കുഞ്ഞുഫായിസ് കണ്ണുതുറന്നു; ആതുരശുശ്രൂഷകർക്കിത് സന്തോഷനിമിഷം

കാ​യം​കു​ളം: ക​ണ്ണൊ​ന്ന് തെ​റ്റി​യ നി​മി​ഷം പൊ​ന്നു​മ​ക​ൻ ഇ​ഴ​ഞ്ഞു​നീ​ങ്ങി​യ​ത്​ മ​ര​ണ​മു​ന​മ്പി​ലേ​ക്ക്. ബ​ക്ക​റ്റി​ലെ വെ​ള്ള​ത്തി​ൽ മു​ങ്ങി​യ കു​ഞ്ഞു​ഫാ​യി​സി​ന് ആ​തു​ര​ശു​ശ്രൂ​ഷ​ക​രു​ടെ അ​ശ്രാ​ന്ത പ​രി​ശ്ര​മ​ത്തി​നൊ​ടു​വി​ൽ ജീ​വി​ത​ത്തി​ലേ​ക്കു​മെ​ത്തി. ചേ​രാ​വ​ള്ളി മ​ണ്ണൂ​ക്കു​ന്ന് കാ​രാ​ശേ​രി​പ​ടീ​റ്റ​തി​ൽ നു​ജൂം-​അ​ൻ​സാ​ന ദ​മ്പ​തി​ക​ളു​ടെ ഒ​ന്നേ​കാ​ൽ വ​യ​സ്സു​ള്ള മ​ക​ൻ മു​ഹ​മ്മ​ദ് ഫാ​യി​സാ​ണ്​ തി​ങ്ക​ളാ​ഴ്ച രാ​വി​ലെ 11ഓ​ടെ കു​ളി​മു​റി​യി​ലെ വെ​ള്ളം നി​റ​ഞ്ഞ ബ​ക്ക​റ്റി​ൽ വീ​ണ​ത്.

ക​ളി​ചി​രി​ക​ളു​മാ​യി ക​ൺ​മു​ന്നി​ലി​രു​ന്ന ഫാ​യി​സ് കു​ളി​മു​റി​യി​ലേ​ക്ക് ഇ​ഴ​ഞ്ഞു​നീ​ങ്ങി​യ​ത് ആ​രും ശ്ര​ദ്ധി​ച്ചി​രു​ന്നി​ല്ല. തി​ര​ച്ചി​ലി​നൊ​ടു​വി​ൽ ക​ണ്ടെ​ത്തി​യ കു​ഞ്ഞു​മാ​യി വീ​ട്ടു​കാ​ർ താ​ലൂ​ക്ക്​ ആ​ശു​പ​ത്രി​യി​ലേ​ക്ക് പാ​ഞ്ഞു. അ​ത്യാ​ഹി​ത വി​ഭാ​ഗ​ത്തി​ൽ എ​ത്തി​ക്കു​മ്പോ​ൾ ച​ല​ന​മ​റ്റ് കി​ട​ന്ന കു​ഞ്ഞി​ൽ ശ്വാ​സ​ത്തി‍െൻറ നേ​രി​യൊ​രു അം​ശം ബാ​ക്കി​യാ​യ​ത്​ ര​ക്ഷാ​നീ​ക്ക​ങ്ങ​ൾ ച​ടു​ല​മാ​ക്കി. നി​മി​ഷ​ങ്ങ​ൾ​ക്കു​ള്ളി​ൽ സ്പെ​ഷ​ലി​സ്റ്റ്​ ഡോ​ക്ട​ർ​മാ​രു​ടെ ഒ​രു നി​ര​ ഓ​ടി​യെ​ത്തി. ഡ്യൂ​ട്ടി​യി​ലു​ണ്ടാ​യി​രു​ന്ന ഡോ. ​ഷൈ​ല​യു​ടെ നേ​തൃ​ത്വ​ത്തി​ലെ സം​ഘം ഇ​തി​നോ​ട​കം പ്ര​ഥ​മ ശു​ശ്രൂ​ഷ​ക​ൾ തു​ട​ങ്ങി​യി​രു​ന്നു.

പീ​ഡി​യാ​ട്രീ​ഷ​ൻ​മാ​രാ​യ ഡോ. ​മി​നി​മോ​ൾ, ഡോ. ​ജ​യ​ന്തി എ​ന്നി​വ​രു​മെ​ത്തി. ര​ക്ത​ത്തി​ലെ ഓ​ക്സി​ജ​ൻ അ​ള​വ് ക്ര​മാ​തീ​ത​മാ​യി താ​ഴാ​ൻ തു​ട​ങ്ങി​യ​തോ​ടെ അ​ന​സ്തേ​ഷ്യ വി​ദ​ഗ്ധ​ൻ ഡോ. ​ശ്യാം​പ്ര​സാ​ദ് അ​തി​വി​ദ​ഗ്ധ​മാ​യി അ​ന്ന​നാ​ള​ത്തി​ലേ​ക്ക് കു​ഴ​ൽ ഇ​റ​ക്കി കൃ​ത്രി​മ​ശ്വാ​സം ന​ൽ​കി. നി​ല മെ​ച്ച​പ്പെ​ട്ട് തു​ട​ങ്ങി​യ​തോ​ടെ വി​ദ​ഗ്ധ ചി​കി​ത്സ​ക്കാ​യി മെ​ഡി​ക്ക​ൽ കോ​ള​ജി​ലേ​ക്ക് മാ​റ്റാ​നു​ള്ള തീ​രു​മാ​ന​വു​മു​ണ്ടാ​യി.

നി​മി​ഷ​ങ്ങ​ൾ​ക്കു​ള്ളി​ൽ ആം​ബു​ല​ൻ​സും​ സ​ജ്ജം. ഡോ. ​അ​നു അ​ഷ്‌​റ​ഫ്, ഡോ. ​ശ്യാം പ്ര​സാ​ദ്, ന​ഴ്സി​ങ്​ ഓ​ഫി​സ​ർ ഷീ​ബ എ​ന്നി​വ​രും ആം​ബു​ല​ൻ​സി​ൽ ക​യ​റി. മെ​ഡി​ക്ക​ൽ കോ​ള​ജി​ൽ എ​ത്തു​ന്ന​തു​വ​രെ ഇ​വ​രു​ടെ പ​രി​ച​ര​ണ​ത്തി​ലാ​യി​രു​ന്നു. ആ​ല​പ്പു​ഴ മെ​ഡി​ക്ക​ൽ കോ​ള​ജി​ലെ വി​ദ​ഗ്ധ ചി​കി​ത്സ​യി​ലൂ​ടെ കു​ഞ്ഞ് പൂ​ർ​ണ ആ​രോ​ഗ്യം വീ​ണ്ടെ​ടു​ത്ത് ക​ഴി​ഞ്ഞു.

സ​ഹ​പ്ര​വ​ർ​ത്ത​ക‍െൻറ വി​യോ​ഗ​ത്താ​ൽ മ​ന​സ്സ്​ വി​റ​ങ്ങ​ലി​ച്ച് നി​ൽ​ക്കു​ന്ന അ​വ​സ്ഥ​യി​ലാ​ണ് താ​ലൂ​ക്ക് ആ​ശു​പ​ത്രി​യി​ലെ എ​ല്ലാ സം​വി​ധാ​ന​ങ്ങ​ളും കു​ഞ്ഞി‍െൻറ ജീ​വ​ൻ ര​ക്ഷി​ക്കാ​നാ​യി കൈ​മെ​യ്യ്​ മ​റ​ന്ന് പ്ര​വ​ർ​ത്തി​ച്ച​ത്. ശ​നി​യാ​ഴ്ച രാ​ത്രി​യി​ൽ അ​ത്യാ​ഹി​ത വി​ഭാ​ഗ​ത്തി​ലെ ഡോ. ​ശ്രീ​രാ​ജ് മ​ര​ണ​പ്പെ​ട്ടി​രു​ന്നു.