അഞ്ചാം പനി: രോഗവ്യാപനം ഉയർന്നുതന്നെ

നാ​ദാ​പു​രം: നാ​ദാ​പു​ര​ത്ത് അ​ഞ്ചാം പ​നി സ്ഥി​രീ​ക​രി​ച്ച​വ​രു​ടെ എ​ണ്ണം കു​തി​ച്ചു​യ​രു​ന്നു. മൂ​ന്നു വാ​ർ​ഡു​ക​ളി​ൽ ചു​രു​ങ്ങി​യ കേ​സു​ക​ളു​മാ​യി ആ​രം​ഭി​ച്ച രോ​ഗ​ബാ​ധ സ​മീ​പ പ​ഞ്ചാ​യ​ത്തു​ക​ളി​ലേ​ക്കും വ്യാ​പി​ച്ച​ത് ആ​രോ​ഗ്യ മേ​ഖ​ല​യി​ൽ ക​ടു​ത്ത ആ​ശ​ങ്ക​ക്കി​ട​യാ​ക്കിയിട്ടുണ്ട്. നാ​ദാ​പു​ര​ത്തി​നു​പു​റ​മെ വ​ള​യം, ന​രി​പ്പ​റ്റ, പു​റ​മേ​രി, വാ​ണി​മേ​ൽ, കു​റ്റ്യാ​ടി, കാ​വി​ലും​പാ​റ, മ​രു​തോ​ങ്ക​ര പ​ഞ്ചാ​യ​ത്തു​ക​ളി​ലാ​ണ് നി​ല​വി​ൽ രോ​ഗം സ്ഥി​രീ​ക​രി​ച്ചി​രി​ക്കു​ന്ന​ത്. നാ​ദാ​പു​രം ഗ​വ. യു.​പി സ്കൂ​ളി​ൽ ര​ണ്ടു കു​ട്ടി​ക​ൾ​ക്ക് ഇ​ന്ന​ലെ പു​തു​താ​യി രോ​ഗം സ്ഥി​രീ​ക​രി​ച്ചു. ഇ​തോ​ടെ രോ​ഗ​ബാ​ധി​ത​രു​ടെ എ​ണ്ണം നാ​ദാ​പു​ര​ത്ത് മാ​ത്രം 23 ആ​യി.

കേ​സു​ക​ൾ റി​പ്പോ​ർ​ട്ട് ചെ​യ്യ​പ്പെ​ട്ട​വ വാ​ർ​ഡ് ഒ​ന്ന് (1), വാ​ർ​ഡ് ര​ണ്ട് (1), വാ​ർ​ഡ് നാ​ല് (2), വാ​ർ​ഡ് ആ​റ് (7), വാ​ർ​ഡ് ഏ​ഴ് (6), വാ​ർ​ഡ് 11 (1), വാ​ർ​ഡ് 13 (2), വാ​ർ​ഡ് 17 (1), വാ​ർ​ഡ് 19 (2), വാ​ർ​ഡ് 21 (1). പു​റ​മേ​രി (2), വാ​ണി​മേ​ൽ(1), ന​രി​പ്പ​റ്റ (2), വ​ള​യം (2), കാ​വി​ലും​പാ​റ (1), കു​റ്റ്യാ​ടി(1), എ​ന്നി​വ​യാ​ണ് മ​റ്റ് പ​ഞ്ചാ​യ​ത്തി​ലെ ക​ണ​ക്ക്. പ്ര​തി​രോ​ധ പ്ര​വ​ർ​ത്ത​നം ഊ​ർ​ജി​ത​മാ​ക്കാ​ൻ തൂ​ണേ​രി ബ്ലോ​ക്ക് പ​ഞ്ചാ​യ​ത്തി​ലെ ജെ.​എ​ച്ച്.​ഐ​മാ​രു​ടെ നേ​തൃ​ത്വ​ത്തി​ൽ 30 അം​ഗ ആ​രോ​ഗ്യ വ​ള​ന്റി​യ​ർ​മാ​രെ നി​യോ​ഗി​ച്ചു. അ​ഞ്ചാം പ​നി പ്ര​തി​രോ​ധ പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യി നാ​ദാ​പു​രം ഗ്രാ​മ പ​ഞ്ചാ​യ​ത്തി​ലെ ഖ​തീ​ബു​മാ​ർ, മ​ഹ​ല്ലു പ്ര​തി​നി​ധി​ക​ൾ, അ​മ്പ​ല​ക്ക​മ്മി​റ്റി പ്ര​തി​നി​ധി​ക​ൾ എ​ന്നി​വ​രു​ടെ യോ​ഗം ബു​ധ​നാ​ഴ്ച വൈ​കീ​ട്ട് മൂ​ന്നി​ന് ഗ്രാ​മ പ​ഞ്ചാ​യ​ത്ത് ഹാ​ളി​ൽ ചേ​രും.

നാ​ദാ​പു​രം താ​ലൂ​ക്ക് ആ​ശു​പ​ത്രി സൂ​പ്ര​ണ്ട് ഡോ. ​ജ​മീ​ല​യു​ടെ നേ​തൃ​ത്വ​ത്തി​ൽ, രോ​ഗം പ​ട​ർ​ന്ന ഏ​ഴാം വാ​ർ​ഡി​ൽ വീ​ടു​ക​ൾ ക​യ​റി വാ​ക്സി​ൻ ന​ൽ​കാ​നു​ള്ള ശ്ര​മം ന​ട​ത്തി​യെ​ങ്കി​ലും ഇ​വി​ടെ നാ​ലു​പേ​ർ മാ​ത്ര​മാ​ണ് വാ​ക്സി​ൻ സ്വീ​ക​രി​ക്കാ​ൻ ത​യാ​റാ​യ​ത്. വാ​ക്സി​ൻ സ്വീ​ക​രി​ക്കാ​ൻ ജ​ന​ങ്ങ​ൾ കാ​ണി​ക്കു​ന്ന വി​മു​ഖ​ത പ്ര​തി​സ​ന്ധി വ​ർ​ധി​പ്പി​ക്കു​ന്ന​താ​യി ആ​രോ​ഗ്യ വ​കു​പ്പ് അ​റി​യി​ച്ചു.

ആ​രോ​ഗ്യ വ​കു​പ്പി​ന്റെ​യും ഗ്രാ​മ പ​ഞ്ചാ​യ​ത്തി​ന്റെ​യും സ​ഹ​ക​ര​ണ​ത്തോ​ടെ സ്കൂ​ൾ, വീ​ടു​ക​ൾ, വ്യാ​പാ​ര സ്ഥാ​പ​ന​ങ്ങ​ൾ എ​ന്നി​വി​ട​ങ്ങ​ളി​ൽ ബോ​ധ​വ​ത്ക​ര​ണ​വും മു​ന്ന​റി​യി​പ്പ് നോ​ട്ടീ​സു​ക​ളും ന​ൽ​കു​ക​യും കു​ത്തി​വെ​പ്പ് എ​ടു​ക്കാ​ത്ത​വ​ർ​ക്കാ​യി ഗ്രാ​മ പ​ഞ്ചാ​യ​ത്തി​ന്റെ നാ​ല് കേ​ന്ദ്ര​ങ്ങ​ളി​ൽ പ്ര​ത്യേ​ക കു​ത്തി​വെ​പ്പ് കേ​ന്ദ്ര​ങ്ങ​ൾ ത​യാ​റാ​ക്കു​ക​യും ചെ​യ്തി​രു​ന്നു. നാ​ദാ​പു​ര​ത്ത് 340 പേ​ർ കു​ത്തി​വെ​പ്പെ​ടു​ക്കാ​ൻ ബാ​ക്കി​യു​ണ്ടെ​ന്നാ​ണ് ആ​രോ​ഗ്യ വ​കു​പ്പി​ന്റെ ക​ണ​ക്ക്. ഇ​തി​ൽ നൂ​റി​ൽ താ​ഴെ ആ​ളു​ക​ൾ മാ​ത്ര​മാ​ണ് പു​തു​താ​യി കു​ത്തി​വെ​പ്പ് എ​ടു​ത്തി​രി​ക്കു​ന്ന​ത്.