12 വയസ്സിന്​​ മുകളിലുള്ളവർക്ക്​ കോവാക്​സിൻ അടിയന്തര ഉപയോഗത്തിന്​ അനുമതി

ന്യൂഡൽഹി: രാജ്യത്ത്​ 12നും 18നും ഇടയിൽ പ്രായമുള്ളവർക്ക്​​ അടിയന്തര ഉപയോഗത്തിന്​ ഭാരത്​ ബയോടെക്കി​െൻറ കോവാക്​സിന്​ ഡ്രഗ് കൺട്രോളർ ജനറൽ ഓഫ് ഇന്ത്യ (ഡി.ജി.സി.ഐ)യുടെ അനുമതി​. ജനുവരി മൂന്നു മുതൽ 15 വയസ്സിന്​ മുകളിലുള്ളവർക്ക്​ ഇന്ത്യയിൽ വാക്​സിൻ നൽകാൻ ആരംഭിക്കാനിരിക്കെയാണ്​ കോവാക്​സിന്​ അനുമതി ലഭിക്കുന്നത്​.

ആഗസ്​റ്റിൽ 'സൈഡസ്​ കാഡില'യുടെ 'സൈകോവ്​ ഡി' ക്കാണ്​ 12 വയസ്സിന്​ മുകളിലുള്ളവർക്കുള്ള​​ അടിയന്തര ഉപയോഗത്തിന്​ ഡി.ജി.സി.ഐയുടെ അനുമതി നൽകിയിരുന്നത്​​. രണ്ടു മുതൽ 18 വയസ്സുവരെയുള്ളവർക്ക്​ കോവാക്​സി​െൻറ അടിയന്തര ഉപയോഗത്തിന്​ അനുമതി നൽകാൻ ​ വിദഗ്​ധ സമിതി (എസ്​.ഇ.സി) ഒക്​ടോബറിൽ ഡി.സി.ജി.ഐയോട് ശിപാർശ ചെയ്​തിരുന്നു.

എന്നാൽ, 12 വയസ്സിന്​ മുകളിലുള്ളവർക്കുള്ള ഉപയോഗത്തിനാണ്​ അനുമതി നൽകിയിരിക്കുന്നത്​. മുതിർന്നവർക്ക്​ നൽകിയ അതേ ഡോസ്​ തന്നെയായിരിക്കും കുട്ടികൾക്കും നൽകുകയെന്നും കോവിഡിനും കോവിഡ്​ വകഭേദങ്ങൾക്കും വാക്​സിൻ സുരക്ഷിതവും കാര്യക്ഷതയും ഉള്ളതാണെന്ന്​ തെളിയിച്ചിട്ടുണ്ടെന്നും​ ഭാരത്​ബയോടെക്​ വ്യക്​തമാക്കി.

അതേസമയം, 'സൈകോവ്​​ ഡി​'ക്ക്​ 66.6 ശതമാനമാണ്​ ഫലപ്രാപ്​തി. മൂന്ന്​ ഡോസുള്ള, ലോകത്തെതന്നെ ആദ്യ ഡി.എൻ.എ വാക്​സിനാണിത്​.​