മഞ്ഞപ്പിത്തവും ചിക്കൻ പോക്സും വ്യാപിക്കുന്നു

കോ​ഴി​ക്കോ​ട്: ചൂ​ട് കൂ​ടി​യ​തോ​ടെ ജി​ല്ല​യി​ൽ മ​ഞ്ഞ​പ്പി​ത്ത​വും (വൈ​റ​ൽ ഹെ​പ്പ​റ്റൈ​റ്റി​സ്-​എ) ചി​ക്ക​ൻ പോ​ക്സും വ്യാ​പി​ക്കു​ന്നു. ദി​നം​പ്ര​തി നി​ര​വ​ധി പേ​രാ​ണ് സ​ർ​ക്കാ​ർ, സ്വ​കാ​ര്യ ആ​ശു​പ​ത്രി​ക​ളി​ൽ ചി​കി​ത്സ തേ​ടി​യെ​ത്തു​ന്ന​ത്. ചി​ക്ക​ൻ പോ​ക്സ് മു​മ്പെ​ങ്ങു​മി​ല്ലാ​ത്ത വി​ധം വ​ർ​ധി​ച്ച​താ​യി ആ​രോ​ഗ്യ പ്ര​വ​ർ​ത്ത​ക​ർ ചൂ​ണ്ടി​ക്കാ​ട്ടു​ന്നു. പ​നി, ഛർ​ദി ബാ​ധി​ച്ചെ​ത്തു​ന്ന 100 പേ​രെ പ​രി​ശോ​ധി​ച്ചാ​ൽ 20 പേ​ർ​ക്കും രോ​ഗം സ്ഥി​രീ​ക​രി​ക്കു​ന്ന അ​വ​സ്ഥ​യാ​ണ്. പ്ര​ക​ട​മാ​യ മ​ഞ്ഞ​പ്പി​ത്ത ല​ക്ഷ​ണ​ങ്ങ​ൾ ഉ​ള്ള​വ​രെ മാ​ത്ര​മാ​ണ് സാ​മ്പി​ൾ പ​രി​ശോ​ധ​ന​ക്ക് വി​ധേ​യ​മാ​ക്കു​ന്ന​ത്. പ​നി​യും ഛർ​ദി​യും അ​നു​ഭ​വ​പ്പെ​ട്ടാ​ൽ സ്വ​യം ചി​കി​ത്സ ന​ട​ത്ത​രു​തെ​ന്നും ആ​ശു​പ​ത്രി​യി​ൽ ചി​കി​ത്സ തേ​ട​ണ​മെ​ന്നും ഡോ​ക്ട​ർ​മാ​ർ നി​ർ​ദേ​ശി​ച്ചു.

മ​ഞ്ഞ​പ്പി​ത്തം ഗു​രു​ത​ര​മാ​യാ​ൽ ക​ര​ളി​നെ ബാ​ധി​ക്കു​ക​യും മ​ര​ണ​ത്തി​ലേ​ക്ക് ന​യി​ക്കു​ക​യും ചെ​യ്യും. അ​തി​നാ​ൽ അ​തീ​വ ജാ​ഗ്ര​ത പു​ല​ർ​ത്ത​ണ​മെ​ന്നാ​ണ് ആ​രോ​ഗ്യ പ്ര​വ​ർ​ത്ത​ക​ർ നി​ർ​ദേ​ശി​ക്കു​ന്ന​ത്. എ​ന്നാ​ൽ, രോ​ഗം പ​ക​ർ​ന്നു​പി​ടി​ക്കു​ന്ന​തു​മാ​യി ബ​ന്ധ​പ്പെ​ട്ട വി​വ​ര​ങ്ങ​ൾ ആ​രോ​ഗ്യ​വ​കു​പ്പി​ന്‍റെ വെ​ബ്സൈ​റ്റി​ൽ കൃ​ത്യ​മാ​യി അ​പ്ഡേ​റ്റ് ചെ​യ്യു​ന്നി​ല്ലെ​ന്നും ആ​ക്ഷേ​പ​മു​ണ്ട്. കോ​ർ​പ​റേ​ഷ​ൻ പ​രി​ധി​യി​ൽ ന​ല്ല​ളം, പാ​ലാ​ഴി, പ‍യ്യാ​ന​ക്ക​ൽ മേ​ഖ​ല​ക​ളി​ലാ​ണ് കൂ​ടു​ത​ൽ മ​ഞ്ഞ​പ്പി​ത്തം റി​പ്പോ​ർ​ട്ട് ചെ​യ്യ​പ്പെ​ടു​ന്ന​ത്.

ഗ്രാ​മ​പ്ര​ദേ​ശ​ങ്ങ​ളി​ലും രോ​ഗം പ​ട​രു​ന്നു​ണ്ട്. ശു​ദ്ധ​മ​ല്ലാ​ത്ത വെ​ള്ള​ത്തി​ലൂ​ടെ​യാ​ണ് മ​ഞ്ഞ​പ്പി​ത്തം വ്യാ​പി​ക്കു​ന്ന​ത്. കു​ടി​വെ​ള്ള​ത്തി​ൽ മാ​ലി​ന്യം ക​ല​രു​ന്ന​തും വൃ​ത്തി​ഹീ​ന​മാ​യ സാ​ഹ​ച​ര്യ​ത്തി​ൽ ത​യാ​റാ​ക്കു​ന്ന പാ​നീ​യ​ങ്ങ​ൾ കു​ടി​ക്കാ​നി​ട​യാ​കു​ന്ന​തു​മാ​ണ് രോ​ഗ​വ്യാ​പ​ന​ത്തി​ന് ഇ​ട​യാ​ക്കു​ന്ന​ത്. ചി​ക്ക​ൻ​പോ​ക്സ് കു​ട്ടി​ക​ളി​ലാ​ണ് കൂ​ടു​ത​ലാ​യി ക​ണ്ടു​വ​രു​ന്ന​ത്. പ​രീ​ക്ഷാ​കാ​ല​ത്ത് വി​ദ്യാ​ർ​ഥി​ക​ളി​ൽ ചി​ക്ക​ൻ​പോ​ക്സ് പ​ക​രു​ന്ന​ത് ആ​ശ​ങ്ക​ക്കി​ട​യാ​ക്കു​ന്നു​ണ്ട്.

ജാ​ഗ്ര​ത പു​ല​ർ​ത്ത​ണ​മെ​ന്ന് ഡി.​എം.​ഒ

ജി​ല്ല​യി​ൽ മ​ഞ്ഞ​പ്പി​ത്തം വ്യാ​പി​ക്കു​ന്ന സാ​ഹ​ച​ര്യ​ത്തി​ൽ പൊ​തു​ജ​ന​ങ്ങ​ൾ ജാ​ഗ്ര​ത പു​ല​ർ​ത്ത​ണ​മെ​ന്ന് ജി​ല്ല ആ​രോ​ഗ്യ ഓ​ഫി​സ് അ​റി​യി​ച്ചു. ശു​ദ്ധ​മ​ല്ലാ​ത്ത വെ​ള്ള​ത്തി​ലൂ​ടെ​യും രോ​ഗ​ബാ​ധ​യു​ള്ള​വ​രു​മാ​യി അ​ശ്ര​ദ്ധ​മാ​യ സ​മ്പ​ർ​ക്കം​മൂ​ല​വും രോ​ഗം പ​ക​രാം. പ​നി, ഛർ​ദി, ക്ഷീ​ണം, ക​ണ്ണു​ക​ളി​ലും മൂ​ത്ര​ത്തി​ലും മ​ഞ്ഞ​നി​റം എ​ന്നി​വ​യാ​ണ് പ്രാ​രം​ഭ ല​ക്ഷ​ണ​ങ്ങ​ൾ. ഈ ​ല​ക്ഷ​ണ​ങ്ങ​ളു​ള്ള​വ​ർ അ​ടു​ത്തു​ള്ള ആ​രോ​ഗ്യ കേ​ന്ദ്ര​ത്തി​ലെ ഡോ​ക്ട​റു​ടെ സേ​വ​നം തേ​ട​ണം. ആ​ഹാ​ര​ത്തി​നു മു​മ്പും ശേ​ഷ​വും മ​ല​വി​സ​ർ​ജ​ന​ത്തി​നു​ശേ​ഷ​വും വൃ​ത്തി​യാ​യി കൈ​ക​ൾ ക​ഴു​കു​ക​യും തി​ള​പ്പി​ച്ചാ​റ്റി​യ വെ​ള്ളം കു​ടി​ക്ക​ണ​മെ​ന്നും ജി​ല്ല മെ​ഡി​ക്ക​ൽ ഓ​ഫി​സ​ർ നി​ർ​ദേ​ശി​ച്ചു.