പ്രവാസികളിലെ ഹൃ​ദ​യാ​ഘാ​തം; ശ്രദ്ധിക്കണം ഇക്കാര്യങ്ങൾ...

മ​നാ​മ: ഹൃ​ദ​യാ​ഘാ​ത​ത്തെ തു​ട​ർ​ന്ന് പ്ര​വാ​സി മ​ല​യാ​ളി​ക​ൾ മ​രി​ക്കു​ന്ന​ത് നി​ത്യ​സം​ഭ​വ​മാ​കു​മ്പോ​ൾ ആ​രോ​ഗ്യ​കാ​ര്യ​ങ്ങ​ളി​ൽ കു​റ​ച്ച​ധി​കം ശ്ര​ദ്ധ​വേ​ണ​മെ​ന്ന അ​ഭി​പ്രാ​യ​മാ​ണ് വി​ദ​ഗ്ധ​ർ പ​ങ്കു​വെ​ക്കു​ന്ന​ത്. അ​ടു​ത്ത സ​മ​യ​ത്ത് ഹൃ​ദ​യാ​ഘാ​തം മൂ​ലം നി​ര​വ​ധി​പേ​രാ​ണ് ബ​ഹ്റൈ​നി​ൽ മ​രി​ച്ച​ത്. ​ഒ​രു​മാ​സ​ത്തെ ക​ണ​ക്കെ​ടു​ത്താ​ൽ മ​ര​ണം സം​ഭ​വി​ച്ച പ്ര​വാ​സി​ക​ളി​ലേ​റെ​യും പേ​രു​ടെ ജീ​വ​നെ​ടു​ത്ത​ത് ഹൃ​ദ​യാ​ഘാ​ത​മാ​യി​രു​ന്നു എ​ന്ന് കാ​ണാം. മ​ര​ണം തേ​ടി​യെ​ത്തു​ന്ന​വ​രി​ൽ ന​ല്ലൊ​രു ശ​ത​മാ​ന​വും ചെ​റു​പ്പ​ക്കാ​രാ​ണെ​ന്ന​ത് പ്ര​ശ്നം ഗു​രു​ത​ര​മാ​ക്കു​ന്നു. കോ​വി​ഡ് വ​ന്നു​പോ​യ​വ​രി​ൽ നി​ര​വ​ധി ആ​രോ​ഗ്യ​പ്ര​ശ്ന​ങ്ങ​ൾ ക​ണ്ടു​വ​രു​ന്ന​താ​യി ഡോ​ക്ട​ർ​മാ​ർ സാ​ക്ഷ്യ​പ്പെ​ടു​ത്തു​ന്നു.

കു​ഴ​ഞ്ഞു​വീ​ണാ​ണ് പ​ല മ​ര​ണ​ങ്ങ​ളും സം​ഭ​വി​ക്കു​ന്ന​ത്. അ​നാ​വ​ശ്യ​മാ​യ രോ​ഗ​ഭീ​തി​യു​ടെ ആ​വ​ശ്യ​മി​ല്ലെ​ങ്കി​ലും അ​ൽ​പ​മൊ​രു ജാ​ഗ്ര​ത ആ​രോ​ഗ്യ​കാ​ര്യ​ങ്ങ​ളി​ൽ പു​ല​ർ​ത്തു​ക ത​ന്നെ വേ​ണം. നി​സ്സാ​ര​മാ​യി കാ​ണു​ന്ന പ​ല ല​ക്ഷ​ണ​ങ്ങ​ളും ഹൃ​ദ​യാ​ഘാ​ത​ത്തി​ന്റെ മു​ന്ന​റി​യി​പ്പു​ക​ളാ​കാം. അ​തു​കൊ​ണ്ട് ഇ​ട​ക്കി​ട​ക്കു​ള്ള മെ​ഡി​ക്ക​ൽ പ​രി​ശോ​ധ​ന​ക​ൾ അ​നി​വാ​ര്യ​മാ​ണ്. ആ​രോ​ഗ്യ​ക​ര​മ​ല്ലാ​ത്ത ഭ​ക്ഷ​ണ​ക്ര​മ​വും വ്യാ​യാ​മ​ത്തി​ന്റെ കു​റ​വു​മാ​ണ് ഏ​റെ​പേ​രി​ലും ഹൃ​ദ​യാ​ഘാ​ത​ത്തി​ന്റെ സാ​ധ്യ​ത വ​ര്‍ധി​പ്പി​ക്കു​ന്ന​ത്. ഇ​തു​കൂ​ടാ​തെ മാ​ന​സി​ക സം​ഘ​ർ​ഷ​ങ്ങ​ളും രോ​ഗ​സാ​ധ്യ​ത വ​ർ​ധി​പ്പി​ക്കു​ന്നു.

ആ​രോ​ഗ്യ​ക​ര​മ​ല്ലാ​ത്ത ഭ​ക്ഷ​ണ​രീ​തി

ആ​രോ​ഗ്യ​ക​ര​മ​ല്ലാ​ത്ത ഭ​ക്ഷ​ണ​രീ​തി പൊ​ണ്ണ​ത്ത​ടി​ക്കും കൊ​ള​സ്ട്രോ​ള്‍, അ​മി​ത ര​ക്ത​സ​മ്മ​ര്‍ദം തു​ട​ങ്ങി​യ ജീ​വി​ത​ശൈ​ലീ രോ​ഗ​ങ്ങ​ൾ​ക്കും കാ​ര​ണ​മാ​കു​ന്നു. ഭ​ക്ഷ​ണ​ക്ര​മീ​ക​ര​ണ​മി​ല്ലാ​യ്​​മ​യും സ​മ​യം തെ​റ്റി​യു​ള്ള ഭ​ക്ഷ​ണ​വും അ​ർ​ധ​രാ​ത്രി യ​ഥേ​ഷ്​​ടം മാം​സാ​ഹാ​രം ക​ഴി​ക്കു​ന്ന​തും ഹൃ​ദ​യ​ത്തി​​​​​ന്റെ താ​ളം തെ​റ്റി​ക്കു​ന്നു. വ്യാ​യാ​മം ഇ​ല്ലാ​ത്ത ജീ​വി​ത​ശൈ​ലി, പു​ക​വ​ലി, അ​മി​ത മ​ദ്യ​പാ​നം ഇ​വ​യും ഹൃ​ദ​യ​ത്തി​ന്റെ ആ​രോ​ഗ്യ​ത്തെ ബാ​ധി​ക്കു​ന്ന കാ​ര്യ​ങ്ങ​ളാ​ണ്.

വ്യാ​യാ​മം ചെ​യ്യാ​ൻ മ​ടി

വ്യാ​യാ​മം ചെ​യ്യാ​ൻ ഏ​റെ​പ്പേ​ർ​ക്കും മ​ടി​യാ​ണ്. വ്യാ​യാ​മ​ത്തി​നു​ള്ള സ​മ​യം കൂ​ടി സോ​ഷ്യ​ല്‍ മീ​ഡി​യ​ക്ക് മു​ന്നി​ല്‍ വി​നി​യോ​ഗി​ക്കു​ന്നു. ​​ജോ​ലി ക​ഴി​ഞ്ഞു​വ​ന്നാ​ൽ ​ മു​ഴു​വ​ൻ സ​മ​യ​വും ഫോ​ണി​ലാ​ണ്. സി​നി​മ​യും വാ​ട്സ് ആ​പ്പും ഫേ​സ്ബു​ക്കും ഇ​ൻ​സ്റ്റ​ഗ്രാ​മും ടി​ക്ക്ടോ​ക്കും പ്ര​വാ​സി​ക​ളു​ടെ വി​ശ്ര​മ​സ​മ​യം അ​പ​ഹ​രി​ക്കു​ന്നു. പ​ല​രും ഏ​റെ വൈ​കി ഉ​റ​ങ്ങു​ക​യും നേ​ര​ത്തെ ഉ​ണ​രു​ക​യും ചെ​യ്യു​ന്നു. വ്യാ​യാ​മ​ത്തി​ന് ആ​രും താ​ൽ​പ​ര്യം കാ​ണി​ക്കു​ന്നു​മി​ല്ല.

ര​ക്ത​ക്കു​ഴ​ലു​ക​ളി​ല്‍ കൊ​ഴു​പ്പ​ടി​ഞ്ഞ് ഹൃ​ദ​യാ​ഘാ​ത​ത്തി​ന് വ​ഴി​വെ​ക്കും മു​മ്പേ ഭ​ക്ഷ​ണ​ത്തി​ലും ജീ​വി​ത​ശൈ​ലി​യി​ലും മാ​റ്റം കൊ​ണ്ടു​വ​രു​ക​യാ​ണ് ആ​രോ​ഗ്യ​ത്തി​ന് ഏ​റ്റ​വും ഗു​ണ​ക​രം. സ്വ​ന്തം ആ​​രോ​ഗ്യ​ത്തി​ലു​ള്ള അ​മി​ത​മാ​യ ആ​ത്​​മ​വി​ശ്വാ​സ​വും ആ​രോ​ഗ്യ പ​രി​ശോ​ധ​ന​ക്കു​ള്ള മ​ടി​യും ചെ​റു​പ്പ​ക്കാ​രി​ലു​ണ്ട്. സ​മീ​പ​കാ​ല​ത്ത് ഹൃ​ദ​യാ​ഘാ​ത​ത്തി​നി​ര​ക​ളാ​യ​വ​രി​ൽ ഏ​റി​യ പ​ങ്കും ചെ​റു​പ്പ​ക്കാ​രു​മാ​ണ്.

ക​ടു​ത്ത അ​സു​ഖം അ​നു​ഭ​വ​​പ്പെ​ടു​മ്പോ​ൾ പോ​ലും സ്വ​യം രോ​ഗ നി​ർ​ണ​യം ന​ട​ത്തു​ന്ന​വ​രാ​ണ്​ പ​ല​രും. തു​ട​ർ​ന്ന്​ സ്വ​യം ചി​കി​ത്സ ന​ട​ത്തു​ക​യും ചെ​യ്യു​ന്നു. ഇ​ത്​ ആ​രോ​ഗ്യ​ത്തെ ​ ഗു​രു​ത​ര​മാ​യി ബാ​ധി​ക്കു​ന്നു​ണ്ട്.

മാ​ന​സി​ക സം​ഘ​ർ​ഷ​ങ്ങ​ൾ

പ്ര​വാ​സ​ജീ​വി​ത​ത്തി​ന്റെ കൂ​ടെ​പ്പി​റ​പ്പാ​യ മാ​ന​സി​ക സം​ഘ​ർ​ഷ​ങ്ങ​ളും ഹൃ​ദ​യ​താ​ളം തെ​റ്റി​ക്കു​ന്ന​താ​ണ്. മാ​ന​സി​ക സം​ഘ​ർ​ഷ​ത്തി​ന് ഒ​രി​ട​ത്തു​നി​ന്നും ആ​ശ്വാ​സം ല​ഭി​ക്കു​ന്നി​ല്ല. മ​ന​സ്സി​നെ മ​ദി​ക്കു​ന്ന കാ​ര്യ​ങ്ങ​ൾ തു​റ​ന്നു​പ​റ​യാ​ൻ ആ​ളെ കി​ട്ടു​ന്നി​ല്ല. എ​ല്ലാ​വ​രും അ​വ​ര​വ​രു​ടെ കാ​ര്യ​ങ്ങ​ളി​ലാ​ണ്. പ​​ണ്ടൊ​ക്കെ ഭ​ക്ഷ​ണം ഒ​രു​മി​ച്ച് ത​യാ​റാ​ക്കി ക​ഴി​ക്കു​​മ്പോ​ൾ അ​തു​വ​ഴി​യു​ണ്ടാ​കു​ന്ന ഐ​ക്യ​വും യോ​ജി​പ്പും മാ​ന​സി​ക സം​ഘ​ർ​ഷ​ങ്ങ​ൾ​ക്കൊ​രു പ​രി​ഹാ​ര​മാ​യി​രു​ന്നു. ഇ​ന്ന് പു​റ​ത്തു​നി​ന്നു​ള്ള ഭ​ക്ഷ​ണ​വും സാ​​​ങ്കേ​തി​ക​വി​ദ്യ​യു​ടെ വി​കാ​സ​വും അ​ത്ത​രം കൂ​ട്ടാ​യ്മ​ക​ളും ഒ​രു​മി​ച്ച് ചെ​ല​വ​ഴി​ക്കു​ന്ന മൂ​ഹൂ​ർ​ത്ത​ങ്ങ​ളും കു​റ​ച്ചു.

ക​ടു​ത്ത മാ​ന​സി​ക സം​ഘ​ർ​ഷ​ങ്ങ​ൾ അ​നു​ഭ​വി​ക്കു​ന്ന​വ​ർ​ക്ക്​ വി​ഷ​മ​ങ്ങ​ൾ പ​റ​യാ​നോ ആ​ശ്വ​സി​പ്പി​ക്ക​പ്പെ​ടാ​​നോ സാ​ഹ​ച​ര്യം ഉ​ണ്ടാ​കു​ന്നി​ല്ല. വി​ഷ​മ​ങ്ങ​ൾ ഉ​ള്ളി​ലൊ​തു​ക്കി നീ​റി​നീ​റി ക​ഴി​യു​ക​യാ​ണ് പ​ല​രും. ജോ​ലി സ്ഥ​ലം, താ​മ​സി​ക്കു​ന്ന സ്ഥ​ലം, കു​ടും​ബം എ​ന്നി​വി​ട​ങ്ങ​ളി​ൽ നി​ന്നെ​ല്ലാ​മു​ള്ള ആ​ശ്വാ​സ​ക​ര​മാ​യ സ​മീ​പ​ന​ങ്ങ​ൾ ഒ​രാ​ളു​ടെ ഹൃ​ദ​യ​ത്തെ​യും ജീ​വി​ത​ത്തെ​യും കൂ​ടു​ത​ൽ മെ​ച്ച​പ്പെ​ടു​ത്തും.

സാ​മ്പ​ത്തി​ക ബാ​ധ്യ​ത​ക​ൾ

സാ​മ്പ​ത്തി​ക ബാ​ധ്യ​ത​ക​ളാ​ണ് മാ​ന​സി​ക സം​ഘ​ർ​ഷ​ത്ത​ത്തി​​ലേ​ക്ക് ന​യി​ക്കു​ന്ന മ​റ്റൊ​രു കാ​ര​ണം. അ​ടു​ത്തി​ടെ കു​ഴ​ഞ്ഞു​വീ​ണ് മ​രി​ച്ച​വ​രി​ൽ പ​ല​രും സാ​മ്പ​ത്തി​ക പ്ര​ശ്​​ന​ങ്ങ​ളു​ടെ പേ​രി​ൽ ക​ടു​ത്ത ടെ​ൻ​ഷ​ൻ അ​നു​ഭ​വി​ച്ചി​രു​ന്ന​വ​രാ​ണെ​ന്നാ​ണ്​ സൂ​ച​ന. സാ​മ്പ​ത്തി​ക ബാ​ധ്യ​ത​ക​ൾ പ്ര​വാ​സി​യു​ടെ കൂ​ട​പ്പി​റ​പ്പാ​ണ്. ഒ​രു ബാ​ധ്യ​ത തീ​ർ​ന്നു ക​ഴി​യു​മ്പോ​ൾ അ​ടു​ത്ത​ത് ക​ട​ന്നു​വ​രു​ന്നു. അ​ത് തീ​ർ​ക്കാ​നാ​യി ആ​യു​ഷ്കാ​ലം മു​ഴു​വ​നാ​യി പ്ര​വാ​സം നീ​ളു​ന്നു. കു​ടും​ബാം​ഗ​ങ്ങ​ളും വീ​ട്ടു​കാ​രും സു​ഹൃ​ത്തു​ക്ക​ളു​മെ​ല്ലാം ഇ​ത് തി​രി​ച്ച​റി​യേ​ണ്ടി​യി​രി​ക്കു​ന്നു.

വ​രു​മാ​നം കൂ​ടാ​തി​രി​ക്കു​ക​യും ജീ​വി​ത​ച്ചെ​ല​വു​ക​ൾ വ​ർ​ധി​ക്കു​ക​യും ചെ​യ്യു​ന്ന കാ​ല​ത്ത് കൃ​ത്യ​മാ​യ സാ​മ്പ​ത്തി​ക ആ​സൂ​ത്ര​ണ​ത്തി​ലൂ​ടെ മു​ന്നോ​ട്ടു​പോ​കേ​ണ്ട​തു​ണ്ട്. സാ​മൂ​ഹി​ക കാ​ര്യ​ങ്ങ​ളി​ലി​ട​പെ​ട്ടു​കൊ​ണ്ടും ജീ​വ​കാ​രു​ണ്യ​പ്ര​വ​ർ​ത്ത​നം ന​ട​ത്തു​ന്ന സം​ഘ​ട​ന​ക​ളി​ൽ അം​ഗ​ങ്ങ​ളാ​യി​ക്കൊ​ണ്ടും പ​രി​ധി വ​രെ ചി​ന്ത​ക​ളെ ഗു​ണ​പ്ര​ദ​മാ​യ ത​ല​ത്തി​ലേ​ക്ക് ഉ​യ​ർ​ത്താം. ആ​രോ​ഗ്യ​ക​ര​മാ​യ രാ​ഷ്ട്രീ​യ, സാ​മൂ​ഹി​ക ച​ർ​ച്ച​ക​ളും മാ​ന​സി​ക സം​ഘ​ർ​ഷ​ങ്ങ​ളെ വ​ഴി​തി​രി​ച്ചു​വി​ടാ​ൻ സ​ഹാ​യ​ക​ര​മാ​ണെ​ന്ന് വി​ദ​ഗ്ധ​ർ ചൂ​ണ്ടി​ക്കാ​ട്ടു​ന്നു.

ഹൃ​ദ​യാ​ഘാ​തം ഒ​ഴി​വാ​ക്കാ​ൻ 13 ടി​പ്സ്

• ര​ക്ത​സ​മ്മ​ർ​ദം < 130/80mmHg ആ​യി നി​ല​നി​ർ​ത്തു​ക
• ര​ക്ത​ത്തി​ലെ പ​ഞ്ച​സാ​ര​യു​ടെ അ​ള​വ് ഫാ​സ്റ്റി​ങ്ങി​ൽ < 110mg/dlലും ​ഭ​ക്ഷ​ണം ക​ഴി​ച്ച് ര​ണ്ട് മ​ണി​ക്കൂ​റി​ന് ശേ​ഷം < 140mg/dlലും ​നി​ല​നി​ർ​ത്തു​ക
• . ടോ​ട്ട​ൽ കൊ​ള​സ്‌​ട്രോ​ൾ, എ​ൽ.​ഡി.​എ​ൽ (മോ​ശം കൊ​ള​സ്‌​ട്രോ​ൾ) എ​ന്നി​വ ചെ​ക്ക് ചെ​യ്യു​ക. ടോ​ട്ട​ൽ കൊ​ള​സ്‌​ട്രോ​ൾ 200 mg/dlലും ​എ​ൽ.​ഡി.​ എ​ൽ 130mg/dlലും ​താ​ഴെ​യാ​യി​രി​ക്ക​ണം. വ​റു​ത്ത​തും പൊ​രി​ച്ച​തും ബേ​ക്ക​റി പ​ല​ഹാ​ര​ങ്ങ​ളും ക​ഴി​ക്കു​ന്ന​ത് കു​റ​ക്കു​ക. റെ​ഡ് മീ​റ്റ് മി​ത​മാ​യി ഉ​പ​യോ​ഗി​ക്ക​ണം.
• ഫി​റ്റ്ന​സ് നി​ല​നി​ർ​ത്തു​ക. ശ​രീ​ര​ഭാ​രം കു​റ​ക്കു​ക. ക​ഴി​യു​ന്ന​തും എ​ല്ലാ​ദി​വ​സ​വും മു​ട​ങ്ങാ​തെ വ്യാ​യാ​മം ചെ​യ്യു​ക. തീ​വ്ര​മാ​യ വ്യാ​യാ​മ മു​റ​ക​ളാ​ണെ​ങ്കി​ൽ, കു​റ​ഞ്ഞ​ത് 15 മി​നി​റ്റെ​ങ്കി​ലും ആ​ഴ്ച​യി​ൽ മൂ​ന്ന് ദി​വ​സം ചെ​യ്യു​ക. മി​ത​മാ​യ വ്യാ​യാ​മ​മാ​ണെ​ങ്കി​ൽ ആ​ഴ്ച​യി​ൽ അ​ഞ്ച് ദി​വ​സം 30 മി​നി​റ്റ് ചെ​യ്യു​ക.
• ആ​നു​പാ​തി​ക ഭാ​രം നി​ല​നി​ർ​ത്തു​ക. നി​ങ്ങ​ളു​ടെ ഉ​യ​ര​ത്തി​ൽ നി​ന്നും (സെ.​മി) 100 കു​റ​ച്ചാ​ൽ ആ​നു​പാ​തി​ക ഭാ​രം ല​ഭി​ക്കും. അ​ര​ക്കെ​ട്ടി​ന്റെ അ​ള​വ് പു​രു​ഷ​ന്മാ​ർ 90 സെ.​മി​ൽ കു​റ​വും സ്ത്രീ​ക​ൾ 80 സെ.​മി കു​റ​വു​മാ​യി നി​ല​നി​ർ​ത്തു​ക.
• പു​ക​വ​ലി പാ​ടി​ല്ല
• ന​ന്നാ​യി ഉ​റ​ങ്ങു​ക. ദി​വ​സം ആ​റ് മ​ണി​ക്കൂ​റെ​ങ്കി​ലും നി​ർ​ബ​ന്ധ​മാ​യി ഉ​റ​ങ്ങ​ണം
• മ​ദ്യ​പാ​നം ഒ​ഴി​വാ​ക്കു​ക
• ഉ​പ്പ്, അ​ച്ചാ​ർ, പ​പ്പ​ടം, സം​സ്ക​രി​ച്ച ഭ​ക്ഷ​ണം, ബേ​ക്ക​റി സാ​ധ​ന​ങ്ങ​ൾ എ​ന്നി​വ​യു​ടെ ഉ​പ​യോ​ഗം കു​റ​ക്കു​ക
• സ്ട്രെ​സ് കു​റ​ക്കാ​ൻ ശ്വ​സ​ന വ്യാ​യാ​മ​ങ്ങ​ളും യോ​ഗ​യും ശീ​ലി​ക്കു​ക.
• ഡോ​ക്ട​ർ നി​ർ​ദേ​ശി​ച്ച മ​രു​ന്നു​ക​ൾ മു​ട​ങ്ങാ​തെ ക​ഴി​ക്കു​ക. ഇ​ട​ക്ക് ഡോ​ക്ട​റെ ക​ൺ​സ​ൽ​ട്ട് ചെ​യ്യു​ക. ഇ​ട​ക്കി​ടെ ബി.​പി പ​രി​ശോ​ധി​ക്കു​ക. ഫാ​സ്റ്റി​ങ് ബ്ല​ഡ് ഷു​ഗ​ർ, ലി​പി​ഡ് പ്രൊ​ഫൈ​ൽ, സെ​റം ക്രി​യാ​റ്റി​നി​ൻ, ലി​വ​ർ ഫ​ങ്ഷ​ൻ ടെ​സ്റ്റു​ക​ൾ, ഹീ​മോ​ഗ്ലോ​ബി​ൻ, യൂ​റി​ൻ മൈ​ക്രോ ആ​ൽ​ബു​മി​ൻ തു​ട​ങ്ങി​യ പ​രി​ശോ​ധ​ന​ക​ൾ ഡോ​ക്ട​റു​ടെ നി​ർ​ദേ​ശ​പ്ര​കാ​രം ന​ട​ത്തു​ക.
• നെ​ഞ്ചു​വേ​ദ​ന​യു​ണ്ടെ​ങ്കി​ൽ ‘ഗ്യാ​സ്’ ആ​ണെ​ന്ന് വി​ചാ​രി​ച്ച് ആ​ശു​പ​ത്രി​യി​ൽ പോ​കാ​തി​രി​ക്ക​രു​ത്. ഉ​ട​ൻ ഒ​രു ഡോ​ക്ട​റെ സ​മീ​പി​ക്കു​ക. ഇ​ത്ത​രം സ​ന്ദ​ർ​ഭ​ങ്ങ​ളി​ൽ വൈ​ദ്യ​സ​ഹാ​യം തേ​ടാ​ൻ വൈ​കു​ന്ന​ത് ജീ​വ​ൻ അ​പ​ക​ട​ത്തി​ലാ​ക്കി​യേ​ക്കും.
• ആ​ഞ്ജി​യോ​പ്ലാ​സ്റ്റി​യോ ബൈ​പാ​സ് സ​ർ​ജ​റി​യോ ക​ഴി​ഞ്ഞ​വ​ർ അ​സ്പി​രി​ൻ ഡോ​ക്ട​റു​ടെ നി​ർ​ദേ​ശ​പ്ര​കാ​രം എ​ല്ലാ​ദി​വ​സ​വും മു​ട​ങ്ങാ​തെ ക​ഴി​ക്ക​ണം.

ഡോ. ​ജൂ​ലി​യ​ൻ ജോ​ണി തോ​ട്ട്യാ​ൻ(ക​ൺ​സ​ൽ​ട്ട​ന്റ് - കാ​ർ​ഡി​യോ​ള​ജി), കിം​സ് ഹെ​ൽ​ത്ത് ആ​ശു​പ​ത്രി ബ​ഹ്റൈ​ൻ MBBS, MD (ജ​ന​റ​ൽ മെ​ഡി​സി​ൻ), DM (കാ​ർ​ഡി​യോ​ള​ജി)