ​ട​യി​ൽ ആ​യ​ഞ്ചേ​രി കു​ടും​ബാ​രോ​ഗ്യ​കേ​ന്ദ്ര​ത്തി​ൽ ചി​കി​ത്സ തേ​ടി. അ​ന്ന് ഉ​ച്ച​ക്ക് 12നും ​ഒ​ന്നി​നും ഇ​ട​യി​ൽ ത​ട്ട​ങ്കോ​ട് മ​സ്ജി​ദ് സ​ന്ദ​ർ​ശി​ച്ചു. ഇ​തേ ദി​വ​സം ഉ​ച്ച​ക്കു​ശേ​ഷം കോ​ഴി​ക്കോ​ട് ഇ​ഖ്റ ആ​ശു​പ​ത്രി​യി​ലും എ​ത്തി. സെ​പ്റ്റം​ബ​ർ ഒ​മ്പ​തി​ന് രാ​വി​ലെ 10നും 12​നും ഇ​ട​യി​ലും സെ​പ്റ്റം​ബ​ർ 10ന് ​രാ​വി​ലെ 10.30നും 11​നും ഇ​ട​യി​ലും വി​ല്യാ​പ്പ​ള്ളി കു​ടും​ബാ​രോ​ഗ്യ​കേ​ന്ദ്ര​ത്തി​ൽ എ​ത്തി. അ​ന്ന് ഉ​ച്ച​ക്ക് 12നും ​മൂ​ന്നി​നും ഇ​ട​യി​ൽ വ​ട​ക​ര ജി​ല്ല ആ​ശു​പ​ത്രി സ​ന്ദ​ർ​ശി​ച്ചു. 11ന് ​രാ​വി​ലെ എ​ട്ടി​ന് ഡോ. ​ജ്യോ​തി​കു​മാ​റി​ന്റെ ക്ലി​നി​ക്കി​ലെ​ത്തി​യ അ​ദ്ദേ​ഹം അ​ന്ന് രാ​വി​ലെ ഒ​മ്പ​തി​നും വൈ​കീ​ട്ട് അ​ഞ്ചി​നും ഇ​ട​യി​ൽ വ​ട​ക​ര കോ​ഓ​പ​റേ​റ്റി​വ് ആ​ശു​പ​ത്രി​യി​ലെ​ത്തി. അ​ന്ന് രാ​ത്രി ഏ​ഴു മ​ണി​ക്ക് മിം​സ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ആ​ശു​പ​ത്രി​യി​ൽ അ​ത്യാ​ഹി​ത വി​ഭാ​ഗ​ത്തി​ൽ മ​ര​ണം സം​ഭ​വി​ച്ചു.