കാ​ൽ​മു​ട്ട് മാ​റ്റി​വെ​ക്ക​ൽ ശ​സ്ത്ര​ക്രി​യ വി​ജ​യ​ക​രം; പു​തി​യ നേ​ട്ട​ത്തി​ൽ കു​വൈ​ത്ത്

കു​വൈ​ത്ത് സി​റ്റി: ആ​രോ​ഗ്യ​സം​ര​ക്ഷ​ണ​ത്തി​ലും ശ​സ്ത്ര​ക്രി​യ​യി​ലും നേ​ട്ടം കൈ​വ​രി​ച്ച് കു​വൈ​ത്ത്. രാ​ജ്യ​ത്ത് ആ​ദ്യ​മാ​യി കാ​ൽ​മു​ട്ട് മാ​റ്റി​സ്ഥാ​പി​ക്ക​ൽ ശ​സ്ത്ര​ക്രി​യ വി​ജ​യ​ക​ര​മാ​യി പൂ​ർ​ത്തി​യാ​ക്കി.

ഫ​ർ​വാ​നി​യ ആ​ശു​പ​ത്രി​യി​ലെ ഓ​ർ​ത്തോ​പീ​ഡി​ക് വ​കു​പ്പി​ലെ മ​ൾ​ട്ടി ഡി​സി​പ്ലി​ന​റി സം​ഘ​മാ​ണ് കാ​ൽ​മു​ട്ട് മാ​റ്റി സ്ഥാ​പി​ക്ക​ൽ ശ​സ്ത്ര​ക്രി​യ​യി​ൽ അ​പൂ​ർ​വ നേ​ട്ടം സ​മ്മാ​നി​ച്ച​ത്.

പൂ​ർ​ണ​മാ​യും അ​ന്താ​രാ​ഷ്ട്ര മാ​ന​ദ​ണ്ഡം പാ​ലി​ച്ചാ​യി​രു​ന്നു ശ​സ്ത്ര​ക്രി​യ. കു​വൈ​ത്തി​ന് പു​റ​മെ മി​ഡി​ലീ​സ്റ്റി​ലും ആ​ദ്യ​മാ​ണ് ഇ​ത്ത​രം ശ​സ്ത്ര​ക്രി​യ. മി​ഡി​ലീ​സ്റ്റി​ലെ ആ​ദ്യ നേ​ട്ട​മാ​ണ് ഫ​ർ​വാ​നി​യ ആ​ശു​പ​ത്രി​യി​ലേ​തെ​ന്ന് ആ​ശു​പ​ത്രി ഡ​യ​റ​ക്ട​ർ ഡോ. ​അ​ലി അ​ൽ മു​തൈ​രി പ​റ​ഞ്ഞു.

കാ​ൽ​മു​ട്ടു​ക​ൾ​ക്ക് ക​ടു​ത്ത പ​രി​ക്കി​ൽ ബു​ദ്ധി​മു​ട്ടു​ന്ന കു​വൈ​ത്തി​ലെ രോ​ഗി​ക്കാ​ണ് സ​ന്ധി മാ​റ്റി​വെ​ക്ക​ൽ ശ​സ്ത്ര​ക്രി​യ ന​ട​ത്തി​യ​ത്.

ശ​സ്ത്ര​ക്രി​യ ക​ഴി​ഞ്ഞ് ഏ​താ​നും മ​ണി​ക്കൂ​റു​ക​ൾ​ക്കു​ള്ളി​ൽ വേ​ദ​ന അ​നു​ഭ​വ​പ്പെ​ടാ​തെ ന​ട​ക്കാ​ൻ ക​ഴി​ഞ്ഞ​താ​യും അ​ദ്ദേ​ഹം പ​റ​ഞ്ഞു.

ആ​രോ​ഗ്യ മ​ന്ത്രാ​ല​യ​ത്തി​ന്റെ ആ​ശു​പ​ത്രി​ക​ളി​ൽ ഇ​ത്ത​ര​ത്തി​ലു​ള്ള ആ​ദ്യ​ത്തെ ശ​സ്ത്ര​ക്രി​യ​യാ​ണ് ഇ​തെ​ന്നും ഡോ. ​അ​ലി അ​ൽ മു​തൈ​രി പ​റ​ഞ്ഞു.