10,112 ​പുതിയ കോവിഡ് കേസുകൾ; ദൈനംദിന കോവിഡ് സ്ഥിരീകരണ നിരക്ക് 7.03 ശതമാനമായി ഉയർന്നു

ന്യൂഡൽഹി: ഞായറാഴ്ചയും ഇന്ത്യയിൽ കോവിഡ് കേസുകൾ 10,000 കടന്നു. 10,112 ​പുതിയ കേസുകളാണ് 24 മണിക്കൂറിനിടെ രേഖപ്പെടുത്തിയത്. സജീവ കേസുകൾ 67,806 ആയി ഉയർന്നു.

ഇതുവരെ 4.48 കോടി പേർക്കാണ് രോഗം ബാധിച്ചത്. 5.31 ലക്ഷം മരണങ്ങളും നടന്നു. കഴിഞ്ഞ ദിവസം 29 കോവിഡ് മരണങ്ങളാണ് പുതുതായി രേഖപ്പെടുത്തിയത്. അതിൽ ഏഴെണ്ണം കേരളത്തിൽ നേരത്തെ നടന്നത് കോവിഡ് മൂലമാണെന്ന് തിരച്ചറിഞ്ഞ മരണങ്ങളാണ്.

ദൈനംദിന കോവിഡ് സ്ഥിരീകരണ നിരക്ക് 7.03 ശതമാനവും പ്രതിവാര കോവിഡ് സ്ഥിരീകരണ നിരക്ക് 5,.43 ശതമാനവുമാണ്.