എ​ച്ച്.​എം.​പി.​വി; മാ​ര​ക​മ​ല്ല, പ​ക്ഷേ മ​രു​ന്നി​ല്ല

ക​ഴി​ഞ്ഞ​മാ​സം മു​ത​ൽ ചൈ​ന​യി​ൽ റി​പ്പോ​ർ​ട്ട് ചെ​യ്യു​ന്ന എ​ച്ച്.​എം.​പി.​വി അ​ഥ​വാ ഹ്യൂ​മ​ൻ മെ​റ്റാ​ന്യൂ​മോ വൈ​റ​സ് ഇ​ന്ത്യ​യി​ലും സ്ഥി​രീ​ക​രി​ച്ചി​രി​ക്കു​ന്നു. ഒ​രു ആ​ർ.​എ​ൻ.​എ ടൈ​പ്പ് വൈ​റ​സ് ആ​ണ് എ​ച്ച്.​എം.​പി.​വി. അ​ടു​ത്ത കാ​ലം വ​രെ​യും അ​ജ്ഞാ​ത​മാ​യി​രു​ന്ന ഈ ​വൈ​റ​സ് ശ്വാ​സ​കോ​ശ രോ​ഗ​ങ്ങ​ൾ​ക്ക് കാ​ര​ണ​മാ​കു​ന്നു. ജ​ല​ദോ​ഷം, മൂ​ക്ക​ട​പ്പ്, പ​നി, ക​ഫ​​ക്കെ​ട്ട് തു​ട​ങ്ങി​യ ല​ക്ഷ​ണ​ങ്ങ​ളോ​ടെ​യു​ള്ള വൈ​റ​സ്ബാ​ധ ചി​ല​പ്പോ​ൾ സ​ങ്കീ​ർ​ണ​മാ​യേ​ക്കാം. ന്യൂ​മോ​ണി​യ, ബ്രോ​​​ൈ​ങ്ക​റ്റി​സ് (ശ്വ​സ​നാ​ള​ങ്ങ​ളി​ലെ നീ​ർ​ക്കെ​ട്ട്) തു​ട​ങ്ങി​യ ഗു​രു​ത​ര രോ​ഗ​ങ്ങ​ളി​ലേ​ക്ക് പോ​കാ​ൻ സാ​ധ്യ​ത​യു​ള്ള​തി​നാ​ലാ​ണ് ആ​രോ​ഗ്യ വ​കു​പ്പ് ജാ​ഗ്ര​താ നി​ർ​ദേ​ശം പു​റ​പ്പെ​ടു​വി​ച്ചി​രി​ക്കു​ന്ന​ത്. ചെ​റി​യ കു​ട്ടി​ക​ളി​ലും പ്രാ​യം ചെ​ന്ന​വ​രി​ലും പ്ര​തി​രോ​ധ​ശേ​ഷി കു​റ​ഞ്ഞ​വ​രി​ലേ​ക്കു​മെ​ല്ലാം വൈ​റ​സ് പ​ട​ർ​ന്നാ​ൽ സ്ഥി​തി സ​ങ്കീ​ർ​ണ​മാ​യേ​ക്കാം. അ​തേ​സ​മ​യം, കൊ​റോ​ണ വൈ​റ​സ് പോ​ലെ അ​ത്ര അ​പ​ക​ട​കാ​രി​യു​മ​ല്ല.

തു​ട​ക്കം നെ​ത​ർ​ല​ൻ​ഡ്സി​ൽ​

ശ്വാ​സ​കോ​ശ അ​ണു​ബാ​ധ​ക്ക് കാ​ര​ണ​മാ​കു​ന്ന വൈ​റ​സാ​ണി​ത്. 2001ൽ, ​നെ​ത​ർ​ല​ൻ​ഡ്സി​ൽ ശ്വാ​സ​കോ​ശ അ​ണു​​ബാ​ധ​യു​ണ്ടാ​യ 28 കു​ട്ടി​ക​ളു​ടെ ക​ഫം പ​രി​ശോ​ധി​ച്ച​പ്പോ​ഴാ​ണ് ഈ ​വൈ​റ​സി​നെ ആ​ദ്യ​മാ​യി തി​രി​ച്ച​റി​ഞ്ഞ​ത്. പ​ക്ഷി​ക​ളി​ൽ സ​മാ​ന​മാ​യ രോ​ഗ​ങ്ങ​ൾ സൃ​ഷ്ടി​ക്കു​ന്ന എ.​എം.​പി.​വി (ഏ​വി​യ​ൽ മെ​റ്റാ​ന്യൂ​മോ വൈ​റ​സ്) വൈ​റ​സു​മാ​യി ഇ​തി​ന് സാ​ദൃ​ശ്യ​മു​ണ്ട്. 1970ക​ൾ മു​ത​ൽ​ത്ത​ന്നെ എ.​എം.​പി.​വി​യു​ടെ സാ​ന്നി​ധ്യം സ്ഥി​രീ​ക​രി​ക്ക​പ്പെ​ട്ടി​ട്ടു​ണ്ട്.

ഏ​താ​ണ്ട് 200 വ​ർ​ഷം മു​മ്പ്, എ.​എം.​പി.​വി​യി​ൽ​നി​ന്ന് പ​രി​ണ​മി​ച്ചാ​ണ് എ​ച്ച്.​എം.​പി.​വി​യു​ണ്ടാ​യ​തെ​ന്നാ​ണ് ശാ​സ്ത്ര​ലോ​ക​ത്തി​ന്റെ നി​ഗ​മ​നം. 2015ൽ, ​പാ​കി​സ്താ​നി​ലും 2023ലും 2024​ലും മ​ലേ​ഷ്യ​യി​ലും വൈ​റ​സ് സാ​ന്നി​ധ്യം റി​പ്പോ​ർ​ട്ട് ചെ​യ്തി​രു​ന്നു. ക​ഴി​ഞ്ഞ മാ​സ​ങ്ങ​ളി​ൽ ചൈ​ന​യി​ലും റി​പ്പോ​ർ​ട്ട് ചെ​യ്ത​തോ​ടെ ലോ​കാ​രോ​ഗ്യ സം​ഘ​ട​ന അ​ട​ക്കം ജാ​ഗ്ര​താ നി​ർ​ദേ​ശ​ങ്ങ​ൾ പു​റ​പ്പെ​ടു​വി​ച്ചി​രു​ന്നു. ത​ണു​പ്പു​കാ​ല​ങ്ങ​ളി​ലാ​ണ് വൈ​റ​സ് സാ​ന്നി​ധ്യം സ്ഥി​രീ​ക​രി​ക്ക​പ്പെ​ടാ​റു​ള്ള​ത്.

എ​ങ്ങ​നെ തി​രി​ച്ച​റി​യാം?

ചു​മ,പ​നി, മൂ​ക്ക​ട​പ്പ്, ശ്വാ​സ​ത​ട​സ്സം എ​ന്നി​വ​യാ​ണ് പൊ​തു ല​ക്ഷ​ണ​ങ്ങ​ൾ. ജ​ല​ദോ​ഷ​ത്തി​ന് സ​മാ​ന​മാ​യാ​ണ് വൈ​റ​സ് പ​ക​രു​ന്ന​ത്. വൈ​റ​സ് ബാ​ധ​യു​ള്ള പ്ര​ത​ല​ങ്ങ​ളി​ൽ സ്പ​ർ​ശി​ച്ച കൈ​ക​ൾ കൊ​ണ്ട് മൂ​ക്കി​ലും മു​ഖ​ത്തും സ്പ​ർ​ശി​ച്ചാ​ലും രോ​ഗം പ​ക​ർ​ന്നേ​ക്കാ​മെ​ന്ന് ആ​രോ​ഗ്യ വി​ദ​ഗ്ധ​ർ മു​ന്ന​റി​യി​പ്പ് ന​ൽ​കു​ന്നു.

രോ​ഗം ബാ​ധി​ച്ച​വ​രു​മാ​യി നേ​രി​ട്ടു​ള്ള സ​മ്പ​ര്‍ക്ക​ത്തി​ലൂ​ടെ​യോ രോ​ഗം ബാ​ധി​ച്ച​വ​ര്‍ ചു​മ​ക്കു​ക​യോ തു​മ്മു​ക​യോ വ​ഴി രോ​ഗം പ​ട​രാം. ശ​രീ​ര​ത്തി​ൽ പ്ര​വേ​ശി​ച്ചാ​ൽ ര​ണ്ടു​മു​ത​ൽ അ​ഞ്ചു​ദി​വ​സം കൊ​ണ്ട് വൈ​റ​സ് ബാ​ധ​യു​ടെ ല​ക്ഷ​ണ​ങ്ങ​ൾ പ്ര​ക​ട​മാ​വും. ആ​ർ.​ടി -പി.​സി.​ആ​ർ പ​രി​ശോ​ധ​ന വ​ഴി എ​ച്ച്.​എം.​പി.​വി​യെ തി​രി​ച്ച​റി​യാം.

ചികി​ത്സ​യു​ണ്ടോ?

ഇ​ല്ല. എ​ച്ച്.​എം.​പി.​വി വൈ​റ​സ് ബാ​ധ പ്ര​തി​രോ​ധി​ക്കാ​നു​ള്ള നേ​രി​ട്ടു​ള്ള ചി​കി​ത്സ നി​ല​വി​ൽ ഇ​ല്ല. വൈ​റ​സി​നെ​തി​രാ​യ വാ​ക്സി​നും ഇ​ല്ല. ആ​ന്റി വൈ​റ​ൽ മ​രു​ന്നാ​യ റി​ബ​വൈ​റി​ൻ ഫ​ല​പ്ര​ദ​മാ​ണെ​ന്ന് ചി​ല പ​ഠ​ന​ങ്ങ​ളി​ൽ പ​റ​യു​ന്നു​ണ്ട്. ചി​ല മ​രു​ന്ന് ക​മ്പ​നി​ക​ൾ വാ​ക്സി​ൻ വി​ക​സി​പ്പി​ക്കു​ന്നു​ണ്ട്. ‘മോ​ഡേ​ണ’ എ​ന്ന ക​മ്പ​നി വി​ക​സി​പ്പി​ച്ച ആ​ർ.​എ​ൻ.​എ വാ​ക്സി​ൻ പ​രീ​ക്ഷ​ണ​ഘ​ട്ട​ത്തി​ലാ​ണ്. നി​ല​വി​ൽ വൈ​റ​സ് സ്ഥി​രീ​ക​രി​ക്കു​ന്ന​വ​ർ​ക്ക് രോ​ഗ​ല​ക്ഷ​ണ​ങ്ങ​ൾ​ക്കു​ള്ള മ​രു​ന്ന് ന​ൽ​കു​ക​യാ​ണ് ചെ​യ്യു​ന്ന​ത്.

എ​ന്തു ചെ​യ്യാ​നാ​കും?

കോ​വി​ഡ് കാ​ല​ത്തെ​ന്ന​പോ​​ലെ കു​ടു​ത​ൽ ജാ​ഗ്ര​ത​യോ​ടെ പ്ര​തി​രോ​ധം ശ​ക്ത​മാ​ക്കു​ക. ശു​ചി​ത്വം പാ​ലി​ക്കു​ക; ല​ക്ഷ​ണ​ങ്ങ​ൾ ​ശ്ര​ദ്ധ​യി​ൽ​പെ​ട്ടാ​ൽ ഉ​ട​ൻ റി​പ്പോ​ർ​ട്ട് ചെ​യ്യു​ക. 20 സെ​ക്ക​ന്‍ഡെ​ങ്കി​ലും സോ​പ്പും വെ​ള്ള​വും ഉ​പ​യോ​ഗി​ച്ച് കൈ​ക​ള്‍ ഇ​ട​ക്കി​ടെ ക​ഴു​കു​ക, ക​ഴു​കാ​ത്ത കൈ​ കൊ​ണ്ട് മു​ഖ​ം തൊ​ടു​ന്ന​ത് ഒ​ഴി​വാ​ക്കു​ക, മാ​സ്‌​ക് ധ​രി​ക്കു​ക എ​ന്നി​വ​യാ​ണ് പ്ര​തി​രോ​ധ മാ​ര്‍ഗ​ങ്ങ​ള്‍.

കോ​വി​ഡ് പോ​ലെ പേ​ടി​ക്കേ​ണ്ട​തു​ണ്ടോ?

ഇ​ല്ല. ചൈ​ന​യി​ൽ എ​ച്ച്.​എം.​പി.​വി റി​പ്പോ​ർ​ട്ട് ചെ​യ്ത​പ്പോ​ൾ ചി​ല മാ​ധ്യ​മ​ങ്ങ​ൾ അ​തി​നെ കോ​വി​ഡു​മാ​യി താ​ര​ത​മ്യം ചെ​യ്തി​രു​ന്നു. എ​ന്നാ​ൽ, അ​ത്ര​ക​ണ്ട് അ​പ​ക​ട​ക​ര​മ​ല്ല ഇ​ത്. ഒ​ന്നാ​മ​താ​യി, ഈ ​വൈ​റ​സി​നെ നേ​ര​ത്തെ ത​ന്നെ തി​രി​ച്ച​റി​ഞ്ഞി​ട്ടു​ണ്ട്. ഇ​ത് എ​ങ്ങ​നെ പ​ക​രു​മെ​ന്ന​തു സം​ബ​ന്ധി​ച്ചും ശാ​സ്ത്ര​ലോ​ക​ത്തി​ന് കൃ​ത്യ​മാ​യ ധാ​ര​ണ​യു​ണ്ട്. കൊ​റോ​ണ വൈ​റ​സ് പോ​ലെ വേ​രി​യ​ന്റു​ക​ൾ അ​ത്ര പെ​ട്ടെ​ന്ന് ഉ​ണ്ടാ​കു​ന്ന​തു​മ​ല്ല. ഭൂ​രി​ഭാ​ഗം സ​ന്ദ​ർ​ഭ​ങ്ങ​ളി​ലും ഒ​രാ​ഴ്ച കൊ​ണ്ടു​ത​ന്നെ അ​സു​ഖം ഭേ​ദ​മാ​വാ​റു​ണ്ട്.

ചു​രു​ക്കം ചി​ല ഘ​ട്ട​ങ്ങ​ളി​ൽ മാ​ത്ര​മാ​ണ് ഇ​ത് സ​ങ്കീ​ർ​ണ​മാ​യ അ​സു​ഖ​ങ്ങ​ളി​ലേ​ക്ക് വ​ഴു​തി​മാ​റു​ന്ന​ത്. അ​തു​കൊ​ണ്ടു​ത​ന്നെ, കോ​വി​ഡു​മാ​യി എ​ച്ച്.​എം.​പി.​വി ബാ​ധ​യെ താ​ര​ത​മ്യം​ ചെ​യ്യേ​ണ്ട​തി​ല്ലെ​ന്നും ആ​രോ​ഗ്യ വി​ദ​ഗ്ധ​ർ പ​റ​യു​ന്നു. എ​ന്നാ​ൽ, കോ​വി​ഡാ​ന​ന്ത​ര സാ​ഹ​ച​ര്യ​ത്തി​ൽ വൈ​റ​സ് സൃ​ഷ്ടി​ക്കു​ന്ന പ്ര​ത്യാ​ഘാ​ത​ങ്ങ​ൾ ന​മു​ക്ക് പ്ര​വ​ചി​ക്കാ​നാ​വി​ല്ല. കോ​വി​ഡ് ബാ​ധി​ച്ച ഒ​രാ​ളി​ൽ എ​ച്ച്.​എം.​പി.​വി സ്ഥി​രീ​ക​രി​ക്കു​മ്പോ​ൾ ജാ​ഗ്ര​ത പാ​ലി​ക്കേ​ണ്ട​തു​ണ്ട്.

ഈ കാ​ര്യ​ങ്ങ​ള്‍ ശ്ര​ദ്ധി​ക്കാം

● വാ​യു​വി​ലൂ​ടെ പ​ക​രു​ന്ന രോ​ഗ​മാ​യ​തി​നാ​ല്‍ മാ​സ്‌​ക് ഉ​പ​യോ​ഗ​വും കൈ​ക​ളു​ടെ ശു​ചി​ത്വ​വും പ്ര​ധാ​നം

● അ​നാ​വ​ശ്യ ആ​ശു​പ​ത്രി സ​ന്ദ​ര്‍ശ​നം ഒ​ഴി​വാ​ക്കു​ക, ആ​ശു​പ​ത്രി​യി​ല്‍ മാ​സ്‌​ക് ഉ​പ​യോ​ഗി​ക്കു​ക

● തു​മ്മു​മ്പോ​ഴും ചു​മ​ക്കു​മ്പോ​ഴും തൂ​വാ​ല ഉ​പ​യോ​ഗി​ച്ച് വാ​യും മൂ​ക്കും മ​റ​ക്ക​ണം

● മു​റി​ക​ളി​ല്‍ ശ​രി​യാ​യ വാ​യു​സ​ഞ്ചാ​രം ഉ​റ​പ്പാ​ക്കു​ക

● കു​ട്ടി​ക​ള്‍, മു​തി​ര്‍ന്ന​വ​ര്‍, ഗ​ര്‍ഭി​ണി​ക​ള്‍, പ്ര​മേ​ഹം, ഹൃ​ദ്രോ​ഗം, ര​ക്ത​സ​മ്മ​ര്‍ദം, ക​ര​ള്‍, വൃ​ക്ക​രോ​ഗ​ങ്ങ​ള്‍ തു​ട​ങ്ങി​യ​വ​യു​ള്ള​വ​രും രോ​ഗ പ്ര​തി​രോ​ധ​ശേ​ഷി കു​റ​ഞ്ഞ​വ​രും പ്ര​ത്യേ​കം ശ്ര​ദ്ധി​ക്ക​ണം.

● പ്ര​മേ​ഹ​വും ര​ക്ത​സ​മ്മ​ര്‍ദ​വും നി​യ​ന്ത്ര​ണ വി​ധേ​യ​മാ​ക്കു​ക

● ജ​ല​ന​ഷ്ട​മു​ണ്ടാ​കാ​തി​രി​ക്കാ​ന്‍ ധാ​രാ​ളം വെ​ള്ളം കു​ടി​ക്ക​ണം.

● രോ​ഗ​ല​ക്ഷ​ണ​ങ്ങ​ള്‍ ക​ണ്ടാ​ല്‍ എ​ത്ര​യും വേ​ഗം ചി​കി​ത്സ തേ​ടി വി​ശ്ര​മി​ക്ക​ണം.